Inatsisartunut, Naalakkersuisunut il.il. ilaasortat aningaasarsiaqartitaanerat il.il. kiisalu Landsrådimut, Inatsisartunut, Naalakkersuisunut il.il. ilaasortaasimasut soraarnerussutisiaqartinneqarnerat pillugit Inatsisartut inatsisaat nr. 11, 28. oktober 1993-imeersoq.

 

Kapitali 1.
Ilaasortanik Inatsisartut siulittaasuattut, Naalakkersuisut siulittaasuattut imaluunniit Naalakkersuisunut ilaasortatut qinigaasimanngitsunik aningaasarsiaqartitsineq.

Aningaasarsiat.

§ 1. Inatsisartunut ilaasortat Inatsisartunut ilaasortatut sulinerminnut ukiumut aningaasarsiaqartinneqassapput tjenestemandip akissaateqarfimmi 31-mi skalatrin 44-miittup ukiumut aningaasarsiaasa annertoqataannik.
Imm. 2. Ilaasortat nunaqarfinneersut isorliunerusuneersullu il.il. kiisalu savaateqarfinneersut sumiiffigisaq tunngavigalugu tapîsiaqartinneqassapput tjenestemandit taamatut tapisiaqartitaanerannut malittarisassat malillugit tjenestemandillu taakkua tapisiaasa annertoqataannik aningaasartalinnik.
Imm. 3. Inatsisartunut ilaasortat ilaasortatut sulinerminnut atatillugu aningaasartuutiminnut matussutissanik tapisiaqartinneqassapput soraarnerussutisiaqaataasussaanngitsunik, aningaasarsianut akileraaruteqaataasussanut ilaatinneqartussaanngitsunik. Tapisiat taakku 1993-imi 49.740,- kruuniupput.
Imm. 4. Tapisiat imm. 3-mi taaneqartut annertussusissaat ukiut tamaasa aningaasanut inatsimmi aalajangerneqartassapput.
Imm. 5. Aningaasarsiat tapisiallu imm. 1-3-mi taaneqartut qaammammoortumik siumoortumik tunniunneqartassapput.
Imm. 6. Taaneqartut saniatigut ilaasortat ataatsimiinnerni il.il. peqataanerminnut immikkut akissarsiaqartitaassanngillat, ullormusiaqartitaassanatik allatulluunniit aningaasarsiaqartitaassanatik. Aningaasaqarnermulli ataatsimiititaliamut ilaasortat immikkut aningaasarsiaqartinneqassapput aningaasartaasa tunngavii 1.4.1991-imi ukiumut 38.700 kruuniusunik. Aningaasat taakku iluarsiissuteqartinneqartassapput immikkut tapisiatut. Aningaasarsiat taakku qaammairnnoortuinik siumoortumik tunniunneqartassapput. Aningaasarsiat taakku tunniunneqartarunnaassapput qaammatip aningaasaqarnermut ataatsiiniititaliainut ilaasortaajunnaarfiup naaneranit.

§ 2. Inatsisartunut ilaasortaq aningaasarsiaqartinneqalissaaq qaammatip qinigaanermi akuersissutigineqarfiata aallaqqaataaniit. Ilaasortap allap toquneratigut imaluunniit Inatsisartunut ilaasortatut tunuarneratigut ilaasortanngorsimaguni qaammatip kingoraakkami toquffiata imaluunniit ilaasortaanerminit tunuarfiata aallaqqaataaniit aningaasarsiaqartinneqalissaaq. Aningaasarsiat taakku tunniunneqartarunnaassapput qaammatip Inatsisartunut ilaasortaajunnaarfiup naaneranit.
Imm. 2. Ilaasortaq qinnuteqarnini tunngavigalugu ilaasortaanerminit tunuarallarsimasoq piffissami tunuarallarsimaffimmini aningaasarsiaqartitaassanngilaq.
Imm. 3. Qanoq sivisutigisumik ilaasortaasimaneq tunngavigalugu ilaasortaajunnaarnersiat soraarnerussutisiallu naatsorsornerini piffissaq tunuarallarfiusimasoq qaammatinut ilivitsunut anrnmt akunnaallillugu ilanngaatigineqartassaaq.

