Atuarfinni ukioqatigiinnut agguataariffiusuni aamma ukioqatigiinnut agguataariffiunngitsuni ileqquusumik atuartitsisarnissamut pilersaarutit il.il. pillugit Namminersornerullutik Oqartussat nalunaarutaat nr. 21,17. maj 1994-imeersoq.

Meeqqat atuarfiat pillugu Inatsisartut peqqussutaanni nr. 10-mi 25. oktober 1990-imeersumi § 9 imm. 2, § 16 imm. 3, § 17 imm. 6 aamma § 19 imm. 2 aamma 4 naapertorlugit aalajangersarneqarput:

 

§ 1. Ileqquusumik tiimit agguaattarnissaannut pilersaarummi pineqarput ukiumi atuarfiusumi 40-nik sap. akunneqartumi fagit pinngitsoorani ilinniartariaqartut, fagit pinngitsoorani ilinniartariaqartut saniatigut ilinniarumaneqarsinnaasut tiimillu tamakkununnga sap. akunneranut atugassat aamma piffissap ullormut atuartitsiviusussap sivisussusia (ilanngussaq 1).
Imm. 2. Atuarfinnut, tak. meeqqat atuarfiat pillugu Inatsisartut peqqussutaanni § 16 imm. 2, sap. akunnerinit 40-nit ikinnerusuni atuartitsiffiusartunut ukiumi atuarfiusumi sap. akunnerini 36-ni atuartitsisarnermut tiimit agguaattarnissaannut pilersaarusiaqarpoq, pilersaarusiamilu nalunaarsimapput faginut pinngitsoorani ilinniartariaqartunut f aginullu taakkua saniatigut ilinniarumaneqarsinnaasunut sap. akunneranut tiimit qassiunissaat (ilanngussaq 2).
Imm. 3. Atuarfiit sap. akunnerini 39, 38 aamma 37-ni atuartitsif f iusartut tiimit agguaattarnissaannut pilersaarummut siunnersuummik Pisortaqarfimmut akueritinniakkaminnik nassiussaqartassapput.
Imm. 4. Atuartut ullormut sivisunerpaamik atuartinneqartassapput meeqqat atuarf iat pillugu Inatsisartut peqqussutaanni § 17 imm. 5-imi aalajangersakkat malillugit. Pingaartittariaqarpoq sap. akunneranut tiimissat sap. akunnerata ulluinut assigiiaamik agguaanneqartarnissaat.
Imm. 5. Nunaqarfinni atuarfinnut, atuartut amerlassusaat pissutigalugu ukioqatigiikkutaanut agguakkanik klassinik pilersitsisinnaanngitsunut, atuartitsisarnermut tiimit agguataarnissaannut maleruarneqarsinnaasunik pilersaarusiaqarpoq ukiumut sap. akunneri 40-t aamma 36-t tunngavigalugit suliaasunik atuarfinni 1-imit 6-nut klassilinni atorneqarsinnaasunik (ilanngussat 3 aamma 4).

 

Marlunnik ilinniartitsisoqartarnermik aaqqissuussineq.

§ 2. 1. klassini marlunnik ilinniartitsisoqartarnermik aaqqissuussineq atorneqartassaaq klassimi atuartut 12-iugaangata taakkulu sinnersimagaangatigik.
Imm. 2. Immikkut aaqqissuussamik kalaallit oqaasiini danskillu oqaasiini atuartitsinermut atatillugu atuartut 12-init ikinneruleraangata, nal. akunnerini atuartitsiviusuni immikkut aaqqissuussamik atuartitsiviusuni marlunnik ilinniartitsisoqartarnermik aaqqissuussineq atuuttassanngilaq.

 

Tiimit agguataarneqartut ikilileqqinneqartarneri.

