Kalaallit Nunaata eqqaani aaffanniartarneq pillugu Namminersornerullutik Oqartussat nalunaarut nr. 19, 11. maj 1994-imeersoq.
Inuutissarsiutigalugu piniarnermut aallaaniarnermullu Inatsisartut inatsisaanni nr. 12-imi 22. november 1984-imeersumi §§ 4, 6, 7, 9 aamma 10 allanngortinneqartut Inatsisartut inatsisaanni nr. 4-mi 16. maj 1990-imeersumi aamma Inatsisartut inatsisaanni nr. 7-imi 30. oktober 1991-imeersumi kiisalu Kalaallit Nunaanni pinngortitamik allanngutsaaliuineq pillugu Inatsisartut inatsisaat nr. 11 12. november 1980-imeersumi §§1 aamma 16 naapertorlugit aalajangersarneqarput:
§ 1. Nalunaarummi uani pineqarpoq Kalaallit Nunaata aalisarnikkut oqartussaaffigisaani aarfit (Odobenus rosmarus) piniarneqartarnerat.
Inuit aallaaniarsinnaatitaasut piffissallu eqqissisimatitsiviusut
§ 2. Kalaallit Nunaanni inuutissarsiutigalugu aallaaniarsinnaanermut uppernarsaammik pigisaqartut kisimik aaffanniarsinnaapput.
Imm. 2. Avanersuup, Upernaviup Illoqqortoormiullu kommuniini najugaqavissut aallaaniarsinnaanermut allagartaqartut Kalaallit Nunaata Avannaani Tunumilu nunap eqqissisimatitap Qimusseriarsuarmilu uumasunik eqqissisimatitsiviup iluani piumasaqaatit eqqartorneqartut malillugit ileqquusumik piniartarnertik taakkunani ingerlassinnaavaat.§ 3. Kitaani allorniusap sanimukartup 66°-ip 75°-illu akornanni 1. juunimiit decemberip 31-at ilanngullugu aaffanniarneq inerteqqutaavoq.
Imm. 2. 1. aprilimiit decemberip 31-at ilanngullugu pineqartuni tamaani aavernik arnavissanik piaraannillu piniarnissaq inerteqqutaavoq.
Imm. 3. Kitaani allorniusap sanimukartup 66°-ip kujataani ukioq kaajallallugu aaveq eqqissisimatitaavoq.
Angallatinik killiliiffiginninneq
§ 4. Aaffanniarluni angalaneq qimussimik imaluunniit angallammik 40 BRT-init mikinerusumik atortoqarluni taamaallaat ingerlanneqarsinnaavoq.
Piniariaatsit
§ 5. Timmisartut, helikopterit angallatillu motoorillit allat suugaluartut aaffanniarnermi imaluunniit piniarfissamut piniarfímmiillu angallatiginissaat inerteqqutaavoq.
Imm. 2. Siku silalu pissutigalugit pisat angerlaakkasuarnissaat pisariaqaraangat assartuinermi snescooterit atorneqarnissaat kommunalbestyrelsip immikkut akuersissutigisinnaavaa.§ 6. Qoorortooq aaffanniarnermi akuerisaasoq minnerpaamik 7,62 mm-imik aqerluliussaaq.
Imm. 2. Aaffanniarnermi patronit aqerlui manngertumik qallikkat inngigissut kisimik atoqqusaapput.
Imm. 3. Aarfit aallaariikkat toqutsinnagit avatarserlugit naalinneqassapput.§ 7. Kommunalbestyrelsi pisariaqartitsineq malillugu aaffanniarnerup killiiffigineqarnerunissaa siunertaralugu immikkut malittarisassaliorsinnaavoq.
