1995-imi akileraarutitigut naligiissaanissaq aanima kommunenut ataatsimut akileraarutip agguataarneqarnissaa pillugit Namminersornerullutik Oqartussat Nalunaarutaat nr. 27, 23. juni 1994-imeersoq.

Aningaasarsianit akileraarutit pillugit Inatsisartut inatsisaanni nr. 5, 19. maj 1979-imeersumi, kingullermik allanngortinneqartumi Inatsisartut inatsisaatigut nr. 2, 3. marts 1994-imeersukkut, § 82, imm. 2, § 83 aammalu § 85 naapertorlugit makku aalajangersarneqarput:

 

§ 1. Kommuneni inummut ataatsimut agguaqatigiissitanik akileraarutitigut isertitat assigiinngissutaasa naligiissarneqarnissaannut aammalu kommunenut ataatsimut akileraarutip agguataarneqarnissaanut kommunet ataani taaneqartut 1995-imi ima tapiissuteqarfigineqassapput:

Nanortalik	kr. 16.590.000
Qaqortoq	kr.   8.218.000
Narsaq	kr.   6.389.000
Paamiut	kr. 10.560.000
Maniitsoq	kr. 12.527.000
Sisimiut	kr. 10.954.000
Kangaatsiaq	kr. 11.193.000
Aasiaat	kr. 10.055.000
Qasigiannguit	kr.   5.218.000
Ilulissat	kr. 12.467.000
Qeqertarsuaq	kr.   3.577.000
Uummannaq	kr. 16.116.000
Upernavik	kr. 16.413.000
Avanersuaq	kr.   5.433.000
Tasiilaq	kr. 17.814.000
Ittoqqortoormiit	kr.   1.990.000

Imm. 2. Tapiissutit landskassemit akilerneqartassapput qaammatini 1/12-imik qaammatinut ataasiakkaanut tapiissutinut agguagassanut tapertaliullugit.

§ 2. Kommunet ataani taaneqartut 1995-imi imaattunik akiliuteqassapput:
Ivittuut ........................................... kr.   4.515.000
Nuuk ............................................. kr. 47.284.000
Imm. 2. Akiliutissat landskassemut akilerneqartassapput ukiup qaammataani tamani 1/12-imik qaammatinut ataasiakkaanut tapiissutinit agguagassanit millilerutitut.
Imm. 3. Imm. 2 malillugu akiliutissat qaammammi tapiissutinit aggugassanit annertuneruppata aningaasat qaammammi tapiissutinit annertunerussutaasut landskassemut akilerneqassapput qaammatip pineqartup aallaqqaataani.

§ 3. 1995-imi kommunenut ataatsimut akileraarummit agguataagassaapput 135.000.000 kr.-nit kiisalu iluarsiissutit, takuuk imm. 3, ukiumi 1987-imit kr. -99.000, 1988-imit kr.-111.000, 1989-imit kr.-182.000, 1990-imit kr.-318.000, 1991-imit-13.000, 1992-imit 4.493.000 1993-imiillu kr.-25.055.000, katillugit kr. 113.715.000.
Imm. 2. Kommunenut ataatsimut akileraarut nuna tamakkerlugu akileraarutip akilersorneqartarneratut landskassemut akilersorneqartassaaq.
Imm. 3. Kommunenut ataatsimut akileraarummit isertitat imm. 1-imi kisitsimmit aalajangerneqarsimasumit allaaneruppata nikingassut ukiumi tulliuttumi kommunenut ataatsimut akileraarutip agguataarneqarnerani iluarsiissutigineqassaaq.

§ 4. Nalunaarutip massuma Namminersornerullutik Oqartussat nalunaarutaat nr. 26, 15. juni 1994-imeersoq atorunnaarsippaa.

Namminersornerullutik Oqartussat, ulloq 23. juni 1994.

Emil Abelsen

/

Kaare Hagemann