Annertuumik innarluutillit ikiorserneqartarnerat pillugu Namminersornerullutik Oqartussat nalunaarutaat nr. 62, 29 december 1994-imeersoq.
Annertuumik innarluutillit ikiorserneqartarnerat pillugu Inatsisartut peqqussutaanni nr. 7-imi 3. november 1994-imeersumi §§ 3 imm. 2, 5, 11, 12, 15, 18 imm. 3, 20 imm. 3, 22 imm. 3, 25 imm. 4 kiisalu 26 imm. 3 tunngavigalugit aalajangersarneqarput:
Kapitali 1.
Aalajangersakkat nalinginnaasut.§ 1. Annertuumik innarluutilik tassaavoq sivisuumik imaluunniit ataavartumik timimigut aamma/imaluunniit eqqarsartaatsimigut ajoquteqarnini pissutigalugu annertuumik pisinnaanermigut killilik, taamaattumillu pissusissamisoortumik ineriartunngitsoq, ineriartornermigulluunniit kinguarsimasoq imaluunniit taama ilinissamut aarlerinaatilik.
§ 2. Inuup piginnaassuseqarnera annertuumik killeqalersarpoq taassuma innarluuteqarnini pissutigalugu
1) imminut isumagisinnaanngikkaangat, soorlu imminut eqqiluisaarnikkut, atisalersornikkut, nerisinnikkut il.il.,
2) illup iluani silamilu imminut angallassinnaanngikkangat, matumani niuertarfilerineq, allanut pulaarneq, nalinginnaasumik sukisaarsartunut akuusinnaaneq il.il. eqqarsaatigalugit, imaluunniit
3) inunnut allanut attaveqarsinnaanngikkaanngat.§ 3. Timikkut ajoquteqarneq tassaavoq inunnguuserisamik kingusinnerusukkulluunniit ajoquteqalerneq amigaateqalernerluunniit, assersuutigalugu tappiitsuulluniluunniit isigiarsunneq aamma tusilartuulluniluunniit tutsarlunneq, nukitsigut noqartoortameq allatulluunniit nukillaarneq, noqartarneq, qarngup qilaavani/qarluni quppaqarneq imaluunniit oqalussinnaajunnaarsimaneq pissutigalugu oqalunniarnikkut ajornartorsiuteqarneq, timip pisataanik amigaateqarneq, uummatikkut/taqqatigut/tartukkut/tingukkullu ajoquteqarnerup kingunerisai, nagguarlunneq kiisalu kromosomitigut ajoquteqarneq.
§ 4. Eqqarsartaatsikkut ajoquteqarneq tassaavoq inunnguuserisamik kingusinnerusukkulluunniit ajoquteqalerneq amigaateqalernerluunniit, assersuutigalugu marloqiusamik kinaassuseqartutut misigisimaneq, piffissap ilaani eqqarsartaatsikkut qiimmassimaarujussuariarluni nanertisimasarujussuartarneq, eqqarsaitaatsikkut mattusimalluinnarneq imaluunniit eqqarsartaatsikkut kinguarsimasumik ineriartomeq.
Kapitali 2.
Qinnuteqarneq il.il.§ 5. Annertuumik innarluuteqartut ikiorserneqarnissaat pillugu kommunip isumaginninnermut ataatsimiititaata nunap immikkortuani immikkoortortaqarfimmut qinnuteqaataani tamani qinnuteqaanneqartup aqqa cpr. nr.-alu erseqqissumik nalunaarutigineqartassapput.
Imm. 2. Siusinnerusukkut ikiorsiissutinik tunineqarsimanngitsumut ikiorsiissutinik qinnuteqaassisoqartillugu inuup innarluutaa, piginnaassuseqarnera, ilinniagaqarnera, inuussutissarsiutaa kiisalu inuttut inooqatigiinnikkullu pissutsit atugai erseqqissumik paasissutissiissutigineqartassapput.
Imm. 3. Ikiorsiissutissatut qinnutigineqartup suunera erseqqissumik allassimassaaq. Ikiorsiissutissatut qinnutigineqartoq katsorsaanermut ilaappat iliuusissatut pilersaarutip suliarineqarsimanera ilanngullugu nassiunneqassaaq.
Imm. 4. Ikiorsiissutigineqareersup sivitsorneqarnissaanik qinnuteqartoqartillugu, pissutsillu allanngorsimanngippata isumaginninnermut ataatsimiititaq siusinnerusukkut qinnuteqaataasimasumut innersuussisinnaavoq.
