Ukioq 1994-imut aasaanerani nalunaaquttap aalajangersarneqarnera pillugu Namminersornerullutik Oqartussat nalunaarutaat nr. 4 , 11. marts 1994-imeersoq.

Aasaanerani nalunaaquttap atorneqarnera pillugu Inatsisartut inatsisaanni nr. 14-imi, 19. oktober 1989-imeersumi § 1 naapertorlugu aalajangersarneqarpoq:

 

§ 1. Ukiumi 1994-imi piffissamik immikkut naatsorsuineq atorneqassaaq, aasaanerani nalunaaqutaq, piffissami martsip 26-ianiit septemberip 24-ianut.
Imm. 2. Ullumikkut Kalaallit Nunaanni sumiiffinni sisamani nalunaaquttat assigiinngitsuupput. Europap kitaanut nalunaaquttamut, tassa Greenwich meantime-imut GMT), sanilliullugu, ilisimatitsissutitut nalunaaquttattulliut tuttakussutissiarineqarsinnaapput:

	Pituffimmi sakkutooqarfik	Nunatsinni nalinginnaasumik nalunaaqutaq	Ittoqqortoormiini	Danmarkshavnimi
Assersuutigalugu:	GMT-4 Nal. 8	GMT-3 Nal. 9	GMT-1 Nal. 11	GMT Nal. 12

§ 2. Aasaanerani nalunaaqutaq Nunatsinni nalinginnaasumik nalunaaquttamut tunngatillugu aallartissaaq martsip 26-iani nal. 22.00, piffissami tassani nalunaaqutaq allanngortinneqassalluni nal. 23.00-imut.
Imm. 2. Ittoqqortoormiit, Pituffimmi sakkutooqarfik kiisalu Danmarkshavn, Nunatsinni nalinginnaasumik nalunaaquttamik malinnaanngitsut, eqqarsaatigalugit, makku atuupput: Ittoqqortoormiini aasaanerani nalunaaqutaq atuutilissaaq martsip27-iani nal. 00.00-imiit, piffissami tassani nalunaaqutaq allanngortinneqassalluni nal. 01.00-imut. Pituffimmi sakkutooqarfimmi aamma Danmarkshavnimi aasaanerani nalunaaqutaq atussanngilaq.

§ 3. Nunatsinni nalinginnaasumik nalunaaquttamuttunngatillugu aasaanerani nalunaaqutaq atorunnaassaaq septemberip 24-iani nal. 23.00, piffissami tassani nalunaaqutaq allanngortinneqassalluni nal. 22.00-imut. Ittoqqortoormiinuttunngatillugu aasaanerani nalunaaqutaq atorunnaassaaq septemberip 25-iani nal. 01.00, piffissami tassani nalunaaqutaq allanngortinneqassalluni nal. 00.00-imut.
Imm. 2. Akunneq qaangiuttoq piffissamik nalunaarutiginninnermi taagorneqassaaq nal. 22.00 A-tut aamma 00.00 A-tut, akunnerlu aggersoq taagorneqassalluni 22.00 B-tut, aamma nal. 00.00 B-tut.

Namminersornerullutik Oqartussat, ulloq 11. marts 1994

Emil Abelsen

/

Søren Hald Møller