Kommunit nunaqarfinni innaallagissiorfinnut atugassanik aningaasaliinissamut peqatigiilluni aningaasaateqarfimmut 1995-imi akiliutissaat pillugit Namminersornerullutik Oqartussat nalunaarutaat nr. 49, 20.12.1994-imeersoq.

Nunaqarfinni innaallagissap sarfaanik pilersuineq pillugu inatsisartut inatsisaanni nr. 10-mi 28. oktober 1985-imeersumi §§ 10 aamma 11 naapertorlugit aalajangersarneqarput:

 

§ 1. Nunaqarfinni innaallagissiorfinnut aningaasartuutit naligiissarniarlugit kommunit ataani taaneqartut 1995-imi ima akiliuteqassapput:

Nanortalik	217.900
Qaqortoq	251.800
Narsaq	145.700
Ivittuut	14.400
Paamiut	170.500
Nuuk	880.600
Maniitsoq	293.900
Sisimiut	349.000
Kangaatsiaq	131.700
Aasiaat	241.200
Qasigiannguit	113.600
Ilulissat	315.300
Qeqertarsuaq	81.900
Uummannaq	216.800
Upernavik	230.400
Avanersuaq	67.500
Ammassalik	241.400
Ittoqqortoormiit	36.400

Imm. 2. Akiliut, Grønlandsbankimut reg. nr. 6471, konto nr. 180809-2-mut qaammatit tamaasa 1/12-imik, qaammatini taakkunani kommuninut tapiissutinik ilanngaasarnikkut akilerneqartassaaq.
Imm. 3. Imm. 2 naapertorlugu akiliutaasup qaammammut kommuninut tapiissut sinnersimappagu tapiissummut sinnerussimasoq, qaammammi pineqartumi aningaaseriviup ammaffiisa ulluisa aappaanni, kontomut imm. 2-mi pineqartumut akilerneqartassaaq.

Namminersornerullutik Oqartussat, ulloq 20.12. 1994

Kuupik Kleist

/

Stig Bendtsen