Tupa avatangiisinillu tupatorfiunngitsunik isumannaarineq, kiisalu tupanik nioqqutissat nalunaaqutserneqartarneri pillugit Inatsisartut peqqussutaat nr. 5, 3. november 1994-imeersoq.
Kalaallit Nunaanni Peqqinnissaqarfik pillugu Inatsimmi nr. 369-imi, 6. juni 1991-imeersumi § 1 naapertorlugu aalajangersarneqarput:
Kapitali 1
Siunertat pineqartullu.§ 1. Peqqussummi uani siunertarineqarpoq tupatornerup annikillisinneqarnissaa kiisalu tupatornerup peqqinnissamut ajoqusiisumik sunniutaasa pinaveersimaniarlugillu killilersuiffigineqarnissaat.
§ 2. Siunertaavortaaq inini kikkunnit tamanit ornigarneqartartuni, angallassissutinilu suniluunniit kikkunnit tamanit atugaasuni pujortaaffiunngitsumik avatangiiseqarnissap isumannaarneqarnissaa.
§ 3. Peqqussummi pineqarput nioqqutissat tamarmik tupap naasuanit (Nicotianamit) sanaartorneqartartut.
Imm. 2. Tassani pineqarput sikaritsit, sikaat, sikariilorsit, serutsit, tupat pujortaammik pujortagassiat/ tupat imusassiat, snuusit sukuluussallu, allallu suusinnaasut.§ 4. Peqqussummi pineqarput pisortaqarfiit, ingerlatseqatigiiffiit piginneqatigiiffiillu, suliffeqarfiit namminersortut inuussutissarsiutinillu ingerlatsiveqarfiit.
Imm. 2. Namminersortut suliffeqarfii qulit inorlugit sulisoqartut peqqussummi matumani ilaatinneqanngillat.
Kapitali 2
Avatangiisit pujortaaffiunngitsut§ 5. Pujortarneq inerteqqutaavoq:
1) inini allanilu kikkunnilluunniit ornigarneqartartuni
2) suliffeqarfinni pisortaqarfinnilu sumiiffinni, kikkunnit tamanit ornigarneqartartuni.
Imm. 2. Pujortarneq ajornartitaanngilaq inini immikkut pujortartarfissiani.
Imm. 3. Ininik immikkut pujortartarfinnik pilersitsineq ajornarpat, immikkuullaritsitaallutik pujortartarfiit pilersinneqassapput pujortarfiusinnaasut.
Imm. 4. Init inunikkut pujortartarfiit imaluunniit immikkuullarissumik pujortartarfiusinnaasut pilersinneqarpata putsup akornutaanera annikinnerpaatinneqassaaq.§ 6. Angallassissutini kikkunnit tamanit atorneqartuni pujortarneq inerteqqutaavoq.
Imm. 2. Umiarsuarni ilaasartaatini pujortartarfiit imaluunniit iiranikkuullarissumik pujortartarfiusinnaasut nalunaaqutserluakkat pilersinneqassapput.
Imm. 3. Nunanut allanut nunanillu allanit aqqutit peqqussummi matumani ilaatinneqanngillat.§ 7. Ini suliffiusoq inummit ataasiinnaanngitsumit suliffiuppat, pujortartoqarsinnaavoq inimi tassani atuisut tamarmik pujortarneq akuerippassuk, taamaattoq tak. § 5, imm. 2-4.
Imm. 2. Tamannattaaq atuuppoq ataatsimiinnerni.
Kapitali 3
Tupat ussassaarutaaneri.§ 8. Atuagassiatigut, allagarsiussatigut allatigulluunniit tupanik piseqqusaarilluni ussassaaruteqarneq inerteqqutaavoq.
Imm. 2. Naalakkersuisut immikkut akuersissuteqarsinnaapput nunat allat aviisiinut, atuagassiaannut, aviisiinullu assiliartalinnut assinillu takusassianut avataanit eqqunneqartartunut.§ 9. Tupanik misiligutissanik akeqanngitsumik agguaaneq inerteqqutaavoq.
§ 10. Peqqussummi uani tupanik piseqqusaarulluni ussassaarinernut sunulluunniit inerteqquteqarneq atornerlunneqassanngilaq taarsiullugu nalunaaqqutsersuutit, saqqarmiut takussutissiat allatulluunniit takusassiat atornerisigut.
Kapitali 4
Tupanik nioqqutissanik allagartalersuineq.§ 11. Tupat tamarmik tupatornerup peqqinnissamut navianartumik sunniuttarneranik allagartalersorneqarsimassapput, tak. peqqussummut uunga ilanngussaq.
Imm. 2. Mianersoqqussut kalaallisut qallunaatullu allassimassaaq.