§ 3. Tiiminik agguataarneqartunik 1. - 9. klassini ikililereqqittarneq atorneqartassaaq atuartut ukioqatigiit ikippallaarneri pissutigalugit klassinik 16-init ikinnerusunik atuartoqartunik pilersitsisoqassagaangat.
Imm. 2. Ukiup atuarfiusup aallartinnerani klassimi atuartut 16-init ikinneruppata, taava 1.-9. klassini nal. akunneri sap. akunneranut atuartitsiviusussat tiimit agguataarnissaannut pilersaarut naapertorlugu imaalillugit ikilileqqinneqartassapput:

 

Atuartut 14-15
Klasse	1.	2.	3.	4.	5.	6.	7.	8.	9.
Tiimit ikiler	1	1	1	1	2	2	2	2	2
Atuartut 12-13
Klasse	1.	2.	3.	4.	5.	6.	7.	8.	9.
Tiimit ikiler	2	2	2	3	3	3	3	3	3
Atuartut 8-11
Klasse	1.	2.	3.	4.	5.	6.	7.	8.	9.
Tiimit ikiler	3	3	3	4	4	4	4	4	4
Atuartut 8 inorlugit:
Klasse	1.	2.	3.	4.	5.	6.	7.	8.	9.
Tiimit ikiler	4	4	4	5	5	5	5	5	5

Imm. 3. Tiimit ikinnerpaaffissaasa ikinnerulissutissaasa suliarinerini fagini ataasiakkaani taamatullu tiimit agguataarnerisa aammalu atuartitsinissanut pilersaarusiat imminnut attuumassuteqarnerat tunngavigalugit periarfissat perorsaanerup tungaatigut nalilersorneqartassapput.

 

Klassinik holdinut marlunnut avitsisarneq / marlunnik ilinniartitsisoqartarneq.

§ 4. Klassini ukioqatigiikkuutaanut agguagaasuni 18-inik taakkuluunniit sinnerlugit atuartoqartuni klassinik holdinut marlunnut avitsisoqartassaaq imaluunniit marlunnik ilinniartitsisoqartoqartassalluni, taamaattorli ilinniartitsisup skemami tiimii amerlanerpaamik ukuninnga ilallugit:

2.aamma 3. klassit, kalaallit oqaasii . . . .  . . . . . . .	4
2.aamma 3. klassit, kisitsineq/matematikki: . . . . . .	2
2.aamma 3. klassit, danskit oqaasii: . . . . . . . . . . .	1
4.klassit, kalaallit oqaasii: . . . . . . . . . . . . . . . . . . .	3
4.klassit, kisitsineq/matematikki: . . . . . . . . . . . . ..	2
4.klassit, danskit oqaasii: . . . . . . .. . . . . . . . . . . ..	1
7. klassit, tuluit oqaasii: . . . . . . . . . . . . . . . . . . . .	1

Imm. 2. Atuaqatigiinni ataatsimoortitani ukioqatigiikkuutaanut agguakkani holdinut marlunnut avitsisarneq / marlunnik ilinniartitsisoqartarneq atuartitsissutini kalaallit oqaasiini danskillu oqaasiini atorneqartassaaq ukiup aallartinnerani oqaatsini immikkut atuartinneqarnerini amerlassusaat tunngavigalugit.

 

Klassit ukioqatigiikkuutaanut agguagaanngitsut pillugit immikkut aalajangersakkat.

§ 5. Klassinik ukioqatigiikkuutaanut agguagaanngitsunik pilersitsinermi fagini ataasiakkaani tiiminik agguaassinermi pingaartinneqassaaq tiiminik agguataarinermut pilersaarummi aamma tiiminik agguataarneqartunik ikililereqqittarnermi periaaserineqartut sapinngisamik annertunerpaamik malinneqartarnissaat, tak. § 1 aamma § 3. Atuartitsinissap aaqqissuunnerani perorsaanerup tungaatigut najoqqutarineqartassapput atuartut amerlassusii, qanoq piginnaatigineri qassinillu ukioqarneri.
Imm. 2. Klassit 12-inik imaluunniit taakku sinnerlugit atuartoqartut fagini kalaallit oqaasiini, kisitsineq/matematikkimi, danskit oqaasiini aamma tuluit oqaasiini pissutsit najoqqutaralugit sap. akunneranut tiimii amerlineqarsinnaapput holdinut marlunnut avitsinermi atugassanik.
Imm. 3. Klassit 12-init ikinnerusunik atuartoqarsimappata sap. akunneranut tiimit ikilineqartassapput, naleqq. imm. 2-mi atuartitsissutit taaneqartut. Taamaattorli klassi 1 - 3-nik atuartoqarpat minnerpaamik 5 tiimit atuartumut ataatsimut atorneqassapput.