Pisanik nalunaaruteqartarneq nakkutilliinerlu
§ 8. Aaffattat tamarmik tamatigut piniarnermit tikinnermi kommunimut najugaqarfigisamut pisat tamaasa immikkuutaarlugit aarrup suviaanera, utoqqaassusia, ulloq suna sumilu pisarineqarnera allattuiffissami nalunaarutigineqassapput allattuiffissaq Aalisarnermut Piniarnermut Nunalerinermullu Pisortaqarfiup sanatitaa atorlugu. Arlaliulluni piniaqatigiinnermi niaqqumik agguagarsisoq pisamik nalunaartuusassaaq. Piniaqataasut aqqi inuttullu normui nalunaarummut ilanngunneqassapput. Aaveq nalunaaqutaqarpat radiortaqarluniluunniit, taanna nalunaarummut ilanngullugu tunniunneqassaaq.
Imm. 2. Allattuifflssaq imm. 1-imi pineqartoq kommunip allaffianut nunaqarflmmiluunniit allaffimmut piniarneqarsinnaavoq. Pisaqartup atini, inuttut normuni, najukkani sunalu angallatigisimanerini nalunaarutigissavaa, immaqa angallatip angissusia nalunaarlugu.
Imm. 3. Kommunip pisamik nalunaarluni allattuifflit tigusimasani pisaqarnerup nalunaarutigineqarneraniit qaammat ataaseq qaangiutsinnagu Aalisarnermut, Piniarnermut Nunalerinermullu Pisortaqarfîmmut nassiutissavai.
Nunanut allanut nassiussineq
§ 9. Naalakkersuisunit akuerineqareersimatinnani aavernik nikeriarsinnaajunnaarsitsineq uumatillugillu tigusiniarneq inerteqqutaapput.
Imm. 2. Naalakkersuisunit akuerineqarluni aatsaat aavermeersumik suugaluamilluunniit nunanut allanut nassiussisoqarsinnaavoq.
Imm. 3. Naalakkersuisut akuersisimatinnagit aarrit uumasuutigineqaratillu Kalaallit Nunaannit anninneqassanngillat.§ 10. Unioqqutitsilluni aaffattap neqaanik, amianik, tuugaavinik imaluunniit timaata ilaanik allamik pisinissaq pissarsinissarluunniit inerteqqutaavoq.
Pineqaatissiisarneq
§ 11. Nalunaarummi uani aalajangersakkanik unioqqutitsineq akiliisitaanermik kinguneqarsinnaavoq aammalu unioqqutitsilluni pisaq taassumaluunniit ilaa arsaarinnissutaassaaq. Arsaarinnissutit qanoq atorneqarnissaat Naalakkersuisunit aalajangerneqartassaaq. Suliassat tassunga tunngassuteqartut inuutissarsiutigalugu piniarnermut aallaaniarnermullu Inatsisartut inatsisaanni maleruagassat malillugit suliarineqartassapput.
Immikkut akuerineqarneq atulersitsinerlu
§ 12. Ilisimatuutut misissuinissanut siunertanullu allanut tunngatillugu Naalakkersuisut nalunaarummi piumasaasunik atorunnaarsitsigallarsinnaapput.
§ 13. Nalunaarut 1. juni 1994 atortuulissaaq, tamannalu peqatigalugu atorunnaassapput
1) Ministeriap Kalaallit Nunaata eqqaani aaffanniarneq pillugu nalunaarutaa nr. 301 16. november 1956-imeersoq, aamma
2) Davisstrædimi Baffíns Bugtimilu aaffanniartarnerup killilersugaaneranik Landsrådip ileqqoreqqusaa 16. november 1956-imeersoq, aamma
3) Landsrådip ileqqoreqqusaa 20. august 1958-imeersoq, atulersinneqartoq 4. april 1959-imi, landsrådip ileqqoreqqusaanut 11. august 1954-imeersup allannguutaa Davisstrædimi Baffms Bugtimilu aaffanniartarnerup killilersugaanera pillugu atulersinneqartoq 16. november 1956-imi aamma
4) Davisstrædimi Baffms Bugtimilu aaffanniartarnerup killilersugaaneranik landsrådip ileqqoreqqusaanut allannguut 17. august 1978-imeersoq.
Namminersornerullutik Oqartussat, ulloq 11. maj 1994.
Hans Iversen/
Henrik Leth