Namminersornerullutik Oqartussat kiassarnermut naatsorsuutit pillugit nalunaarutaat nr. 59, 29. december 1994-imeersoq.
Inissianik attartorneq pillugu Inatsisartut peqqussutaanni nr. 3-mi, 13. juni 1994-imeersumi, § 23, imm. 9 naapertorlugu aalajangersarneqarput:
Kapitali 1
Nalinginnaasumik§ 1. Attartortitsisutut paasineqassaaq Inissiaatileqatigiiffik INI A/S, inissianik attartortittakkanik piginnittut, Namminersornerullutik Oqartussat, kommuni namminerisamilluunniit piginnittoq, inissiat ingerlanneqarnerat aqunneqarnerallu pillugit inissiaatileqatigiiffimmik isumaqatigiissuteqarsimappata.
Kapitali 2
Kiassarnermut naatsorsuutit suliarineqarnerat§ 2. Kiassarnermut ukiumoortumik aningaasartuutit tamarmiusut qanoq ilillugit naatsorneqartarnerat attartortumit takuneqarsinnaalernissaat kiassarnermut naatsorsuutitigut siunertarineqarpoq.
Imm. 2. Attartortitsisup ineqarnermut akiliummut ilanngullugu kiassarnermut aningaasartuutinut matusissutissaminik kiassarnermut akiliutaagallartumik akiliisitsisinnaavoq. Inissiap attartorneqarnera pillugu attartortitsisup attartortullu isumaqatigiissutaanni erseqqissumik nalunaarsimassaaq kiassarnermut akiliutaagallartussat qanoq akiliisitsissutigineqarnissaat.
Imm. 3. Naatsorsuutitigut erseqqissumik takutinneqassaaq kiassarnermut akiliutaagallarsimasinnaasut kiassarnermut inaarutaasumik akiligassanit annerunersut minnerunersulluunniit.§ 3. Aningaasartuutaasimasut immikkuualuttortaat nalunaarsimassapput. Erseqqissumik nalunaarsimassaaq aningaasartuutit tamarmiusut ilaat qanoq amerlatigisut uuliasinermut uuliamillu assartuinermut imaluunniit kiassaateqarfissuarmit kiammik pisiortornermut atorneqarsimanersut.
Imm. 2. Aningaasartuutit kiassarnermut attuumassuteqartut allat aammattaaq ilanngunneqarsinnaapput soorlu ingerlatsinermi innaallagissamut, imermut, aserfallatsaaliuinermut, illikartītanut, nakkutilliinermut il.il. aningaasartuutit.
Kapitali 3
Kiassarnermut aningaasartuutit agguataarneqarnerat§ 4. Kiassarnermut aningaasartuutit inissianik attortunut agguaanneqassapput inissiat ataasiakkaat angissusii najoqqutaralugit, inissiat angissusiisa naatsorsorneqartarnerat pillugu Namminersornerullutik Oqartussat nalunaarutaat naapertorlugu.
Kapitali 4
Kiassarnermut naatsorsuutit saqquntmiunneqartarnerat§ 5. Inissianik attartorneq pillugu Inatsisartut peqqussutaanni § 23, imm. 3-8 naapertorlugit inissiamik attartortitsisup isumagisassaraa kiassarnermut aningaasartuutit tamanut takusassiaralugit saqqummiunneqarnissaat, tamatumuuna kiassarnermut naatsorsuutit qanoq imaqarnerannik attartortoq paasisaqarsinnaanngorlugu.
Kapitali 5
Kiassarnermut naatsorsuutinik iluarsiissusiineq§ 6. Kiassarnermut naatsorsuutit atorlugit iluarsiissusiinikkut paasinarsippat attartortut ataasiakkaat aningaasanik utertitassaqartut, pisariaqanngitsumik kinguarsaanani aningaasat attartortumut tunniunneqassapput. Attartortitsisulli piumaguni, inissianik attartorneq pillugu Inatsisartut peqqussutaanni § 23, imm. 6, naapertorlugu akiliutinik utertitsinissamik attartortup ilisimatinneqareerneratigut, utertitassani taakku tullianik inissiamik attartornermut akiliisitsinissami akiliutissanut ilanngaatigisinnaavai.
Imm. 2. Kiassarnermut naatsorsuutit atorlugit iluarsiissusiinikkut paasinarsippat inissiamik attartortitsisoq aningaasanik pissaqartoq, attartortup akiligassani taakku, inissianik attartorneq pillugu Inatsisartut peqqussutaanni § 23, imm. 6 naapertorlugu immikkut akiliuteqartussaanerminik nalunaarutisinerminiit pisariaqanngitsumik kinguarsaanani akilissavai.
Kapitali 6
Nalunaarutip atuutilerfia§ 7. Nalunaarut 1. januar 1995 atuutilerpoq.
Imm. 2. Kiassarnermut naatsorsuutit pillugit nalunaarut nr. 36, 21. december 1989-imeersoq atorunnaarsinneqarpoq.
Namminersornerullutik Oqartussat, ulloq 29. december 1994.
Emil Abelsen/
Peter Beck