 

Aningaasartuutinik matussusiisarneq.

§ 3. Inatsisartunut ilaasortat inatsisartunut ilaasortatut sulinerminnut atatillugu najukkamik avataani angalanerminni najugaqarnerminnilu angalanermut ineqarnermullu akiliunneqartassapput ullormusiaqartinneqartassallutillu malittarisassat tjenestemandinut atuuttut malillugit.
Imm. 2. Inatsisartunut ilaasortaq pisinnaatitaavoq piffissani qinigaaf f iusuni tainani ataasiarluni paasisassarsiorluni Kalaallit Nunaanni angalaartarnissaminut. Aningaasartuutit akilerneqartassapput imm. 1 malillugu.
Imm. 3. Aningaasat imm. 1-imi 2-milu taaneqartut Inatsisartunut ilaasortap atsioreerneratigut kommuninit tunniunneqarsinnaapput piffissaq tulleq atorlugu Landskarsimut akilersitassanngorlugit. Aningaasartuutit allat tamarmik Landskarsimit akilerneqartussaanngillat.
Imm. 4. Piffissami Inatsisartunut qinersinissap nalunaarutigineqarnerata qinersinerullu Inatsisartuni akuersissutigineqarnerata akornanniittumi Inatsisartunut ilaasortat angalaneri ataatsimiititaliat ataatsimiinnerinut kinguartinneqarsinnaanngitsunut angalanerunngikkunik Landskarsimit akilerneqarsinnaanngillat.

§ 4. 1990-imi januaarip allaqqaataa aallarnerfigalugu naatsorsukkanik ukiut tamatigut sisamat ingerlaneranni Inatsisartunut ilaasortap aapparisaa marloriarluni Inatsisartut ataatsimiilerneranni Nuuliaqataanissaminut akiliunneqartarsinnaavoq.
Imm. 2. Inatsisartut aamma Naalakkersuisut siulittaasui pissutsini immikkut ittuni aapparisatik angalanerni Inatsisartut aamma Naalakkersuisut siulittaasuattut suliaminik ingerlatsineranut ilaasuni angalaqatigisinnaavaat.
Imm. 3. Aamma aappaasoq angalaqataasoq akeqanngitsumik ineqartinneqartassaaq ullormusiaqartinneqartassallunilu.
Imm. 4. Aappariinnermut naligititaassaaq inuit aqqisa allattorsimaffianni najugaqatigiittut nalunaarsorneqarluni ukiumi ataatsimi inooqatigiinneq.

 

Sinniisussat.

§ 5. Inatsisartunut ilaasortat sinniisussaat Inatsisartunut ilaasortaq sinnerlugu ataatsimeeqataasut aningaasarsiat § 1 imm. 1-imi 3-railu taaneqartut 365-erarterutaannik ataatsimik ullut tamaasa aningaasarsiaqartinneqassapput. Inatsisartunut ilaasortatut sulinermut atatillugu najukkap avataani angalanernmt najugaqarnermullu akiliussisoqartassaaq ullorinusiaqartitsisoqartassallunilu malittarisassat tjenestemandinut atuuttut malillugit.

 

Kapitali 2.
Inatsisartut siulittaasuannik, Naalakkersuisut siulittaasuannik aamma Naalakkersuisunut ilaasortanik aningaasarsiaqartitsineq.

