Inissiap angissusiata naatsorsorneqartarnera pillugu Namminersornerullutik Oqartussat nalunaarutaat nr. 57, 29. december 1994-imeersoq.

Inissianik attartorneq pillugu Inatsisartut peqqussutaanni nr. 3-mi, 13. juni 1994-imeersumi § 10, imm. 4 aamma § 11, imm. 6 naapertorlugit aalajangersarneqarput:

 

§ 1. Inissiani attartortittakkani tamani inissiap angissusia naatsorsorneqassaaq, taanna tunngavigalugu inissiap attartornerata akia akiatalu qaffaataa inissianut ataasiakkaanut agguataarneqassammat.

§ 2. Illuliani ilaqutariinnut arlalinnut inissiartalinni inissiap angissusianut ilaapput inissiami init tamarmik. Pequusiviit/quit inissiamit avissaartillugit inissitat ilanngunneqassanngillat.

§ 3. Illuni ataasiakkaani/illuni affarleriinni inissiap angissusia makku tunngavigalugit naatsorsorneqassaaq: illup angissusia silamut iikkat qaliallu qaavata iluanni, naasuusivik ilanngunnagu. Naqqup ilua quillu angissutsimik sisamararterutaannik inissiap angissusianut naatsorsuunneqassapput.
Imm. 2. Qaliata ilua naatsorsuunneqassaaq inissianngorlugu aaqqissuunneqarsimappat.

§ 4. Illuliani ilaqutariinnut arlalinnut inissiartalinni inissiap angissusia naatsorsorneqassaaq iikkat silarliit silataannit, naapertorluguluunniit § 5, imm. 3, qaliata qaavata silataanit, aammalu inissiat arlariit iluini iigaasa qeqqanniit. Illuliani ilaqutariinnut
arlalinnut inissiartalinni illuliap asernera naatsorsuinermi inissiat arlallit iluini iigaata affaatut naatsorsuunneqassaaq.
Imm. 2. Issiami majuartarfiit inini quleriikkuutaat ilaanni atuuffigisaminni naatsorsuunneqartassapput.

§ 5. Illuni ataasiakkaani/affarleriinni inissiap angissusia makku malittaralugit naatsorsorneqassaaq:
Imm. 2. Init alliit: inissiap angissusia naatsorsorneqassaaq illup iigaasa silarliit silataanniit uuttorlugu takissusia silissusianik gangerlugu. likkat silarliit qaleriiusanik sallilikkersorneqarsimappata sallilikkersuutit alliit silataannit uuttuineqassaaq.
Imm. 3. Qaliani init: inissiap angissusia naatsorsorneqassaaq takissusia silissusianik gangerlugu. Takissusia inini allernisut uuttorneqassaaq, silissuiali uuttorneqassalluni qaliata qaavisa, qaliata naqqaniit 1,5 meterisut qutsitsigisukkut imminnut ungasissusiattut. Aniingaanerit uuttorneqassapput iigaasa inimik killiliisut silataannut.
Imm. 4. Naqqup ilua: inissiap angissusia uuttorneqassaaq naqqup iluata iigaasa silarliit silataanniit uuttorlugu takissusia silissusianik gangerlugu. Naqqup ilua tamakkiisuunngippat inissiap angissusia uuttorneqassaaq naqqup iluani iikkap inimik naatsorsorneqartumik killiliisup qeqqaniit. Init iluunngarmik cementimik/betonimik qallerneqarsimanngitsut naatsorsuinermi ilanngunneqassanngillat.
Imm. 5. Majuartarfiit: inini quleriikkuutaat ilaanni atuuffigisaminni naatsorsuunneqartassapput.

§ 6. Nalunaarut 1. januar 1995 atuutilerpoq atorneqassallunilu attartornernut tamatumap kingornagut isumaqatigiissutigineqartunut.

Namminersornerullutik Oqartussat, ulloq 29. december 1994.

Emil Abelsen

/

Peter Beck