Savaateqarneq pillugu Inatsisartut inatsisaata allangortinneqarneranut Inatsisartut inatsisaat nr. 8, 13. maj 1993-imeersoq.

 

§ 1.

Savaateqarneq pillugu Inatsisartut inatsisaanni nr. 1-imi 21. april 1988-imeersumi imatut allanngortitsisoqassaaq:

1. § 3, imm. 3 imatut oqaasertalerneqassaaq:
"Imm. 3. Savaateqarnermut siunnersuisoqarfik Namminersornerullutik Oqartussanut atasoq kommunimi nakkutilliisuutitanut allattoqarfiuvoq."

2. § 5 imatut oqaasertalerneqassaaq:
"§ 5. Savaatillit Peqatigiit Suleqatigiissut inassuteqarnerisigut Landbrugsministerieqarfiullu akuersissuteqarneratigut, nersutit peqqissusiannut tunngassuteqartunut tunngatillugu, Naalakkersuisut savanik uumasunik angutikuluullu anisuuinik eqqussinissamut akuersissuteqarsinnaapput."

3. § 6 atorunnaarsinneqassaaq.

4. § 7 imatut oqaasertalerneqassaaq:
"§ 7. Savat hestillu paarinerlunneqarnissaat pinngitsoortinniarlugu, savaatilinngorlaanut piginnaassutsinik piumasarisaasunut, savat naasoqassutsillu akornanni pissutsinut, nunaminertanik naggorissaanernut, inaatinut, oqqittarfinnut aamma nerukkaasarfinnut Naalakkersuisut erseqqinnerusunik maleruagassanik aalajangersaassapput."

5. § 9 atorunnaarsinneqassaaq.

6. § 10 imatut oqaasertaqartinneqassaaq:
"§ 10. Savaateqarnermik inuussutissarsiuteqartunut taakkununngalu atatillugu suliffeqarfinnut tapiissuteqartarnermut Naalakkersuisut erseqqinnerusunik maleruagassanik aalajangersaassapput.
Imm. 2. Imm. 1 malillugu tapiissuteqartoqarnissaanik neriorsuuteqartoqassaaq aningaasanut inatsimmi aningaasanut killissarititaasutut aalangersakkat iluanni.
Imm. 3. Imm. 1 malillugu tapiissutinik agguaassisarnermut maleruagassat atugassarititaasullu Naalakkersuisut aalajangersassavaat."

7. § 10-p kingornatigut ilanngunneqassaaq § 10a -tut:
"§ 10 a. Kommunit savaatilinnut suliffeqarfinnullu taakkununnga attuumassuteqartunut
tapiissuteqarsinnaapput.
Imm. 2. Taamaallaat tapiissuteqartoqarsinnaavoq Naalakkersuisut akuersissuteqarnerisigut."

 

§ 2.

Inatsisartut inatsisaat 1. juni 1993-imiit atuutilissaaq.

Namminersornerullutik Oqartussat, ulloq 13. maj 1993

Lars Emil Johansen

/

Emil Abelsen