Kalaallit Nunaanni atortussiassat aatsitassanit pisut pillugit suliniutit isumagineqarnissaannut selskabi pillugu Inatsisartut inatsisaata allanngortinneqarneranik Inatsisartut inatsisaat nr. 12, 28. oktober 1993-imeersoq.

 

§ 1.

Kalaallit Nunaanni kulbrintisiornerit isumagineqarnissaannut selskabiliornermut Inatsisartut inatsisaanni nr. 10, 22. november 1984-imeersumi allannguutigitinneqassapput:

 

1. Inatsisartut inatsisaat ima taaguuteqassaaq:
" Kalaallit Nunaanni atortussiassat aatsitassanit pisut il.il. pillugit suliniutit isumagineqarnissaannut ingerlatseqatigiiffik pillugu Inatsisartut inatsisaat."

2. § 1-ip kingornanut § 1 a-tut nutaatut ilanngunneqassaaq ima oqaasertalik:
"§ 1a. Naalakkersuisut piginnaatinneqarput Nukissiuuteqarnermut ministeri isumaqatigiissuteqarfigissallugu ingerlatseqatigiiffiup ingerlatsinerani killissaatitaasut annertusisinnissaannut, isumagisassanut ilangullugit atortussiassat aatsitassanit pisut pillugit suliniutit."

 

§ 2.

Inatsisartut inatsisaat una atortuulissaaq novembarip aallaqqaataani 1993-imi. Tamanna peqatigalugu atortuujunnaassaaq Kalaallit Nunaanni kulbrintesiornerit isumagineqarnissaannut selskabiliornermut Inatsisartut inatsisaata allannguuteqartitaaneranik Inatsisartut inatsisaat nr. 2, 2. april 1987-imeersoq.

Namminersornerullutik Oqartussat, ulloq 28. oktober 1993

Lars Emil Johansen

/

Kaj Kleist