Kalaallit Nunaanni eqalunniarneq pillugu Namminersornerullutik Oqartussat nalunaarutaat nr. 23, 26. maj 1994-meersoq.
Inuutissarsiutigalugu aalisarneq pillugu inatsisartut inatsisaanni nr. 17, 22. oktober 1990-meersumi § 19 aamma § 28 aamma inatsisartut inatsisaanni nr. 10, 4. november 1991-imeersoq kiisalu pinngortitamik allanngutsaaliuineq pillugu inatsisartut inatsisaanni nr. 11, 1980-imeersumi § 2, imm. 1, § 18 aamma § 19 naapertorlugit aalajangersarneqarpoq:
Nalunaarutip atuuffia
§ 1. Nalunaarummi Kalaallit Nunaanni eqalunniarneq pineqarpoq.
Piniutit
§ 2. Eqalunniarnermi taamaallaat qarsorsat neqitallit neqitaasallilluunniit, qalut ipullit, qassutillu tasillugit minnerpaamik 100 mm-inik nigartaqqortussusillit piniutitut atorneqarsinnaapput.
Imm. 2. Qassutit eqalunniarnermi atorneqartut 30 meter sinnerlugu takissuseqassanngillat.
Imm. 3. Piniutit piniariaatsillu makku eqalunniarnermi atorqqusaanngillat:
1) Sanninngaariniarneq,
2) qassutinik tissukartitsineq, pullatit, qalut ungusiniutit (vod) kilisaatillu (trawl),
3) innaallagiaq aallaalluunniit atorlugu qupinnguallatsitsineq kiisalu
4) qaartartut toqunartullu.
Imm. 4. Qassutit piginnittup aqqanik imaluunniit angallatip aqqanik angallatilluunniit normuanik nalunaaqutsersimassappat. Qassutit ningisimasut nalunaaqutaqanngitsut nakkutilliisunit peerneqarsinnaapput.
Imm. 5. Qassutit ningisimatillugit eqalunniarfik qimanneqassanngilaq. Eqalunniarfik sivikikkaluamilluunniit qimanneqassappat piginnittup qassutini qaqissavai. Qassutit qimaannakkat piginnittuunngikkaluanit peerneqarsinnaapput.
Qassusersornermi malittarisassat
§ 3. Kuunni tasinngortanilu kuummiittuni qassusersorluni eqalunniarneq inerteqqutaavoq.
§ 4. Tatsini eqalunniarnermi kuuit tatsimut akuaniit kuuillu aariaanniit 100 m-init qaninnerusumut qassuserneq inerteqqutaavoq.
Imm. 2. Tatsini qassusersornermi qassutit tatsip sinaaniit akimut ikertussusiata 1/3-a sinnerlugu takissuseqassanngillat.§ 5. Kuup akuani nalinginnaasumik ulimut inernerani kuup immallu naapiffianniit illugiinnik kuuk 300 m-init qaninnerullugu, kuup sinaa aallaavigalugu uuttorlugu, qassusersorneq inerteqqutaavoq. Ungasissusissamit tassannga alimasinnerusukkut kommuni qaasusersorfissap killissaanik nalunaaqutsiisimappat nalunaaqutsikkap iluani qassusersorneq inerteqqutaavoq.
Imm. 2. Qassutittimaatungaatulinneraniimmapangusagaanutattuumasunngorlugit nivinngarneqartassapput.
Imm. 3. Qassutit imartap ikertussutsiata 1/3-a sinnerlugu takissuseqasanngillat.
Imm. 4. Qassutit narlusuumik nunamiit avammoorlugit nivinngarneqassapput. Amerlanaarlugit pisaqarnissaq siunertaralugu qassutit allatut ilusilerlugit nivinngarnissaat inerteqqutaavoq.
Imm. 5. Qassutit eqalunniutit qassutinut tullernut minnerpaamik 30 m-inik akunnilerlugitnivinngarneqartassapput.
Sapusersorluni eqalunniarneq
§ 6. Ujaqqanik sapusiat atorlugit eqalunniarsimagaanni eqalunniarfik qimatsinnagu saputit isaterneqassapput.
Piffissaq eqalunniarfissaq
§ 7. Qassutit atorlugit eqaluit piniarneqarsinnaapput taamaallaat 15. junimiit25. septemberimut.
