ltf_nr_01-1994

Meeqqat atuarfiat pillugu Inatsisartut peqqussutaata allanngortinneqarneranik Inatsisartut peqqussutaat nr. 1, 1. marts 1994-imeersoq.

§ 1.

Meeqqat atuarfiat pillugu Inatsisartut peqqussutaanni nr. 10-mi 25.oktober 1990-imeersumi § 12 ima ilusilerneqassaaq:

^{"Naammattusaammik aamma immikkut aaqqissuussamik
atuartitsineq
§ 12. Atuartunut sivisunerusumik atuartitaasimanngitsunut imaluunniit
atuarfimmut allamut nuussimasunut naammattusaammik atuartitsisoqarsinnaavoq
allatulluunniit atuartitsinikkut ikiorsiisoqarsinnaalluni.

Imm. 2. Atuartunut kalaallit oqaasiinik oqaaseqavinngitsunut immikkut
aaqqissuussamik kalaallit oqaasiinik atuartitsineqassaaq.

Imm. 3. Atuartunut danskisut oqaasilinnut oqaasiinik atuartitsineq immikkut
aaqqissuussamik ingerlanneqassaaq.

Imm. 4. Atuartut kaalaallisut qallunaatulluunniit oqaaseqanngitsut oqaatsiminnik
ilinniartinneqarsinnaanissaat neqeroorutigineqarsinnaavoq.

Imm. 5. Naalakkersuisut imm. 1-imiit 4-mut tunngasunik malittarisassanik
aalajangersaassapput."

§ 2.
Inatsisartut peqqussutaat atuutilerpoq l.august 1994.

Namminersornerullutik Oqartussat, Ulloq 1. marts 1994

Lars Emil Johansen
/
Marianne Jensen}