§ 6. Inatsisartut siulittaasuat, Naalakkersuisut siulittaasuat Naalakkersuisunullu ilaasortat aningaasarsiaqartinneqassapput tjenestemandip akissaateqarfimmi 39-mi skalatrinnit 52-ianniittup aningaasarsiaanut naapertuuttunik, nalinginnaasumik tapisiat ilanngunnagit.
Imm. 2. Naalakkersuisunut ilaasortat Inatsisartunut ilaasortaanngitsut tapisiaqartinneqassapput Inatsisartunut ilaasortat aningaasarsiaannut § 1, imm. 1-imi eqqartorneqartunut naapertuuttunik.
Imm. 3. Inatsisartut siulittaasuat, Naalakkersuisut siulittaasuat Naalakkersuisunullu ilaasortat aningaasarsiaqartinneqassapput qaammatip qinigaaffimmik aallaqqaataaniit qaammatip taamatut atuukkunnaarfimmik naanissaata tungaanut. Aningaasarsiat qaammatit tamaasa siumoortumik tunniunneqartassapput.
Imm. 4. Inatsisartut siulittaasuat Naalakkersuisunullu ilaasortat aningaasartuutiininnut matusissutissanik aamma sumiiffigisaq tunngavigalugu tapisiaqartinneqassanngillat.
Imm. 5. Inatsisartut siulittaasuat Naalakkersuisullu siulittaasut ineqarnerminnut akiliisassanngillat. Naalakkersuisunut ilaasortat allat inissaqartinneqassapput attartorneri malittarisassat tamanut atortuusut malillugit akilersorneqartussanik.
Imm. 6. Inatsisartut siulittaasuata Naalakkersuisullu siulittaasuata Inatsisartut siulittaasuattut Naalakkersisullu siulittaasuattut suliunnaarunik illut akilersornagit inigisatik qimassavaat. Illut Naalakkersuisunut ilaasortanut allanut atugassanngortitaasut qimanneqassapput Naalakkersuisunut ilaasortatut suliunnaarnermut atasumik kingusinnerpaamillu piffissap ilaasortaajunnaarnersiaqarfiup naanerani.

§ 7. Inatsisartut siulittaasuat, Naalakkersuisut siulittaasuat Naalakkersuisunullu ilaasortat ataasiakkat pisinnaatinneqarput Landskassip akiligaanik ilassinninnersiuteqarnissaminnut.
Imm. 2. Ataasiakkaat ilassinninnersiutaasa annertussusii ukiut tamaasa aningaasanut inatsimmi aalajangersarneqartassapput.

§ 8. Inatsisartut siulittaasuata, Naalakkersuisut siulittaasuata Naalakkersuisunullu ilaasortat Inatsisartut siulittaasuattut, Naalakkersuisut siulittaasuattut Naalakkersuisunullu ilaasortatut angalaneri Landskarsimit akilerneqartassapput.
Imm. 2. Nerisaqarnermut ineqarnermullu aningaasartuutit allamik isumaqatigiissuteqartoqarsimatinnagu regningi malillugu matussuserneqartassapput kingusinnerusukkut Landskarsimit akilerneqartussanngorlugit. Ullormusiaqartitsisarnermik maleruagassiat tjenestemandinut atortuusut malillugit angalasarneq taarsiullugu atorumaneqartarsinnaavoq. Regningiliortitsisarneq imaluunniit ullormusiaqartarneq arlaat atorlugu angalasinnaatitaaneq piffissaq qinigaaffik tamakkerlugu atortuuvoq.