Eqqissisimatitsineq
§ 8. Kommunalbestyrelsi ukiut tallimakkuutaartumik aalajangersakkakkut kommunip ilaani nunamik arlaliusinnaasunik eqaloqarfilimmik ukiuni 5-ini atuuttussamik eqqissisimatitaliortassaaq. Kommunip aalajangersagaliai Aalisarnermut, piniarnermut Nunalerinermullu Pisortaqarfimmit atulersinneqartassapput.
Imm. 2. Eqqissisimatitami imm. 1-imi taaneqartumi imaq eqaluit kuunnit eqqissisimatitaneersut sisusimatillutik najortarunagaat toqqammavigalugu killilerneqartassaaq. Killiliinermi eqqissisitsinerup sunniutissaa annerpaaq, saniatigullu nakkutilliiffigiuminarnissaa anguniarneqartassaaq.
Imm. 3. Kommunip aalajangersagaa siulleq atulersinneqassaaq kingusinnerpaamik 1. januar 1995.
Imm. 4. Imm. 3 naapertorlugu kommunip aalajangersagaatigut eqqissisimatitami nalluuttaannarmik qissattaammilluunniit eqalunniarsinnaaneq periarfissineqarsinnaavoq tamatumuuna eqaloqarfiit aallaartarfmnerat pigiinnarneqassaammat.
Imm. 5. Imm. 1-imi piumasaasutut kommunalbestyrelsi aalajangersagaliunngippat naalakkersuisunit aalajangersagassaq suliarineqassaaq.§ 9. Kommunit eqalunniarnermut tunngatillugu sukanganerusunik malittarisassiorsinnaapput kommunimi aalajangersakkakkut.
Imm. 2. Kommunilli inuit kommuninit allaneersut eqaloqarfimmini eqalunniarsinnaanerat mattussiimaanngilaa tamanna kommunip aalajangersagai malillugit ingerlaniarneqarpat.
Immikkut akuersissuteqarneq
§ 10. Ilisimatusarnermut siunertanullu allanut tunngatillugu nalunaarummi piumasaasunit allaasumik eqalunniarnissamut naalakkersuisut immikkut akuersissuteqarsinnaapput.
Imm. 2. Kommuni ataasiinnarmik eqaloqarfiusumik kooqartoq naalakkersuisunut qinnuteqarsinnaavoq § 7, imm. 1-imi piumasaasup kommunimi atuutinnginnissaanik. Qinnuteqaat taamaattoq aatsaat akuerineqarsinnaavoq uppernarsarneqarpat kommuni kuup eqaloqarneranut illersuiniutinik allanik iluuseqarsimasoq.
Pineqaatissiinerit
§ 11. Malittarisassani §§ 2 - 7-miittunik unioqqutitsisoq akiliisitsinermik pineqaatissinneqarsinnaavoq.
Imm. 2. Tamatumunnga tunngasumik suliassat arsaarinninnermullu tunngasut aalisarneq pillugu inatsimmi malittarisassat malillugit suliarineqassapput.
Atuleritsineq
§ 12. Nalunaarut atortuulerpoq l0.juni 1994. Ullormit tassannga landsrådip Kalaallit Nunaata Kitaani kapisillit eqaluillu illersorniarlugit iliuusissanik malittarisassaliaa 22. april 1955-imeersoqatorunnaarpoq.
Imm. 2. Kommunip aalajangersagai Kalaallit Nunaanni eqalunniarnermut kapisilinniarnermullu atuuttut landsrådip Kalaallit Nunaata Kitaani kapisilinnik eqalunnillu illersuiniarnermik aalajangersagaanik 22. april 1955-imeersumik aamma Inatsisartut inuutissarsiutigalugu aalisarnermut inatsisaannik nr. 11,21. november 1984-imeersumik kiisalu inatsisartut inuutissarsiutigalugu aalisarnermik inatsisaannik nr. 17, 22. oktober 1990-imeersumik tunngaveqartut atorunnaassapput l.juni 1995 aallarnerfigalugu.
Imm. 3. Kommunip aalajangersagai Imm. 2-mi pineqartut Kalaallit Nunaanni kapisilinniarnermut eqalunniarnermullu nalunaarummit uuminnga sakkortunerusunik piumasaqaateqarunik atuutiinnarallassapput 31. maj 1995 ilanngullugu.
Namminersornerullutik Oqartussat, ulloq 26. maj 1994.
Lars Emil Johansen/
Henrik Leth