Radiukkut fjernsynikkullu aallakaatitsisarnerit pillugit Inatsisartut peqqussutaata allanngortinneqarneranik Inatsisartut peqqussutaat nr. 6, 3. november 1994-imeersoq.

 

§ 1.

Radiukkut fjernsynikkullu aallakaatitsisarnerit pillugit Inatsisartut peqqussutaannut nr. 3-mut 17. maj 1990-imeersumut Inatsisartut peqqussutaatigut nr. 4-kkut 31. oktober 1991-imeersukkut aamma Inatsisartut peqqussutaatigut nr. 4-kkut 9. april 1992-imeersukkut allanngortinneqartartumut makku allannguutigitinneqassapput:

 

1. Kapitali 5 imatut oqaasertalerneqassaaq:

"Kapitali 5.
Naammagittaalliuuteqartarnerit.

§ 30. Naalakkersuisut radiukkut TV-kkullu ussassaarutinut naammagittaalliuuteqartarfimmik ukiut sisamakkaarlugit toqqarneqartartunik pingasunik ilaasortalimmik pilersitsissapput.
Imm. 2. Naammagittaalliuuteqartarfiup siulittaasua ilaasortat akornannit naalakkkersuisunti toqqarneqartassaaq.
Imm. 3. Radiukkut TV-kkullu ussassaarutit pillugit naammagittaalliuuteqartarfiup suleriaasissai naalakkersuisunit aalajangersarneqassapput.
Imm. 4. Naammagittaalliuuteqartarfiup sulinerani aningaasartuutit landskarsimit akilerneqartassapput.
Imm. 5. Naammagittaalliuuteqartarfiup allattoqarfiani suliassanut ikiorteqarnissaq naalakkersuisut isumagisassaraat.

§ 31. Radiukkut TV-kkullu ussassaarutit imarisaat pillugit suliani radiukkut TV-kkullu ussassaarutinut naammagittaalliuuteqartarfik aalajangersaasartussaavoq. Malittarisassanik unioqqutitsinerit naammagittaalliuuteqartarfiup uparuaaffigisinnaavai aammalu aalajangiiffigineqarnerisa tamanut saqqummiunneqarnissaat piumasarisinnaallugu, tak. § 32, imm. 2.
Imm. 2. Radiukkut TV-kkullu ussassaarutinut naammagittaalliuuteqartarfiup pissusiviusut pillugit kukkusunik paasissutissiissutit ussassaarutinik aallakaatitsinerni ilanngussat naqqiissuteqarfigineqartarnissaat aamma piumasarisinnaavaa, tak. § 32, imm. 2.
Imm. 3. Ussassaarutinik aallakaatitsinerni ilanngussat imarisaat pillugit naammagittaalliuutit, tak. imm. 1 aamma 2, tunniunneqartassapput ilanngussap aallakaatinneqarnerata kingornagut sapaati-akunneri sisamat qaangiutsinnagit.

§ 32. Radiukkut TV-kkullu ussassaarutinut naammagittaalliuuteqartarfiup aalajangigai allaffissornikkut oqartussaaffimmut allamut suliassanngortinneqarsinnaanngillat.
Imm. 2. Radiukkut TV-kkullu ussassaarutinut naammagittaalliuuteqartarfiup oqaaseqaatai tamanut saqqummiunneqartassapput, naammagittaalliuuteqartarfiullu KNR imaluunniit akuersissummik piginnittut ataasiakkaatigut peqqusarsinnaavai nammineq aalajangikkani imaluunniit oqaaseqaatini aallakaatitsinerminni nalunaarutigisaqqullugit aammalu aalajangersinnaallugit tamakkua qanoq ittumik qanorlu ilusilimmik pisarnissaat."

2. "§ 33 atorunnaarpoq."

3. § 34 a. imatut oqaasertalerneqassaaq:
^„ § 34 a. Naalakkersuisut akuersisinnaapput misiliilluni aaqqissuussinerit peqqussummi aalajangersakkat iluanni ingerlannissaannut.
Imm. 2. Naalakkersuisut immikkut pisimasoqartillugu paragraffit 18-p imm. 1-anni, 19-p imm. 1-anni, 20-anni aamma 25-p imm. 2-anniit 4-annut aalajangersakkanit allaasunik immikkut akuersissuteqarsinnaapput."

 

§ 2.

"§ 1, nr. 1 aamma 2 atuutilissapput nutaarsiassaqar titsivinnut akisussaaffiginninnermik inatsisip Kalaallit Nunaanni atuutilerneranut peqatigitillugu. § 1, nr 3 atuutilissaaq januaarip 1-anni 1995-imi."

Namminersornerullutik Oqartussat, ulloq 3. november 1994.

Lars Emil Johansen

/

Marianne Petersen