 

Nunaqarfinni atuarfiit ukioqatigiikkuutaanut agguagaanngitsut pillugit immikkut aalajangersakkat.

§ 6. Ukioqatigiikkuutaanut agguagaanngitsumik atuartitsivissat agguataarnissaanut maleruarneqarsinnaasoq, tiimit atuartitsivissat amerlanerpaaffissaannik imaqartut, nunaqarfinni atuarfinnut 1-imit 6-inut klassilinnut pilersaarusiugaapput. Atuartut siornatigut atuartitaasimanerat piffimmilu ilinniartitsisoqarniarneq apeqqutaatillugu tiimit atorneqartussat ikililerneqarsinnaapput.
Imm.2. Tiimit atuartitsivissat agguataarnerisa suliarinerini ikilileqqiisarneq ilanngunneqareerpoq.
Imm. 3. Klassit amerlassusissaat atuartut amerlassusaat ataani allassimasut najoqqutaralugit aalajangersarneqassapput:

Atuartut 4 - 8  . . . .  . . . . . .	klassi 1
Atuartut 9-14 . . . . . . . . . . .	klassit 2
Atuartut 15 - 20 . . . . . . . . .	klassit 3
Atuartut 21 - 30 . . . . . . . . .	klassit 4
Atuartut 31 - 45 . . . . . . . . .	klassit 5
Atuartut 46 - 70 . . . . . . . . .	klassit 6

Imm.4.Atuartut klassini ukioqatigiik-kuutaanut agguagaanngitsunut pilersitanut ataatsimoortillugit atuartinneqartassapput.
Imm. 5. Atuarfinnut 1-imit 3-nut atuartulinnut tiimit atuartitsivissatagguataarnissaanikmaleruagassaliortoqanngilaq, taamaattorli atuartumut ataatsimut minnerpaamik nal. ak. 5 atorneqassapput.
Imm. 6. Atuartitsissutini oqaluttuarisaanermi,nunalerinermi uumassusilerinermilu tiimit atorneqartussat atuartitsissutini taakkunanikatillugit tiimiliunneqarsimasut toqqammavigalugit agguataarneqarsinnaapput. Taamaattoq atuartitsissutip ataqatigiissumik ingerlanissaa qulakkeerneqass aaq.
Imm. 7. Atuartitsissutit timersorneq, erinarsorneq/nipilersorneq,ilusilersuineq, sananeq,assassorneq illumilu suliassat ajornaquteqanngitsumik klassini ukioqatigiikkuutaanut agguagaanngitsuni arlalinni ataatsikkut atuartit-sissutigineqarsinnaapput tamanna iluaqutaasussatut isummiunneqarpat.
Imm. 8. Klassini danskit tuluillu oqaasiinik aallarniiffiusussani pissutsit najoqqutaralugit atuartitsissutini taakkunani sap. akunneranut tiimii amerlineqarsinnaapput holdinut marlunnut avitsinermi atugassanik.

