Inissialiornermut tapersiissuteqartarneq pillugu Inatsisartut peqqussutaat malillugu illorsuarnut tapersiiffigineqarsimasunut silliiranasiisarneq pillugu Namminersornerullutik Oqartussat Nalunaarutaat nr. 9, 22. marts 1994-imeersoq.

Inissialiornermut tapersiissuteqartarneq pillugu Inatsisartut peqqussutaani nr. 1-imi 9. april 1992-imeersumi § 6, imm. 2, naapertorlugu aalajangersarneqarpoq:

 

§ 1. Illorsualiaq sananeqarnermini, iluarsagassanngoruni iluarsaanneqarnermini sananeqareernerminilu sillimmaserneqarsimmassaaq.

§ 2. Inissialiornermut tapersiissuteqartarneq pillugu Inatsisartut peqqussutaani kapitalit 4, 5 imaluunniit 6 malillugit taarsigassarsilluni illuliat tamakkiisumik nutaamillu nalilerlugit sillimmaserneqassapput. Sillimmasiisarfiit nalinginnaasumik illuinnarnik sillimmasiinermut piumasaqaatigisartagaat naapertorlugit minnerpaamik sillimmasiivigineqassapput ikuallattoornissaq illullu allatigut ajoqusersinnaanera.

§ 3. Inissialiornermut tapersiissuteqartarneq pillugu Inatsisartut peqqussutaani kapitali 3 malillugu tapiiffigineqarlutik Kommuunet attartortitassatut inissialiaat ataatsimoortillugit suliassatut sillimmasiiffigineqassapput (ajutoorsinnaanernut tamanut sillimmasiivigalugit).

§ 4. Inissialiornermut tapersiissuteqartarneq pillugu Inatsisartut peqqussutaani kapitali 7 malillugu tapiiffigineqarlutik Piginneqatigiillutik Inissiaatillit Peqatigiiffiannit inissiaatigineqartut tamakkiisumik nutaamillu nalilerlugit sillimmaserneqarsimassapput. Ikuallattoornissaq illullu allatigut ajoquserneqarsinnaaneri minnerpaamik sillirnmasiivigineqarsimassapput, taamaattorli tak. imm. 2.
Imm. 2. Illut imminnut atatiterlutik uiguleriiaat illorsuillu quleriinnik initallit § 3-mitulli ataatsimoortillugit suliatut (all-risk forsikring-imik taaneqartartumik) sillimmasiivigineqarsimassapput.

§ 5. Nalunaarut atulissaaq 1. april 1994.

Namminersornerullutik Oqartussat, ulloq 22. marts 1994.

Emil Abelsen

/

Peter Beck