Provsteqarfinni ataatsimiititalianut il.il. qinersisarneq pillugu Namminersornerullutik Oqartussat nalunaarutaat nr. 30, 27. juni 1994-imeersoq.
Ilageeqarneq pillugu inatsisartut peqqussutaanni nr. 15-imi 28. oktober 1993-imeersumi § 12, imm. 5 naapertorlugu aalajangersarneqarput:
Kapitali 1.
Qinersinissamut piareersarneq§ 1. Ukiumi ilagiit sinniisaannut qinersiffiusumi provsteqarfinni ataatsimiititalianut qinersisoqartassaaq majip qaammataani.
§ 2. Ilageeqarnermut naalakkersuisup biskoppip inassuteqarnera malillugu ulloq suna qassinullu qinersisoqarnissaa aalajangissavaa, tamannalu nalunaarutigissallugu qinigassanngortinniarluni nalunaaruteqarnissamut killiliussaq ilanngullugu.
§ 3. Provsteqarfinni tamani palaseqarfiit qinersinermut siulersuisuisa provsteqarfimmi ataatsimiititaliamut qinersinissaq piareersartassavaat qinigaasullu nalunaarsuusiortassallugit. Palaseqarfiup pisortaqarfittut siulersuisuata qinersinermi siulersuisunik pilersitsinissaq isumagissavaa.
Imm. 2. Qinersinermi siulersuisut inuttarissavaat palaseqarfiup pisortaa ilagiillu sinniisaat marluk illoqarfimmi ilagiit sinniisuisa qinikkat akunnerminnit qinigaat. Palaseqarf iup pisortaa qinersinermi siulersuisunut siulittaasuussaaq.§ 4. Ulloq taasivissaq nalunaarutigineqarniariarpat qinersinermi siulersuisut palaseqarfimmi qinersisinnaasut allattorsimaffiat suliarissavaat. Ilagiit sinniisui tamarmik allattorsimaffiliuunneqassapput.
Imm. 2. Ilagiit sinniisuinut ilaasortat taasisinnaatitaapput.
Imm. 3. Ilaasortat ilagiit sinniisuinut qinigaareer simasut qinigaasinnaapput.§ 5. Qinigassanngortitanik taakkualu sinniisussaannik nalunaarutiginninneq pissaaq nalunaaruteqarfissaq naalakkersuisunit suliarineqarsimasoq atorlugu.
Imm. 2. Nalunaaruteqarfissaq taanna palaseqarfiup qinersinermi siulersuisuinut tunniunneqarsimassaaq kingusinnerpaamik nal. 12.00 qinersinissaq sapaatit akunnerinik marlunnik sioqqullugu.§ 6. Qinigassanngortinniarluni immersukkami palaseqarfiup qinersisartuisa ilaat ikinnerpaamik tallimat amerlanerpaamillu qulit qinigassanngortitsisutut atsiorsimassapput.
Imm. 2. Qinigassanngortitsivimmi allassimassapput qinigassanngortitsisut aqqi, ulloq ukiorlu inuuiat, atorfiat najugaallu.
Imm. 3. Qinigassanngortitsisut ilaat ataaseq piginnaatinneqassaaq qinigassanngortitseqatini allat tamaasa sinnerlugit qinigassanngortitsilluni immersugassaq pillugu saaf f iginnissutaasinnaasunik tigusisarnissamut.§ 7. Qinersisinnaasoq kinaluunniit qinigassanngortittunut arlalinnut qinigassanngortitsisuusinnaanngilaq.
Imm. 2. Ilagiit sinniisuinut ilaasortassanik qinersisinnaasut kisimik qinigassanngortitsisuusinnaapput.§ 8. Qinigassanngortilluni nalunaarummi qinigassanngortittoq ataasiinnaq allassimassaaq. Qinigassanngortittut tamarmik immikkut marlunnik sinniisussaqassapput.
Imm. 2. Qinigassanngortittunik nalunaaruteqarfimmi allattorsimassapput qinigassanngortittup sinniisussaasalu aqqi, ulloq ukiorlu inuuffii, atorfii najugaallu.