§ 7. Atuarfinni 4-nik taakkuluunniit sinnerlugit klassilinni 1. klassit immikkut atuartinneqartassapput. Atuarfinni 4-t inorlugit klassilinni 1. klassimi holdinut marlunnut avitsisarneq atorneqartarsinnaavoq.
Imm. 2. Klassit 12-inik imaluunniit taakku sinnerlugit atuartoqartut fagini kalaallit oqaasiini, kisitsineq/matematikkimi, danskit oqaasiini aamma tuluit oqaasiini pissutsit najoqqutaralugit sap. akunneranut tiimii amerlineqarsinnaapput holdinut marlunnut avitsinermi atugassanik.
Imm. 3. Atuarfinni 70-it sinnerlugit atuartulinni klassinut ukioqatigiikkuutaanut agguakkanut maleruagassat atorneqassapput.
Imm. 4. Nunaqarfinni atuarfiit sap. akunnerini 39, 38 imaluunniit 37-ni atuartitsiumasut tiimit agguataarnissaannut pilersaarummik Pisortaqarfimmut akueritinniakkaminnik nassiussaqartassapput.
Imm. 5. § 6, imm. 4-imi klassinik pilersitsisarnissaq nassuiarneqarsimasoq Pisortaqarfiup immikkut akuersissuteqarluni allatut aaqqissinnaavaa atuaqatigiit ukioqatigiinngitsunut agguataarnerat equngassuteqarpallaarpat.
Imm. 6. Ukiup atuarfiusussap tulliata piereersarnera Pisortaqarfimmut nassiunneqassaaq akuerisassanngorlugu.

 

Ilinniartitsisut skemami tiiminik atuineq.

§ 8. Nalinginnaasumik immikkut ittumik atuartitsinermi atuarnermi tamarmi ingerlanneqarsinnaasumi 2. - 9 . klassini atuartumut ataatsimut ilinniartitsisup skemami tiimia 0,2 tunngavigalugu kisinneqartoq atorneqassaaq.
Imm. 2. Atuartunik ikinnerpaamik 8-nik nalunaartoqarpat fagit qinigassat uku atuaqqiffimmi pilersinneqassapput: tyskit oqaasii, maskiinamik allanneq, motoorilerineq, piniarneq/aalisarneq, naatsorsuuserineq, ammerineq/amernik mersorneq aamma qarasaasialerineq.
Imm. 3. Atuartunik ikinnerpaamik 8-nik nalunaartoqarpat fagit qinigassat uku pikkorissarfimmi pilersinneqassapput: sananeq/savimminilerineq, motoorilerineq, piniarneq/aalisarneq, assassorneq, ilusilersuineq, illumi suliassat, erinarsorneq/nipilersorneq, timersorneq, qarasaasialerineq, maskiinamik allanneq, naatsorsuuserineq aamma ammerineq/amernik.
Imm. 4. Atuartunik ikinnerpaamik 5-inik nalunaartoqarpat fagit qinigassat uku atuarfimmi tunngaviusumi pilersinneqassapput: sananeq aamma assassorneq 7. - 9. klassini, erinarsorneq/nipilersorneq aamma ilusilersuineq 8. - 9. klassini.
Imm. 5. Atuartunik ikinnerpaamik 5-inik nalunaartoqarpat fagit qinigassat uku atuaqqiffimmi pilersinneqassapput: timersorneq, sananeq/savimminilerineq, assassorneq, illumi suliassat, erinarsorneq/nipilersorneq aamma ilusilersuineq.
Imm. 6. Atuartumik 1-imik nalunaartoqarpat fagit qinigassat tuluit oqaasii aanuna fysikki/kemii atuaqqiffimmi pilersinneqassapput.
Imm. 7. Atuartumik 1-imik nalunaartoqarpat fagit qinigassat kalaallit oqaasii, danskit oqaasii, kisitsineq/matematik, tuluit oqaasii aamma fysikki/kemii pikkorissarfimmi pilersinneqassapput.
Imm. 8. Fagini neqeroorutigineqartuni imm. 2, 3, 4, 5 aamma 7 malillugit holdinik ukioqatigiikkuutaartunik pilersitsisarnissaq anguniarneqassaaq pissutsillu najoqqutaralugit ukioqatigiikkuutaartuunngitsunik pilersitsisoqartarsinnaalluni. Atuartut 24-nit amerlaneruppata holdi avinneqassaaq, taamaattorli atuartut taakkunannga ikinnerugaluarpataluunniit avinneqartarsinnaapput inissaqarnikkut pissutsit tamanna pisariaqartippassuk.
Imm. 9. Atuarfinni minnerusuni atuartut ukioqatigiit amerlannginneri pissutigalugit holdinik pilersitsivigissallugit ajornartuni atuartut amerlassusissaat pillugit aalajangersakkat imm. 2-mi, 3-mi, 4-mi aamma 5-mi taaneqartut malinnagit kommunalbestyrelsi amerlassusiliisinnaavoq.
Imm. 10. Kommunit ilinniartitsisunut nalunaaquttap akunnerinik atugassanngortitsisarneri pillugit nalimmassaatissanik Pisortaqarfik Kalaallit Nunaanni Kommunit Kattuffiat tusarniaavigereerlugu aalajangersagaliorsinnaavoq.