Imm. 3. Ilanngussami mianersoqqussummut atugassamik oqaasertaliussassat sorliit atorneqarnissaannik toqqaasoqarsinnaavoq.
Imm. 4. Oqaasertaliussat ilanngussami taaneqartunit tigusaanngitsut Peqqinnissamut Avatangiisinullu Pisortaqarfimmit akuerisaassapput.§ 12. Tupanik nioqqutissat tamarmik akuinik (usserut) aamma nikotinimik qanorlu annertutiginerinik paasissutissartaqartinneqassapput.
Kapitali 5
Nakkutiginninneq pineqaatissiisarnerlu.§ 13. Peqqinnissamut oqartussaasut Kalaallit Nunaanni Sullivinnik Nakkutilliisoqarfik suleqatigalugu - peqqussutip matuma eqquutinneqarnissaa nakkutigisassaraat.
Imm. 2. Nakkutiginnittutut oqartussaasut immikkut illuinnartuni peqqussmnmi matumani aalajangersakkanik immikkut akuersissuteqarsinnaapput.§ 14. Naalakkersuisut nakkutilliinermut maleruaqqusanik aalajangersaagaliortassapput.
§ 15. §§-ini 5-6-imi, §§-ini 8-10-mi aamma §§-ini 11-12-imi aalajangersakkanik unioqqutitsineq sulisitsisumut akiliisitsinermik pineqaatissiissutaasinnaavoq.
Imm. 2. Aktiaateqarluni ingerlatseqatigiiffik, piginneqatigiilluni ingerlatseqatigiiffik, piginneqatigiiffik assigisaaluunniit taakkununnga assingusoq unioqqutitsisippat ingerlatseqatigiiffik imminni unioqqutitsinermut akisussaatinneqarsinnaavoq. Naalagaaffik, Namminersornerullutik Oqartussat, kommuni imaluunniit kommunit arlaqarlutik ingerlassaqarfii Kommunalbestyrelsit bygderådillu il.il. pillugit Inatsisartut inatsisaanni § 57-imi ilaatinneqartut unioqqutitsippata, naalagaaffik, Namminersornerullutik Oqartussat, kommuni imaluunniit kommunit arlaqarlutik ingerlassaqarfii imminni akiliisinneqarsinnaapput.
Kapitali 6
Atulersitsinermut aalajangersakkat.§ 16. Inatsisartut peqqussutaat una 1. januar 1995-imi atulerpoq.
§ 17. Tupanik nioqqutissanut 1. januar 1995 sioqqullugu tikisinneqartunut ikaarsaariarnermi ukioq ataaseq piffissaralugu nioqqutissat peqqussuiranut matumunnga naapertuutilersinneqassapput.
§ 18. Avatangiisit pujortaaffiunngitsut isumannaarnissaannut kiisalu tupanik nioqqutissat suulluunniit pisiareqqusaarutigalugit ussassaarutaanerisa inerteqqutaanerisa isumannaarnissaannut ikaarsaariarnermi ukioq ataaseq piffissaralugu 1. januar 1996-ip tungaanut pissutsit peqqussummut matumunnga naapertuutilersinneqassapput.
Namminersornerullutik Oqartussat, ulloq 3. november 1994.
Lars Emil Johansen/
Ove Rosing Olsen
1) Pujortarneq kræfteqalissutaasarpoq
Peqqinnissamut Avatangiisinullu PisortaqarfikRygning er årsag til kræft
Direktoratet for Sundhed og Miljø2) Pujortarneq uummatikkut taqqatigullu nappaateqaiissutaasarpoq
Peqqinnissamut Avatangiisinullu PisortaqarfikRygning er årsag til hjerte- og karsygdomme
Direktoratet for Sundhed og Miljø3) Pujortarnerit allanut akorautaavoq
Peqqmnissamut Avatangiisinullu PisonaqartlkRygning generer dine omgivelser
Direktoratet for Sundhed og Miljø4) Naartuguit pujortarlutillu naartut ajoqusersinnaavat
Peqqinnissamut Avatangiisinullu PisortaqarfikHvis du er gravid og ryger, kan det skade dit barn
Direktoratet for Sundhed og Miljø5) Maligassiuilluarit - meeqqat pujortarfígínaveersaakkít
Peqqinnissamut Avatangiisinullu PisortaqarfikVær et godt eksempel - udsæt ikke dine børn for tobaksrøg
Direktoratet for Sundhed og Miljø6) Tupa peqqissutsimut akorautaalluinnarpoq
Peqqinnissamut Avatangusinullii PisoitaqarftkTobak er yderst sundhedsskadelig
Direktoratet for Sundhed og Miljø