"Rejekarsini" aalisarneq pillugu Namminersornerullutik Oqartussat nalunaarutaat nr. 36, 9. september 1994-imeersoq.

Inuussutissarsiutigalugu aalisarneq pillugu Inatsisartut inatsisaanni nr. 17-imi 22. oktober 1990-imeersumi §§19 aamma 28 aamma Inatsisartut inatsisaanni nr. 10-mi 4. november 1990-imeersumi allannguutit tunngavigalugit aalajangersarneqarpoq:

 

§ 1. Nalunaarut atuuppoq inuussutissarsiutigalugu raajarniarluni aalisarnermut Kalaallit Nunaata aalisarnermut oqartussaaffigisaani 44°00'V-ip kitaani inunnit ingerlatseqatigiiffinnilluunniit kalaallit angallataannik, angallatip angissusianut uppernarsaat malillugu 75 BRT/120 BT-it taakkuninngalu anginerusut atorlugit ingerlanneqartunut atortuuvoq.
Imm. 2. §§ 2, 3.imm.2, 4.imm.2, 5.imm.2 aamma 6.imm2-mi aalajangersakkat taamaallaat angalatinut ukununnga atuupput (Aqqa/kalerrisaaritilluni nalunaaqutaa): Erimaat/OZTZ, Imerigsoq/OULB, Isaarut/OVXD, Lampo/OWES, Qillaq/OYKA, Qavak/OVOJ, Qingaaq/OWMZ aamma Lasarus/OZTJ.
Imm. 3. Angallatit uku nalunaarummi pineqanngillat (Aqqa/kalerrisaaritilluni nalunaaqutaa): Tobias Noahsen/OZJO, Anáse/OUHK aamma Qarsaaq/OUUC.

 

Hareø-karsi

§ 2 . Angallatinut § 1 imm. 2-mi taaneqartunut aalisarnermut oqartussaaffeqarfiup tunngaviusumik killeqarfianiit titarnerit 70°00'N aamma 71°30'N akornanni, ilummut titarneq narlusooq atuarlugu Qingniviup, 71°23'N 55°19'V, aamma Erquata, 71°09'N 54°02'V, akornanni aamma erquata kujataani allorniusaq sanimukartoq 54°00'V tikillugu angallatit akuerissuteqarfigineqarsimanera piumasaqaataasullu allassimasut naapertorlugit raajarniarneq ajornartitaanngilaq.

 

Disko-karsi

§ 3. 68°00'N aamma 69°30'N akornanni 56°30'V-ip kangiani, aamma 69°30'N aamma 71°30'N akornanni 57°00'V-ip kangiani, raajarniarneq inerteqqutaavoq.
Imm. 2. Angallatinulli § 1 imm. 2-mi taaneqartunut Disko-karsimi aalisarnermut oqartussaaffeqarfiup tunngaviusunmik killeqarfiata kitaani aalisarneq ajornanngilaq.
Imm. 3. Angallatinut 30 %-inik annertunerusumik tunisassiornissamut akuersissuteqarfigineqarsimasunut piffissami 1.septemberimiit 1. decemberimut 68°00'N aamma 69°00'N akornanni timmut 55°00'V tikillugu raajarniartoqarsinnaavoq.
Imm. 4. Angallatinut 30 %-inik annertunerusumik tunisassiornissamut akuersissuteqarfigineqarsimasunut piffissami 1. septemberimiit 1. decemberimut 70°30'N aamma 71°00'N akornanni timmut 56°00'V tikillugu raajarniartoqarsinnaavoq.
Imm. 5. Angallatinut 30 %-inik annertunerusumik tunisassiornissamut akuersissuteqarfígineqarsimasunut piffissami 1. septemberimiit 1. decemberimut 71°00'N aamma 71°30'N akornanni aalisarnermut oqartussaaffeqarfmp tunngaviusumik killeqarfiata avataani 3 sømilit tikillugit raajarniartoqarsinnaavoq.