Kapitali 3.
Kalaallit Nunaata avataani najugaqarneq.§ 6. Isumaginninnermut Pisortaqarfik Kalaallit Nunaata avataani katsorsartittussanut ikiorsiissuteqarsinnaavoq Kalaallit Nunaanni katsorsartinnissamut periarfissat nungussimasutut isigineqarpata, imaluunniit Namminersornerullutik Oqartussat nuuttoqassatillugu nunat tamat akornanni isumaqatigiissutit aqqutigalugit peqataanissamut pisussaaffilerneqarsimappat.
Kapitali 4.
Najugaqaqatigiiffik.§ 7. Kommunimi isumaginninnermut ataatsimiititaq kommunimini tamakkiisumik najugaqaqatigiiffinnik pisariaqartitsinermik naliliissaaq. Ikinnerpaamillu inuit marluk arfineq-marlullu akornanni 18-inik ukioqalereersimasunik ulluunerani immikkut ikiorteqaratik namminerisamik ineqarsinnaangitsunik ineqatigiissinnaasutullu nalilerneqarsimasunik najugaqaqatigiiffigisassaannik pilersitsinissaminut kommuni pisussaavoq.
Imm. 2. Innarluutilimmut nuunniartumut kommuni najugarivitaq naliliissaaq, pineqartup kommunimi allami najugaqaqatigiiffimmi najugaqarnissaminut neqeroorfigineqarluni nuunnissani kissaatigippagu aammalu pisortanit ikiorsiissutit pillugit Inatsisartut peqqussutaanni piumasarineqartut naammassineqarsimappata.§ 8. Najugaqaqatigiiffinni najugaqartut imminnut ima ikiorsinnaatigisariaqarput perorsaanikkut aammalu suliassatigut allatigut pisarialinnik ikiorsiinissaq killilimmik annertussuseqassalluni.
Imm. 2. Ikiorsiinissami najugaqaqatigiit nammineersinnaassuseqalernissaannut inuuniarnerminnilu imminnut akisussaaffigilemissaannut ineriartortinneqarnissaat siunertarineqarpoq.§ 9. Najugaqaqatigiiffik najugaqartut namminnerisamik angerlarsimaffiattut isigineqassaaq, taamaattumillu najugaqartut ataasiakkaat immikkut ineqartussanngorlugit najugaqaqatigiiffik aaqqissuunneqassalluni.
Imm. 2. Najugaqaqatigiiffimmi najugaqartut inimik ataatsimut isersimaartarfimmik, perusuersartarfimmik, uffarfimmik, kiisalu igaffimmik peqarnisssaminnut periarfissaqartinneqassapput.
Kapitali 5.
Nakkutigineqarluni najugaqarfik.§ 10. Nakkutigineqarluni najugaqarfik tassaavoq annertuumik innarluutilinnut 18-inileereersimasunut najugaqaqatigiiffimmi neqeroorutigineqartut saniatigut paaqqutarineqarnissamik ikiorneqarnissamillu pisariaqartitsisunut periarfissatut neqeroorutigineqartussaq.
Imm. 2. Paaqqutarineqarnissamik ikiorserneqarnissamillu nakkutigineqarlutik najugaqartut nammineersinnaassuseqalernissaannut inuuniarnerminnilu akisussaaffigilernissaannut ineriartornissaat siunertarineqarpoq.§ 11. Naalakkersuisut kommunit ataasiakkaat nakkutigineqarluni najugaqaqarfilioqqusinnaavai innarluutilinnik ikinnerpaamik marluk arfineq-marlullu akornanni kommunimi najugaqavissoqarpat, § 10 tunngavigalugu nakkutigineqarluni najugaqarfimmi najugaqarnissamik neqeroorfigineqartussanik.
Imm. 2. Naalakkersuisut kommunit ataasiakkaat imaluunniit kommunit arlallit peqatigalugit imaluunniit Isumaginninnermut Pisortaqarfik peqatigalugu kommuni nakkutigineqarluni najugaqarfiliornissaanik peqqusinnaavaa, annertuumik innarluutilik najugaqarfimmi taamaattumi najugaqarsinnaasutut nalilerneqartoq kommunimi najugaqavissuuppat.
