25. september 1993

EM 1993/34

 

Misissueqqaarnerit pillugit Inatsisartut peqqussutissaattut siunnersuut.
Pisortat Suliassaqarfiutaannut Angallannermullu naalakkersuisoq)

 

Saqqummiussissut

Siullermeerneqarnera

Naalakkersuisut sinnerlugit matumuuna Misissueqqaarnerit pillugit Inatsisartut peqqussutissaattut siunnersuut saqqummiutissavara.

Grønlands Tekniske Organisationi pillugu Inatsisartut peqqussutaanni nr. 8-mi decemberip 19-anni 1986-imeersumi suliassat Misissueqqaarnernit nanginneqartut eqqartorneqarput. Taamaattorli suliassat peqqussummi taaheqartut Misissueqqaarnerit ullumikkut pisussaaffiinut suliassaanullu naleqqiullugit tamakiisuunngimmata Inatsisartut peqqussutissaat manna suliarineqarpoq.

peqqussummi Misissueqqaarnerit ingerlatsivittut suussusilerneqarput aammalu sulinermini suut killigissanerai aalajangersarneqarlutik. Tamatuma saniatigut ingerlatsiviup suliassai aammalu avatangiisini pinngortitamiittuni - tassa pinngortitami uumassuseqanngitsumi, sanaartorfinni aammalu pinngortitami tamatumani inuit piliaanni allani - ingerlatsivimmut sUliassiissutigineqartarsinnaasut allaaserineqarput. Kiisalu ingerlatsivimmut piumasaqaatit nalunaarneqarput taamaaliornikkut sulianut tunngatillugu paasissutissat aammalu pinngortitami avatangiisit pillugit paasissutissat allat sUliareqqinneqarsinnaaqqullugit atoqqinneqarsinaaqqullugillu.

Taama oqaaseqarlunga peqqussutissatut siunnersuut Inatsisartunit ilassilluarneqarluni suliarineqarnissaanut ingerlateqqippar, inassutigissallugulu siunnersuut inatsisartuni aappaassaaneerneqartinnani Teknikkimut tunngasut pillugit Ataatsimiititaliamit suliarineqaqqaarnissaa.