§ 9. Inatsisartut siulittaasuat siulittaasunngornermini suliffeqarfinni, ingerlassani atorfeqarfinniluunniit pisortanit namminersortunilluunniit pigineqartuni toqqagaalluni suliaqartitaaguni tamakku suliffigiunnaartussaassavai. Inatsisartut siulittaasuat isumaqaruni suliaqarfigisani taamaattut atorfigilikkamini sulinerminik ajornartorsiortitsissanngitsut, Inatsisartullu siulittaasuata tamakkua ilaasa ingerlatiinnarnissaat kissaatigiguniuk, taava Inatsisartut siulittaasuata qinersinerup misilinneqarnissaanut Inatsisartut ataatsimiititaliaat piaartumik taraatuminnga nalunaarfigissavaa. Ataatsimiititaliap taaina nalunaarf igineqarnerminit sapaatit akunneri pingasut qaangiutsinnagit Inatsisartut siulittaasuat sulianik taamaattunik ingerlatsiinnarnissaanut itigartissinnaavaa. Piffissap taaneqartup qaangiutereerneratigut Inatsisartut siulittaasuata Inatsisartut nalunaarfigissavai sulianik sunik ingerlatsinissaminut akuerineqarnerminik.
Imm. 2. Naalakkersuisunut ilaasortaq ilaasortanngornermini imm. 1-imi eqqartorneqartutut ittuni toqqagaalluni suliaqartitaaguni tamakku suliffigiunnaartussaassavai. Naalakkersuisunulli ilaasortap Naalakkersuisut siulittaasuata akuersigallarneratigut suliani taamaattut ingerlatiinnarsinnaavai Naalakkersuisut siulittaasuat isumaqarpat ingerlatsiinnarnera Naalakkersuisunut ilaasortap taassuma Naalakkersuisunut ilaasortatut atorfimmi pisussaaffimminik suliaqarneranik imaluunniit Naalakkersuisunut ilaasortap Namminersornerullutik Oqartussani ingerlatsivinnut suliffinnullu assigiinngitsunut tunngasunik ingerlatsineranik ajornartorsiortitsissanngitsoq. Taavali Naalakkersuisut siulittaasuata tamanna qinersinerup misilinneqarnissaanut ataatsimiititaliamut piaartumik nalunaarutigissavaa. Ataatsimiititaliap taanna nalunaarfigineqarnerminit sapaatit akunneri pingasut qaangiutsinnagit Naalakkersuisunut ilaasortaq taanna sulianik taamaattunik ingerlatsiinnarnissaanut itigartissinnaavaa. Piffissap taaneqartup qaangiutereerneratigut Naalakkersuisut siulittaasuata Inatsisartut siulittaasuat nalunaarfigissavaa Naalakkersuisunut ilaasortap pineqartup sulianik sunik ingerlatsiinnarnissaminut akuerineqarneranik.
Imm. 3. Naalakkersuisut siulittaasuat siulittaasunngornermini imm. 1-imi eqqartorneqartutut ittunik suliaqartitaasimappat qinersinerup misilinneqarnissaanut ataatsimiititaliaq tamatuminnga nalunaarfigineqassaaq Naalakkersuisut siulittaasuata tamakkua arlaat tigummiinnaruinappagu, tamatumalu kingornatigut pissusissat imm. 2-mi taagorneqartut malillugit iliortoqassaaq.
Imm. 4. Inatsisartut siulittaasuat, Naalakkersuisut siulittaasuat Naalakkersuisunullu ilaasortat taamatut ilaasortaatillutik imm. 1-imi taaneqartutut ittumik nutaamik tigummisaqalissanngillat tigummisaqalernissaminnut qinersinerup misilinneqarnissaanut ataatsimiititaliamit akuerineqarsimanngikkunik.

 

Kapitali 3
Ilaasortaajunnaarnersiat.