Imm. 3. Kalaallit Nunaanni annertuumik innarluutillit ikinnerpaamik marluk arfineq-marlullu akornanni najugaqartoqarpata, nakkutigineqarlunilu najugarfimmi ataatsimi taakku najugaqatigiissinnaasut Isumaginninnermut Pisortaqarfimmit nalilerneqarpat, taava nuna tamakkerlugu atorneqartussamik nakkutigineqarluni najugaqarfimmik Pisortaqarfik pilersitsisinnaavoq.
Imm. 4. Nuna tamakkerlugu atorneqartunik nakkutigineqarluni najugaqarfiit Isumaginninnermut Pisortaqarfimmit ingerlanneqartuupput, najugaqarfiilli allat kommunini inissisimasut kommunini inissisimaffigisaminnit ingerlanneqassallutik.§ 12. Nakkutigineqarluni najugaqarfik najugaqartut namminnerisamittut angerlarsimaffiattut isigineqassaaq, taamaattumillu najugaqartut ataasiakkaat immikkut ineqartussanngorlugit najugaqaqatigiiffik aaqqissuunneqassalluni.
Imm. 2. Nakkugineqarluni najugaqarfinni najugaqartut inimik ataatsimut isersimaartarfimmik, perusuersartarfimmik, uffarfimmik, kiisalu igaffimmik peqarnisssaminnut periarfissaqartinneqassapput.
Kapitali 6.
Suliassaqartitsineq.§ 13. Annertuumik innarluutilik suliffissaanik neqeroorfigineqarsinnaanngippat kommuni pineqartumut naleqquttumik ulluunerani suliassaqartitsinissaminut neqerooruteqarsinnaasariaqarpoq.
Imm. 2. Pineqartoq ulloq unnuarlu paaqqinniffimmi najugaqarpat Isumaginninnermut Pisortaqarfiup tamanna pisussaaffigilissavaa.§ 14. Ulluunerani sammisassaqartitsivinni inersimasullu annertuumik innarluutillit sulliviini, nakkutigineqarluni sullivinni imaluunniit nakkutigineqarluni suliffinni sammisassaqartitsinissamik neqerooruteqartoqarsinnaavoq.
§ 15. Ulluunerani sammisassaqartitsiviit inersimasunullu innarluutilinnut nakkutigineqartumik sulliviit kommunimit imaluunniit Isumaginninnermut Pisortaqarfimmit kommuni peqatigalugu pilersinneqarsinnaapput.
Imm. 2. Ulluunerani sammisassaqartitsiviit inersimasunullu innarluutilinnut nakkutigineqarluni sulliviit atuisunut ineriartuutaasunik katsorsaataasunillu sammisassanik neqerooruteqartassapput.
Imm. 3. Nakkutigineqarluni sullivik suliffiilluunniit ima aaqqissuussaassapput annertuumik innarluutillit sulisumit nakkutilliisumit akuerineqaqqaaratik maskiinanik akuutissanillu naviarnarsinnaasunik imaluunniit allanik ajoqusiisinnaasunik atuisinnaassanatik.
Imm. 4. Ulluunerani sammisassaqartitsivimmi imaluunniit naapittarfimmi sammisassaqartitsinermi innarluutillit peqataanerannut akiliutissamik annertussusileriikkamik siumut isumaqatigissuteqareernikkut kommuni najugarivitaq imaluunniit Isumaginninnermut Pisortaqarfik akiliuteqartinneqarsinnaapput.
Imm. 5. Annertuumik innarluutilinnut nakkutigineqarluni sullivinni sammisassaqartitsinermi peqataasunut akissarsiaqartitsisoqarsinnaavoq Isumaginninnermut Pisortaqarfimmit nakkutigineqarluni sullivinnut ataasiakkaanut akiliutissat aalajangersameqarsimasut tunngavigalugit.
Kapitali 7.
Tapiissutit, aningaasartuutit akilerneqartarneri il.il.§ 16. Isumaginninnermut Pisortaqarfik najugaqaqatigiiffimmi init ataatsimoortarfiit aaqqissuunneqarnerinut pisatsersorneqanierinullu aningaasartuutinut ataasiaannartumik tapiissuteqarsinnaavoq.
Imm. 2. Kommuni sapinngisamik ininik timimikkut innarluutilinnit najugarineqarsinnaasunik iluarsaanneqarsimasunillu atugassaqartitsippat aatsaat tapiissuteqartoqarsinnaavoq.