 

Sisimiut Karsiat

§ 4. 66°00'N aamma 67°00'N akornanni aalisarnermut oqartussaaffeqarfiup tunngaviusumik killeqarfmniit kimmut 6 sømilit tikillugit raajarniarneq inerteqqutaavoq.
Imm. 2. Angallatinut § 1-imi imm. 2-mi taaneqartunut Sisimiut karsianni aalisarnermut oqartussaaffeqarfmp tunngaviusumik killeqarfianit 3 sømilinit avasinnerusumit aalisartoqarsinnaavoq.

 

Nuup Karsia

§ 5. 64°00'N aamma 65°00'N akornanni aalisarnermut oqartussaaffeqarfiup tunngaviusumik killeqarfianiit kimmullu 6 sømilit tikillugit raajarniarneq inerteqqutaavoq.
Imm. 2. Angallatinulli § 1 imm. 2-mi taaneqartunut Nuup karsiani aalisarnermut oqartussaaffeqarfmp tunngaviusumik killeqarfiata kitaani aalisarneq ajornanngilaq.
Imm. 3. Angallatinut 30 %-inik annertunerusumik tunisassiornissamut akuersissuteqarfigineqarsimasunut piffissami 1. martsimiit 30. november ilanngullugu 63°20'N aamma 64°00'N akornanni tunngaviusumik killeqarfimmiit avammut 12 sømilit tikillugit raajarniarneq inerteqqutaavoq.
Imm. 4. Angallatinut 30 %-inik annertunerusumik tunisassiornissamut akuersissuteqarfigineqarsimasunut piffissami 1. aprilimiit 31. juli ilanngullugu 64°30'N aamma 65°15'N akornanni tunngaviusumik killeqarfimmiit avammut 53°30'V tikillugu raajarniarneq inerteqqutaavoq.

 

Qaqortup Karsia

§ 6. 59°58'36"N-ip aamma 60°34'42"N-ip akornanni aalisarnermut oqartussaaffeqarfmp tunngaviusumik killeqarfianiit kimmut 6 sømilit tikillugit raajarniarneq inerteqqutaavoq, tassa aalisarnermut killissarititaasup titarneraniit avammut 90 grad-inik narlorissusilimmik titarlugu.
Imm. 2. Angallatinulli § 1 imm. 2-mi taaneqartunut Qaqortup Karsiani aalisarnermut oqartussaaffeqarfmp tunngaviusumik killeqarfiata kitaani aalisarnissaq ajornanngilaq.

 

Banan-karsi

§ 7. 59°58,6'N, 45°21,9'V (Naujat) aamma 60°34,7'N, 47°34,9'V (Qeqertat kujallerpaartaat) akornanni angallatit uku: Isaarut/OVXD aamma Lampo/OWES raajarniarsinnaapput, imartap oqartussaaffeqarfmp tunngaviusumik killeqarfianit 3 sømilit kitaanni.

§ 8. Piumasaqaatinut allanut tunngatillugu Kalaallit Nunaata Kitaani sinerissamut qanittumi raajarniarneq pillugu nalunaarut innersuussutigineqarpoq.

§ 9. Nalunaarummi aalajangersakkanik unioqqutitsineq akiliisitsissutigineqarsinnaavoq. Tamakku pillugit suliassat inuussutissarsiutigalugu aalisarneq pillugu Inatsisartut inatsisaanni aalajangersakkat malillugit suliarineqartassapput.

§ 10. Nalunaarut ingerlaaannaq atuutilerpoq atuutissallunilu 31. december 1994 ilanngullugu. Tamatumunnga peqatigitillugu "Raajakarsini" aalisarneq pillugu Namminersornerullutik Oqartussat nalunaarutaat nr. 34 25. august 1994-imeersoq atorunnaarsinneqarpoq.

Namminersornerullutik Oqartussat, ulloq 9. september 1994

Emil Abelsen

/

Henrik Leth