§ 10. Inatsisartunut Nalakkersuisunulluunniit ilaasortaq tunuaruni ilaasortaajunnaarnersiaqartinneqassaaq tunuartup taassuma § 1, imm. 1 imaluunniit § 6, imm. 1 malillugit kingullermik qaammamiîiusiai tunngavigalugit.
Imm. 2. Ilaasortaajunnaarnersiat naatsorsorneqartassapput ukiut inuup pineqartup ilaasortaaffigisimasaasa ilivitsunngorsiinaneri tainaasa qaamnnatip aappaata affaani aningaasarsiassatut annertussusilerlugit.
Imm. 3. Naalakkersuisunut ilaasortatut tunuartoq ilaasortaajunnaarnersiaqartinneqassaaq piffissaq Naalakkersuisunut ilaasortaaffigisimasaa tunngavigalugu.
Imm. 4. Inatsisartunut ilaasortatut tunuartoq ilaasortaajunnaarnersiaqartinneqassaaq Inatsisartunut Landsrådiraullu ilaasortaaffigisimasaasa sivisussusii tunngavigalugit.
Imm. 5. Ilaasortaajunnaarnersiutit sivikinnerpaamik qaammatinut pingasunut sivisunerpaainillu qaaminatinut aqqaneq-marlunnut tunniunneqartassapput, qaammammoortumillu siumoortumik tunniunneqartassallutik.
Imm. 6. Ilaasortaajunnaarnersiaqartitsisoqareersillugu ilaasortaaffigisimasami tassani qanoq sivisutigisumik ilaasortaasimaneq tunngavigalugu ilaasortaajunnaarnersiaqartitsinermik naatsorsuinerini tunngaviusoq sivikillineqassaaq. Ilaasortaajunnaarnersiat tamakkiisumik tunniunneqareersimappata qanoq sivisutigisumik ilaasortaasimaneq tunngavigalugu ilaasortaajunnaarnersiaqartitsinermik naatsorsuinermi tunngaviusoq atorunnaarsinneqassaaq.
Imm. 7. Inatsisartut siulittaasuat ilaasortaajunnaarnersiaqartinneqassaaq malittarisassat Naalakkersuisunut ilaasortanut atortuusut malillugit. Ataatsikkut ilaasortaajunnaarnersiaqartitsisoqarsinnaanngilaq Inatsisartunullu siulittaasuunermut aammalu Naalakkersuisunut ilaasortaanermut aningaasarsiaqartitsisoqarsinnaanani, aammalu atorfittut suliffigisanut taakkununnga marlunnut ataasiinnarmik ilaasortaajunnaarnersiaqartitsisoqarsinnaavoq. Qanoq sivisutigisumik ilaasortaasimaneq tunngavigalugu ilaasortaajunnaarnersiaqartitsinissaq naatsorsorneqassaaq atortuuffigisani pineqartuni katillugit ukiuni qassini sulisimaneq tunngavigalugu.

§ 11. Inatsisartunut siulittaasup, Naalakkersuisunut siulittaasup, Naalakkersuisunut ilaasortap imaluunniit Inatsisartunut ilaasortap taamatut qinigaasimatilluni toqusup iinaluunniit toqunerirti nalaani ilaasortaa junnaarnersiaqartup aapparisaa, avissimanngikkunik, piffissap ilaasortaajunnaarnersiaqarfiusup sinnerani, taamaattorli aapparisami toquneraniit qaammatini pingasuni, ilaasortaajunnaarnersiutisiaqartussaatitaavoq.
Imm. 2. Ilaasortaajunnaarnersiaqarsinnaatitaasoq aapparisaminik qimataqanngippat, imaluunniit aappaasoq qimataasoq taanna qaainmatit pingasut ilaasortaajunnaarnersiaqartitaaffigisassani qaangiutinngitsut toquppat, qitornaat 18-it inorlugit ukiullit ilaasortaajunnaarnersiutinik pisinnaanngortinneqassapput, tamatumani patsisissaatillugu ilaasortaajunnaarnersiaqarsinnaatitaasup taakku angajoqqaatut oqartussaassuseqarfigigai.

 

Kapitali 4
Inatsisartunut ilaasortaanngitsut aalajangiisinnaallutik ataatsimiititaliani, siunnersuisoqatigiinni, ataatsimiititaliani, siulersuisuni assigisaannilu peqataanerat.