 

Pinngitsoorani sammisassat.

§ 9. Fagit, tiimit agguataarnissaannut pilersaarummi sap. akunneranut aalajangersimasunik tiimilerlugit allanneqarsimasut saniatigut sammisassani makkunani atuartitsineq ingerlanneqassaaq:

4. -9. klassinut: kinguaassiornermut tunngasunik nassuiaaneq, peqqinnissamik ilinniartitsineq, ilaqutariinnermut tunngasunik ilisimasaqarneq, inuulluarniutinik aamma aalakoornartunik/ikiaroornartunik nassuiaaneq, angallannermik ilinniartitsineq,piniarnermik/aallaasilerinermik ilinniartitsineq, eqqissisimatitsineq avatangiisillu pillugit paasisitsiniaaneq aammalu ilinniagaqarnissamik inuutissarsiutitaarnissamillu paasisitsiniaaneq.

10. - 11. klassinut: kinguaassiornermut tunngasunik nassuiaaneq, peqqinnissamik ilinniartitsineq, ilaqutariinnermut tunngasunik ilisimasaqarneq, inuulluarniutinik aamma aalakoornartunik/ikiaroornartuniknassuiaaneq,angallannermmik ilinniartitsineq, piniarnermik/aallaasilerinermik ilinniartitsineq, eqqissisimatitsineq avatangiisillu pillugit paasi-
sitsiniaaneq.

Imm. 2. Pinngitsoorani sammisassat faginut klassinullu inissinnissaat kulturimut atuartit-sinermullu ataatsimiititaliamit aalajangerneqassaaq kommunillu atuartitsisarnissamut pilersaarutaani ilanngunneqassalluni.

 

Atuartitsinissamut pilersaarutit.

§ 10. Atuartitsinissamut pilersaarutit suliarineqarneranni fagit sammisassallu ataasiakkaat siunertaat pillugit Namminersornerullutik Oqartussat nalunaarutaat tunngavigineqassaaq.
Imm.2. Fagini misiliinermik naggaserneqartussani atuartitsinerup imarisaa aaqqissorneqartassaaq fagini ataasiakkaani misilitsinnissamut piumasarisaasut naammassineqartussanngorlugit, tak. atuartitsinissamut maleruagassiatut siunnersuutit aammalu meeqqat atuarfiata naggataarutaasumik misiliineri pillugit Namminersornerullutik Oqartussat nalunaarutaat.

 

Immikkut ittumik atuartitsineq,naammattusaammi atuartitsineq il.il.

§ 11. Immikkut ittumik atuartitsineq, naammattusaammik atuartitsineq, immikkut aaqqissuussamik kalaallit oqaasiini aamma danskit oqaasiini kiisalu namminerisamik oqaatsini atuartitaaneq, atuarfinni atuakkanik atorniartarfiit,napparsimasunik atuartitsineq sunngiffimmilu sammisassaqartitsineq aaqqissuunneqassapput aalajangersakkat meeqqat atuarfiat pillugu Inatsisartut peqqussutaat naapertorlugu aalajangersarneqartut malillugit.

