Avanersuup kommuniani imigassanik aalakoornartulinnik killilersuineq pillugu Namminersornerullutik Oqartussat nalunaarutaat nr. 31, 11. juli 1994-imeersoq.

Imigassamik aalakoornartulinnik nioqquteqarneq sassaallertarnerlu pillugit Inatsisartut inatsisaanni nr. 23-imi 30. oktober 1992-imeersumi § 28-mi imm. 1, tak. § 29 naapertorlugu aalajangersarneqarpoq:

 

§ 1. Nalunaarut manna Avanersuup Kommunianut atuuppoq.

§ 2. Inuk 18-inik ukioqalersimasoq imigassamik qaammammut 50-inik (pointinik) pisinnaatitaavoq, pisissutissat ima aalajangersarneqarput:

Immiaaraq ataaseq imaluunniit immiaaraq ataaseq (pilsnerĝl) qillertuusarluunniit imaluunniit immiaaraq ataaseq (lagerĝlimik taaneqartartoq) 4,10%-imiit 4,99%-imut kimittussusilik.	1 point
Immiaaraq ataaseq imaluunniit immiaaraq kimittooq ataaseq imaluunniit immiaaraq ataaseq (lagerĝlimik taaneqartartoq) minnerpaamik 5,0%-imik kimittussusilik.	2 point
Bitter 2 cl-inik imalik puiaasaq ataaseq (minnerpaamik 22,0%-imik kimittussusilik.).	1 point
Angostura 24 cl-inik imalik ataaseq (minnerpaamik 22,0%-imik) kimittussusilik.	5 point
Viinni iggisissiaq 72 cl-inik imalik (4,10%-imiit 14,99%-imut) kimittussusilik.	5 point
Viinni kimittuneq 72 cl-inik imalik (15,0%-imiit 21,99%-imut kimittussusilik.).	10 point
Imigassaq kimittooq 72 cl-inik imaluunniit; 75 cl-inik imalik (minnerpaamik 22,0%-imik) kimittussusilik.	20 point

Imm. 2. Qaammammut pisissutissat inuup ullormi inuuissiortarfiani tunniunneqartassapput qaammatip tulliani ullormi inuuissiorfissap aqagua ilanngullugu atorneqarsinnaasut. Pisissutissat qaammammut kingusinnerusumut nuunneqarsinnaanngillat.
Imm. 3. Angalasut allaneersut kommunimi utaqqiisaagallartumik uninngasut sapaatip akunnerisa aallartinneri tamaasa pointinik 12-inik tunineqartarsinnaapput.

§ 3. Pointit pisassat saniatigut immikkut pointinik tunniussisoqarsinnaanngilaq.

§ 4. Pointinik pisineq nioqquteqarnerlu tamarmi inerteqqutaavoq.
imm. 2. Danmarkimiit nunaniilluunniit allanit Avanersuup konununianukarnermi Namminersornerullutik Oqartussat sukkulluunniit atuuttumik imigassat aalakoornartullit pillugit akileraaruteqanngitsumik akitsuuteqanngitsumillu nassarsinnaatitat eqqunneqarsinnaapput.
Imm. 3. Kalaallit Nunaanni kommuniniit allanit Avanersuup kommunianukarnermi imigassat aalakoornartullit akitsuuteqartereerlugit pisiarisimasat imm. 2-mi amerlassuserititat amerlaqataat eqqunneqarsinnaatitaapput.
Imm. 4. Kalaallit Nunaanni illersornissaq pillugu najukkani suliffeqarfiusuni imigassat aalakoornartullit pisiarisimasat eqquteqqusaanngillat.
Imm. 5. Qanorluunniit ittunik imigassaliorneq inerteqqutaavoq.
Imm. 6. Imm. 1-imiit 5-imut aalajangersakkanik unioqqutitsineq mianersoqquneqaataasinnaavoq imaluunniit akiliisitsinermik pillaatisissutaasinnaalluni.

§ 5. Imigassamik atornerluisoqarsimatillugu, tamatumunngalu ilanngullugu § 4, imm. 1-5-imi aalajangersakkanik unioqqutitsisoqarsimatillugu, politiit imaluunniit kommunefoged inuup pointiutaanik/pointisiassaanik tamakkiisumik taakkuluunniit ilaannik piffissamut aalajangersimasumut arsaarinnissinnaapput. Aamma politiit eqqartuussivilluunniit inuup pointiutaanik/pointisiassaanik arsaarinnissinnaapput pinerluttuliortoqarsimatillugu politiinik tigummineqarnermik kinguneqartumik.
Politiit aalajangiinerat eqqartuussivimmut suliassanngortinneqarsinnaavoq. Eqqartuussivimmut suliassanngortitsinerup kingunerissanngilaa suliassap suliarineqarnerata nalaani aalajangikkap atorunnaarallarnera.
Imm. 2. Inatsisit allat, nalunaarutip matuma aalajangersagaasa saniatigut, tunngavigalugit pineqaatissinneqarnikkut inuup pointiutai/pointisiassai tamakkiisumik ilaannakortumilluunniit piffissamut aalajangersimasumut arsaarinnissutaasinnaapput. Eqqartuussisarneq pillugu inatsimmi kap. 5, § 45 tunngavigalugu suliassaq akiliisitaanermik/arsaarinninnermik aalaj angiiffigine-
qarpat politiit inuk pointiutaanik/pointisiassaanik aamma arsaarsinnaavaat nalunaarutip matuma imm. 1-iani aalajangersagaq malillugu.

§ 6. Nalunaarut raanna atortuulersinneqarpoq 1. juli 1994 aallarnerfigalugu.
Imm. 2. Matumunnga peqatigitillugu Avanersuup kommuniani imigassanik aalakoornartulinnik killilersuineq pillugu nalunaarut nr. 6, 29. maj 1992-imeersoq atorunnaarsinneqarpoq.

Namminersornerullutik Oqartussat, ulloq 11. juli 1994

Henriette Rasmussen

/

Nukàkuluk Kreutzmann