Imm. 3. Qinigassanngortittoq sinniisussaalu atsiornermikkut nalunaarsimassapput qinigassanngortinnerminnut sinniisussaanerminnullu akuersillutik.
Imm. 4. Qinersisinnaallunilu qinigassanngortissinnaasoq ataaseq qinigassanngortittunut arlalinnut sinniisussaasinnaavoq. Qinigassanngortittoq qinigassanngortittunut allanut sinniisussaasinnaavoq.§ 9. Qinigassanngortittunik nalunaarutit tunniunneqarfissaata naanerani qinersinermi siulersuisut aalajangissavaat nalunaarutit tiguneqartut atortussaassanersut. Qinigassanngortitanik nalunaarutit akuerineqartut nuutinneri piaartumik naalakkersuisunut nassiunneqassapput.
Imm. 2. Qinigassanngortittup nalunaarutiginerani kukkuneqarpat qinersinermi siulersuisut qinigassanngortitsisut ullunik marlunnik piffissalissavaat kukkunerup iluarsineqarnissaanut.§ 10. Qinigassanngortittunik nalunaarutiginninnissamut killiliussap naanerani qinigassanngortilluni immersugaq akuerisaq ataasiinnaq tiguneqarsimappat, tassani qinigassanngortittoq qinigaasutut naatsorsuunneqassaaq.
Imm. 2. Qinersinermi siulersuisut tamanna palaseqarfimmi ilagiit sinniisuinut provsteqarfimmilu ataatsimiititaliat suliassaannik ingerlatsisumut nalunaarutigissavaat.§ 11. Qinigassanngortinniarluni piffissamut killiliussaq § 9-mi, imm. 2-mi taaneqartoq naappat qinigassanngortittut taak-kualu sinniisussaasa aqqi qinersinermi siulersuisut palaseqarfimmi ilagiit sinniisuinut provsteqarfimmilu ataatsimiititaliat suliassaannik ingerlatsisumut nalunaarutigissavaat.
Kapitali 2.
Taasineq§ 12. Ilagiit sinniisuini siulittuisoq ilaasortarluunniit alla taassuma piginnaatitaa taasinermi pisortaassaaq taasinissallu piareersarneqarnissaa akisussaaffigissallugu.
Imm. 2. Taasinermi pisortap isumagissavaa qinigassanngortittut sinniisussaasalu aqqi ineeqqami taasivissami immikkut allagarsiinikkut ilisimatitsissutigineqarnissaat.
Imm. 3. Taasineq pissaaq ilagiit sinniisuini ataatsimiinnermi.
Imm. 4. Provsteqarfimmi ataatsimiititalianut taasisinnaasut kisimik taasinissaq siunertaralugu ataatsimiittunut peqataasinnaatitaapput.§ 13. Taasinermi pisortap ilagiit sinniisuini taasineq siulersussavaa.
Imm. 2. Taasinissami atorneqassaaq taasivissaq immikkut ittoq kalaallisut qallunaatullu ima allannilik: "Provsteqarfimmi ataatsimiititalianut qinersineq".
Imm. 3. Qinersisup pappiara taasivigissavaa qinigassanngortitap provsteqarfimmi ataatsimiititaliamut qinigaatikkumasami aqqa allallugu. Tamatuma kingorna taasivik puussaanut ikissavaa.
Imm. 4. Taasineq naammassiniariarpat qinersinermi siulersuisup allakkat puui imm. 3-mi taaneqartut ataatsimut puussaannut ikissavai. Allakkat puuat taanna qinersinermilu atortussat atorneqarsimanngitsut piaartumik palaseqarfimmi qinersinermi siulersuisunut nassiutissavai.§ 14. Qinersisinnaasoq taasisimasoq kina taasimanerlugu oqaatigissallugu pisussaanngilaq.
Kapitali 3.