Imm. 3. Isumaginninnermut Pisortaqarfik aamma inigisap allanngortiterneqarnissaanut ikiorsiissuteqarsinnaavoq, malittarisassat annertuumik innarluutillinnut ikiorsiiniutit pillugit Namminersornerullutik Oqartussat nalunaarutaat tunngavigalugit.§ 17. Kommuni ininik atorneqarsinnaasunik iluarsaanneqarsimasunillu atugassaqartitsisippat kommunimi nakkutigineqarluni najugaqarfiit pilersinneqarnerannut, aaqqissuuneqamerinut ingerlanneqarnerinullu Isumaginninnermut Pisortaqarfik ersarissumik qinnuteqaateqareernikkut tapiissuteqarsinnaavoq.
Imm. 2. Isumaginninnermut Pisortaqarfik najugarqarfiup innarluutilinnut naleqquttunngorlugu aaqqissuunneqanieranut inillu ataatsimoortarfiup pisatsersorneqaneranut kiisalu tamatuma ingerlatsinikkut aqunneqarneranut kommunilu isumaqatigiissuteqareernikkut tapiissuteqarsinnaavoq.§ 18. Kommuni ininik naleqquttumik iluarsaanneqarsimasunik, timimikkullu innarluutilinnit sapinngisamik atorneqarsinnaasunik atugassaqartitsippat kommunimi ulluunerani sammisassaqartitsivinnik, inersimasunut annertuumik innarluutilinnut naapittarfinnik, nakkutigineqarluni sullivinnik il.il. pilersitsinermut pisatsersuinermullu ersarissumik qinnuteqaateqareernikkut Isumaginninnermut Pisortaqarfik tapiissuteqarsinnaavoq.
Imm. 2. Pissutsit immikkut ittut atuutsillugit Isumaginninnermut Pisortaqarfik ersarissumik qinnuteqaat tunngavigalugu init timimikkut annertuumik inarluutilinnut atorneqarsinnaasunngorlugit allanngortiterinernut tapiissuteqarsinnaavoq.§ 19. Annertuumik innarluutillit ikiorserneqartarnerat pillugu Inatsisartut peqqussutaat nr. 7 3. november 1994-imeersoq tunngavigalugu Isumaginninnermut Pisortaqarfiup annertuumik innarluutilinnut ikiorsissuutissatut akuersissutigisaanut tamanut aningaasartuutit kommunip isumaginninnermut ataatsimiititaata akileqqaarallartassavai.
Imm. 2. Aningaasartuutigisimasanik utertitseqqusilluni qinnuteqaat aningaasartuuteqarnerup kingoma kingusinnerpaamik qaammat ataaseq qaangiutsinnagu nassiunneqassaaq, tassa aningaasartuuteqarnissamut siumoortumik akuersissuteqartoqarsimappat. Utertitseqqusilluni qinnuteqaatit aningaasartuuteqarnermit qaammat ataaseq sinnerlugu qaangiutereersoq takkuttut itigartinneqarsinnaapput, piffissaliunneqarsimasup qaangiunneratigut utertitsilluni akiliinissamut pissutsit immikkut ittut atuunnerat isumaginninnermut ataatsimiititamit uppernarsarneqarsinnaanngippat.
Imm. 3. Utertitseqqusilluni qinnuteqaat Isumaginninnermut Pisortaqarfiup immersugassatut sanaava atorlugu ingerlanneqassaaq, tassanilu annertuumik innarluutillip aqqi tamarmik cpr. nr.-alu allassimassapput, utertitseqqusilluni qinnuteqaatip ikiorsiiniutinut sunut tunngasuuneranik paasissutissat ilanngullugit.
Imm. 4. Aningaasartuutigineqarsimasut utertitseqqusilluni qinnuteqaatip tiguneqarneranit qaammat ataaseq qaangiutsinnagu sapinngisamik utertillugit akilerneqareersimassapput.
Kapitali 9.
Atortuulersitsineq.§ 20. Nalunaarut manna atortuulersinneqarpoq 1. januar 1995 aallarnerfigalugu.
Imm. 2. Tamatumunnga peqatigitillugu annertuumik innarluutillit ikionieqarnissaat pillugu nalunaarut nr. 17 28. december 1983-imeersoq atorunnaarsinneqarpoq.
Namminersornerullutik Oqartussat, ulloq 29. december 1994.
Henriette Rasmussen/
Nukákuluk Kreutzmann