 

Atuanngiffeqarnissat.

§ 12. Ukioq atuarfiusoq 1. august aallartissaaq, ullullu atuarfiusussat 200 - 240-nik amerlassusseqassallutik sapaatip akunnerata ulluinut siullernut tallimanut imaluunniit ulluinut arfinilinnut tamanut agguarsimasut. Atuartitsineq nalinginnaasumik sap. akunnerini 40-ni ingerlanneqartassaaq. Atuartitsineq ingerlanneqarsinnaavoq sap. akunnerini ikinnerusuni, ikinnerpaamilli sap. ak. 36-ni. Atuartitsineq sap. ak. 40-nit ikinnerusuni ingerlanneqassappat ullut atuarfiusut sap. akunnerata ulluinut arfinilinnut tamanut agguarsimassapput.
Imm. 2. Atuartut aasakkut atuanngiffiat minnerpaamik sap. akunnerinik 7-inik malittuinnarnik sivisussuseqarpoq inissinneqartassallunilu 1. juunip 31. aggustillu akornannut.
Imm. 3. Aasakkut atuanngiffiup aallartiffissaa Pisortaqarfiup aalaangersinnaavaa.
Imm. 4. Sapaatit tamarmik saniatigut ullut makku pinngitsoorani atuanngiffiusarput: Juulliaraq Juullipullua. Juullip-aappaa.
Ukiutoqaq.
Ukiortaaq.
Sisamanngortoq illernartoq.
Tallimanngortoq tannaartoq.
Poorskip-aappaa.
Dronningip inuuia, 16. april.
Tussiarfissuaq.
Kristusip qilaliarfia.
Piinsip-aappaa.
Namminersornerulernerup eqqunneqarnerata ullua, 1. maj .
Inuiattut Ullorsiorfik, 21. juni.
Imm. 5. Kunngit pingasut ulluanni, januaarip ulluisa arfernanni, atuarf iit matusarsinnaapput nal. 12, ullorlu ullortut atuarfiusutut naatsorsuunneqartassaaq.
Imm. 6. Nunaqarfigisami pissutsit pissutigalugit atuanngiffiup ullullu atuanngiffissarititaasut qanoq inissinneqartarnissaannut tunngasut pisariaqartitsineq naapertorlugu isummerfiginiartariaqartassapput.
Imm. 7. Nunaqarfigisami ullut atuanngiffissat aalajangersarneqarneranni ullut naggataarutaasumik misiliiffissat nalerornaveersaarneqartassapput.
Imm. 8. Atuarfiit ullut atuanngiffissat pillugit pilersaarusiatik ukiut tamaasa nassiuttassavaat Pisortaqarfimmut
akuerisassanngorlugit.

 

Sanioqqutitsisinnaatitaaneq il.il.

§ 13. Pisortaqarfiup pissutsit immikkut ittut peqqutigalugit nalunaarummi uani aalajangersakkat sanioqqunneqarnissaat akuerisinnaavaa.
Imm.2. Nalunaarummi aalajangersakkat malinneqarnissaat pillugu Pisortaqarfik erseqqinnerusunik maleruagassiorsinnaavoq.

 

Atortuulersitsinermik aalajangersakkat.

§ 14. Nalunaarut atulerpoq 1. august 1994.
Imm.2. Ulloq taanna atorunnaassapput Namminersornerullutik Oqartussat ileqquusumik atuartitsisarnissamut pilersaarutitil.il. pillugu nalunaarutaat nr. 8, 15. april 1991-imeersoq kiisalu Pisortaqarfiup nunaqarfinni tiimit atuartitsivissat aggutaarnissaat pillugu kaajallaasitaa 17/92.

Namminersornerullutik Oqartussat, ulloq 17. maj 1994.

Marianne Jensen

/

Hugin S.Christiansen

---

Ilanngussaq 1-4 (pdf-format)