§ 12. Inatsisartunut ilaasortaanngitsut ataatsimiititalianut sinniisoqarfinnullu il.il. Inatsisartunit pilersinneqarsimasunut ilaasortatut Inatsisartunit toqqarneqarsimasut ullormut aningaasarsiaqartinneqassapput aningaasarsiat § 1, imm. 1-imi taaneqartut 1/365-erarterutaasa amerlaqataannik. Aammattaaq najugarisap avataani ataatsimiinnermut peqataanermut ullormusiaqartitsisoqassaaq malittarisassat tjenestemandinut atuuttut inalillugit.
Imm. 2. Inatsisartunut ilaasortaanngitsut Namminersornerullutik Oqartussat sinnerlugit sinniisuutitaalersut ullormut aningaasarsiaqartinneqassapput aningaasarsiat § 1, imm. 1-imi taaneqartut 1/365-erarterutaannik.
Imm. 3. Inatsisartunut ilaasortaanngitsut ataatsimiititalianut sinniisoqarfinnullu Inatsisartunit imaluunniit Naalakkersuisunit pilersinneqarsimasunut immikkut annertuumik suliassaqarfiusunut siulittaasutut toqqarneqarsimasut Naalakkersuisut aningaasarsiaqartissinnaavaat tamanna aningaasaqarnermut ataatsimiititaliap akuersissutigippagu. Aningaasarsiat taakku ukiumut
ataatsimut aalajangerneqartassapput aningaasanut inatsisip akuersissutigineqarneranut atasumik, taakkulu tunniunneqartassapput qaammamiiioortumik siumoortumik. Aningaasarsiat taakku tunniunneqartarunnaassapput qaammatip siulittaasuujunnaarfiup naaneranit imaluunniit Naalakkersuisut aalajangiippata atorunnaassasut.

 

Kapitali 5.
Soraarnerussutisiat.

§ 13. Landsrådimut, Naalakkersuisunut Inatsisartunullu ilaasortaasimasut kiisalu taakkua aappaat soraarnerussutisiaqartinneqassapput Inatsisartut inatsisaanni uani aalajangersakkat malillugit.

§ 14. Soraarnerussutisiaqarsirmaatitaanissanmt patsisissaatitaavoq inuup pineqartup Naalakkersuisunut ilaasortaasimanissaa toqqagaaffimmi ataatsimi arlalinniluunniit sivikinnerpaamik katillugit ukiumik ataatsimik sivisussuseqartumik imaluunniit Inatsisartunut ilaasortaasimanissaa qinigaaffimmi ataatsimi arlalinniluunniit sivikinnerpaamik katillugit ukiumik ataatsimik sivisussuseqartumik.
Imm. 2. Soraarnerussutisiaqartoqartassaaq qaammatip toqqakkatut qinikkatulluunniit aningaasarsiaqarfiup ilaasortaajunnaarnersiaqarfiulluunniit naaneraniit, aatsaalli inuk pineqartoq piffissap tamatuma nalaani 60-inik ukioqalersimappat, taamaassimanngippallu 60-inik ukioqalernerata kingorna qaammatip siulliup aallartinneraniit.
Imm. 3. Ilaasortaasimasoq toqqagaaffimmut qinigaaffimmulluunniit soraarnerussutisiaqarfimminut uteqqissimaguni piffissami aningaasarsiaqarf iininini ilaasortaajunnaarnersiaqarfimminiluunniit soraarnerussutisiaqassanngilaq.

§ 15. Soraarnerussutisiaqartoqartassaaq aningaasarsiat soraarnerussutisiaqaataasinnaasut kingullermik tunniunneqarsimasut tunngavigalugit; soraarnerussutisiat iluarsiissuteqartinneqartassapput malittarisassat tjenestemandinut atuuttut malillugit.

§ 16. Inatsisartunut ilaasortaasimasut namminneq soraarnerussutisiaat ukiut ilaasortaaffigisimasat aallartinneri tamaasa naatsorsuutigalugit annertussuseqassapput tjenestemanditut atorfimmit akissaateqarfimini 31-mi skalatrin 44-miittumit soraarninngornermi soraarnerussutisiarineqarsinnaasut qaffasinnerpaaffiisa 1/20-iinik. Soraarnerussutisiat qaffasinnerpaassapput ukiuni 20-ni ilaasortaasimagaanni.

§ 17. Inatsisartunut siulittaasuusimasup, Naalakkersuisunut siulittaasuusimasup Naalakkersuisunullu ilaasortaasimasut namminneq soraarnerussutisiaat ukiut toqqakkatut suliffigisimasat aallartinneri tamaasa naatsorsuutigalugit annertussuseqassapput tjenestemanditut atorfimmit akissaateqarfimmi 39-ini skalatrin 52-imiit-tumit soraarninngornermi soraarnerussutisiarineqarsinnaasut qaffasinnerpaaffiisa 1/20-iinik. Soraarnerussutisiat qaffasinnerpaassapput ukiuni 20-ni toqqakkatut sulisimagaanni.