Qinersinerup nalunaarsuusiorneqarnera§ 15. Pappiara taasivik atortussaassanngilaq:
1) qinigassanngortittup ataatsip aqqata saniatigut allamik allaffigineqarsimaguni,
2) erseqqissumik aalajangerneqarsinnaanngippat qinigassanngortittoq sorleq qinersisup taaniaraluar! simaneraa,
3) allakkap puua matoqqasoq taasivissamik ataasiinnaanngitsumik imaqassagaluarpat,
4) isumaqarnassagaluarpat pappiara taasiviusimasoq I peqqussutit malillugit suliarineqarsimanngitsoq.§ 16. Qinersinermi siulersuisut qinersineq nalunaarsuusiussavaat, qinersinerullu inernera provsteqarfimmi ataatsimiititaliat suliassaannik ingerlatsisumut kiisalu palaseqarfimmi ilagiit sinniisuinut nalunaarutigissallugu.
§ 17. Palaseqarfiup provsteqarfimmi ataatsimiititalianut ilaasortassaatut qinigaassaaq qinigassanngortittoq amerlanerpaanit taaneqarsimasoq.
Imm. 2. Qinigassanngortittut arlallit amerlaqatigiinnik taaneqarsimappata siulittaasup tannermoortitsineratigut aalajangerneqassaaq taakkua ilaat sorleq qinigaanersoq.§ 18. Qinersinerup atortussaatitaaneranut qinigassanngortittut qinersisinnaasullu maalaaruteqarsinnaapput. Maalaarut allaganngorlugu saqqummiunneqassaaq, naatsumik tunngavilersorlugu, kingusinnerpaamik qinersereernermiit ullut arfineq marluk qaangiutsinnagit qinersinermi siulersuisunut tunniunneqassalluni.
Imm. 2. Qinersinermi siulersuisut naammagittaalliuut sapinngisamik piaartumik naalakkersuisunut ingerlateqqissavaat, oqaaseqaatigerusutaminnik ilallugu.
Imm. 3. Qinersinerit arlaanni annertuumik kukkusoqarsimappat naalakkersuisut qinersineq atortussaatinngissinnaassavaat, taasivinnilu tamani ilaannaanniluunniit qinerseqqinnissaq peqqussutigissallugu.§ 19. Provsteqarfimmi ataatsimiititaliat suliassaannik ingerlatsisup provsteqarfimmi qinigaasut nalunaarsuusiussavai qinersinerullu inernera naalakkersuisunut biskoppimullu nalunaarutigalugu.
§ 20. Palaseqarfimmi qinersinerup inernera nalunaarsorneqareeriarpat erniinnaq qinersinermi atortut tamaasa naalakkersuisunut nassiutissavaat.
Kapitali 4.
Aalajangersakkat assigiinngitsut§ 21. Naalakkersuisut qinersinermi atortussiornissaq taakkuninngalu nassiussuinissaq aalajangersaaffigissavaat.
§ 22. Naalakkersuisut qinersinerup piareersarneqarnerani ingerlanneqarneranilu piginnaatinneqarput nalunaarummi aalajangersarneqarsimasunik allanngortitsisarnissamut, taamaaliornissaq pissutsit, ilaatigut silap qanoq innera, pissutigalugit pisariaqarsorinaraangat, tamatumani qinersinerup isertuussaanera ingerlanneqarneratalu tamakkiisumik nakkutigineqarnera qulakkeersimajuarneqarsinnaappata.
§ 23. Pissutsit atuuttut najoqqutaralugit allanngortitsiallassinnaanerit naatsorsuutigalugit kapitalit 1-imiit 4-mut atorneqassapput palaseqarfiit tamarmik immikkut nuna tamakkerlugu ataatsimeersuarnissamut aallartitassaannik qinersineqassatillugu.
§ 24. Nalunaarut una atortuulerpoq 1. august 1994-imi.
Imm. 2. Provsteqarfinni ataatsimiititalianut qinersisoqaqqaassaaq nalunaarutip atortuulernerata kinguninnguagut. Qinersinissami tassani nuna tamakkerlugu ataatsimeersuarnissamut aallatitassanik qinersisoqassanngilaq.
Namminersornerullutik Oqartussat, ulloq 27. juni 1994
Marianne Jensen/
Aqissigiaq Møller