Kalaallit Nunaanni aalisagartanik tunisinermi akit nikerarnerinut nalimmassaatissanut Aningaasaateqarfik pillugu Inatsisartut inatsisaata nr. 11, 4. november 1991-imeersup atorunnaarsinneqarnera pillugu Inatsisartut inatsisaat nr. 16, 28. oktober 1993-imeersoq.

 

§ 1. Inatsisartut inatsisaat nr. 11, 4. november 1991-imeersoq naapertorlugu akit nikerarnerinut nalimmassaatissanut aningaasaateqarfik pilersinneqartoq atorunnaarsinneqassaaq aningaasaateqarfiup ukiumut naatsorsuuteqarfiusumut 1993-imut naatsorsuutai Naalakkersuisunit akuersissutigineqarpata, kingusinnerpaamilli 1. juni 1994-imi.

§ 2. Atorunnaarsitsinermi aningaasaateqarfiup aningaasaatai tunisinermut akinut tapiissutitut atorneqassapput. Aningaasat agguaanneqarnissaat akiliutigineqarnissaallu pillugit Naalakkersuisut aalajangiissapput.

§ 3. Inatsisartut inatsisaat manna 1. januar 1994-imiit atuutilerpoq. Tamatumunnga peqatigitillugu Kalaallit Nunaanni aalisagartanik tunisinermi akit nikerarnerinut nalimmassaatissanut Aningaasaateqarfik pillugu Inatsisartut inatsisaat nr. 11, 4. november 1991-imeersoq atorunnaarsinneqarpoq.

Namminersornerullutik Oqartussat, ulloq 28. oktober 1993

Lars Emil Johansen

/

Hans Iversen