§ 18. Inuk Inatsisartunut kiisalu Naalakkersuisunut ilaasortaasimasutut soraarnerussutisiaqarsinnaatitaasoq annerpaamik soraarnerussutisiaqarsinnaatitaavoq § 18-imi aalajangersakkat malillugit.
Imm. 2. Inuk Inatsisartut inatsisaat manna naapertorlugu soraarnerussutisialik soraarnerussutisiaini saniatigut pisortanit akissarsiaqarsinnaatitaaguni soraarnerussutisiaqarsinnaatitaaguniluunniit Inatsisartut inatsisaat manna naapertorlugu soraarnerussutisiaminik ikileriffigineqassaaq akissarsiai soraarnerussutisiaalu katillugit annertussuseqarsinnaanngorlugit Inatsisartut inatsisaat manna naapertorlugu qinikkatut sulisimanini tunngavigalugu ukiut soraarnerussutisiaqarfigisinnaasaasa qaffasinnerpaaffianni soraarnerussutisiarisinnaasaasut.

§ 19. Aappamut qitornanullu soraarnerussutisiarititat malittarisassat tjenestemandinut atuuttut malillugit tunniunneqartassapput.

 

Kapitali 6.
Aningaasartuutinik atsiuineq.

§ 20. Aningaasartuutinik §§3, 7 aamma 8-mi eqqartorneqartunik atsiuisarneq isumannaarisarnerlu pillugit Naalakkersuisut erseqqinnerusunik aalajangersagaliussapput.

 

Kapitali 7.
Atortuulersitsineq il.il.

§ 21. Inatsit una atortuulissaaq januaarip aallaqqaataani 1994-imi.
Imm. 2. Ulloq taanna atortuujunnaassapput Kalaallit Nunaanni Naalakkersuisunut, Inatsisartunut il.il. ilaasortat aningaasarsiaqartitaanerat il.il. pillugit Inatsisartut inatsisaat nr. 1, 27. februar 1986-imeersoq aamma Kalaallit Nunaanni Naalakkersuisunut, Landsrådimut, Inatsisartunut il.il. ilaasortaasimasut soraarnerussutisiaqartinneqarnerat pillugu Inatsisartut inatsisaat nr. 4, 9. juni 1986-imeersoq.
Imm. 3. Taamaattorli Kalaallit Nunaata Landsrådianut aamina Kalaallit Nunaata Landstingianut sivisuumik ilaasortaasimasunut soraarnerussutisiaqartitsinerinik iluarsartuussinissaq pillugu Landstingip inatsisaa nr. 3, 16. maj 1979-imeersoq ("Ataqqinaammik tunissutisisitsisarneq pillugu inatsit") aamma Landsstyremut il.il. ilaasortaareersimasut soraarnerussutisiaqalernissaannik landstingip inatsisaa nr. 7 14. juli 1982-imeersoq malillugit aningaasanik maannaînut tunniussisarneq kiisalu pisinnaatitaaffiit atuuttut ingerlaannassapput maannamutut annertussuseqarlutik aammalu malittarisassat maannamut atuuttut malillugit, aatsaallu taamaatinneqassallutik aalajangersakkat pineqartut naapertorlugit pisinnaatitaaffiit atorunnaarpata.
Imm. 4. Malittarisassaq § 14-imiittoq taamaallaat atorneqassaaq aalajangiisinnaallutik ataatsimiititalianut, siunnersuisoqatigiinnut siulersuisunullu il.il. ilaasortanut 1993-imi januaarip aallaqqaataata kingornagut qinigaasunut toqqagaasunulluunniit.

Namminersornerullutik Oqartussat, ulloq 28. oktober 1993

Lars Emil Johansen

/

Kaj Kleist