MISISSUEQQAARNERIT pillugit Inatsisartut peqqussutaannut oqaaseqaatit

 

Nalinginnaasumik oqaaseqaatit .

Inatsisartut peqqussutaatigut aalajangersarneqarput suliffeqarfiup Misissueqqaarnerit suliassalersugaanermigut Ulisinneqartarnermigullu killissai. peqqussut pilersinneqarpoq innaallagiaq, imeq kiallu, qatserisartoqarneq, umiarsualiviit, aqqusernit, nalunaarasuaatitigut atassuteqarneq il. il. pillugit Kalaallit Nunaannut inatsimmi nr. 943-mi decemberip 23-anni 1986-imeersumi § 11, imm. 2 naapertorlugu. § 11, imm. 2 imaappoq:

"Namminersornerullutik Oqartussat aalajangersinnaavaat ingerlassineq suliassaqarfinni Namminersornerullutik Oqartussanit tiguneqartuni inatsisip atortuulersinneqarneratigut Grønlands Tekniske organisation-imit ingerlanneqartoq allanit tamakkiisumik ilaannakortumilluunniit ingerlanneqassasoq."

Peqqussutikkut taarserneqarput Grønlands Tekniske Organisationi pillugu Inatsisartut peqqussutaanni nr. 8-mi decemberip 19-anni 1986-imeersumi § 2, imm. 1-imi nr. 6 aamma nr. 8. § 2, imm. 1, nr. 6 aamma nr. 8 imaapput:

"GTO ingerlatsiviusoq Namminersornerullutik Oqartussat sinnerlugit makkuninnga suliassaqartoq:
6) Kalaallit Nunaanni illunik nalunaarsuineq.
8) Illuliortiterfissanik sanaartorfissanillu misissueqqaartarneq, tassunga ilanngullugit imermik nukiliorfiit kiisalu Kalaallit Nunaanni illoqarfiit nunaqarfiillu nunap assiliorneri."

Suliassat taaneqartut Misissueqqaarnernit ingerlateqqinneqarput, kisiannili ullumikkut suliassat tamakku avataaniittunik Misissueqqaarnerit aamma Uliaqartinneqartarlutik. Tamanna Inatsisartut peqqussutaata matuma Uliarineqarneranut pissutaavoq.

Inatsisartut peqqussutaata pilersinneqarnera aningaasatigut allanngortitsissanngilaq aammalu Misissueqqaarnerni pissutsinik allanngortitsissanani, kisiannili ta. matuma kingunerissavaa ullumikkut Misissueqqaarnerit sullissisarnerminni killigisaasa aalajangersarneqarnerat erseqqissunngortinneqarnerallu.

§ l-imi aalajangersarneqarput suliffeqarfimmut suliassiissutigineqartut killingi.

§ 2-mi aalajangersarneqarput suliffeqarfiup aaqqissuugaanera aqunneqarneralu.

§ 3-mi aalajangersarneqarput suliffeqarfiup suliassai isertitaqarfiusinnaasut.

§ 4-mi atuutilerfissaq aalajangerneqarpoq.

 

 

§ 1 pillugu.

Peqqussummi allaaserineqarput Misissueqqaarnernut suliassiissutigineqartut killingi. Suliassani pineqarput pinngortitami avatangiisinut tunngasut, taakkulu suussusilerneqarlutik Kalaallit Nunaanni pinngortitami uumassuseqanngitsutut kiisalu pinngortitami tassani sanaartukkatut aammalu allatigut inuit piliaattut. Pinngortitami uumassuseqanngitsunut ilaatinneqarput nunap nunartaa, qaqqai, aputitaa, sermitai, tasii, kuui, kangerlui imartaalu kiisalu silaannaa aammalu silap pissusia.

Pinngortitami sanaartukkatut allatigullu inuit piliaattut taaneqarput illut aamma sanaartukkat, nappartitikkat atortorissaarusersuiffiillu nunap qaaniittut ataaniittullu. Taama suussusiliinermi aammattaaq pineqarput nunaminertat, assaalluni nunamik nalimmassaaffiit, qaartiteriviit, itersaliat itersartanillu immiiffiit

palleqquneqanngitsut aammalu ataavartussatut eqqaavissuit suliffissuarniillu mingutsitanik eqqagaasiviit. Suliassat kinguneraat Misissueqqaarnerit pinngortitami avatangiisinik assiliortuunerat, misissuinernik suliassaqartitsisuunerat, ilisimasassatigut paasissutissiortuunerat aammalu pinngortitami avatangiisit pillugit siunnersuisuunerat. Suliassat naammassineqarneranni paasissutissat makkununnga tunngasut pissarsiarineqartartussaapput: nunap assiliorneranut, nunap qanoq issusianut isikkuanullu, nunap sanaartorfigineqarnissaminut piukkunnassusianut, nunap qaavata atsippallaanngitsullu imeqassusianut, silap pissusiinik ilisimatusarnermut kiisalu imeqassutsimut, erngup qanoq ittuuneranik, sumit pisarneranik sumullu ingerlasarneranik ilisimatusarnermut - tamakku nalinginnaasumik misissueqqaarnerni ilisimalikkatut taaneqartarput. Ilisimalikkat tamakkununnga tunngasut tunngavigalugit nunaminertanik atuinissani, pisuussutit pinngortitamit pisut iluaqutigineqarnissaanni, atortussiassat aatsitassanit pisut iluarsartuusivigineqarnerini il. il. periarfissat atugarisassallu paasisimasaqarfigineqalertarput.

§ 2 pillugu.

Oqaatigineqarpoq Misissueqqaarnerit Namminersornerullutik Oqartussat suliffeqarfiutigigaat imminut ingerlattutut aaqqissuussaq.

Taama aaqqissuussinikkut Naalakkersuisut periarfissinneqarput Misissueqqaarnerit angusaannik Inatsisartut peqqussutaani matumani aalajangersakkanut sanilliussisarnissaminnut aammalu suliffeqarfimmut siunertaritinneqartut killigitinneqartullu isummerfigisarnissaannut.

§ 3 pillugu.

Matumani allaatigineqarput Misissueqqaarnerit niuertutut suliassaasa killingi imaluunniit oqaatigineqartutut sUliassiissuteqarnikkut suliassai. Suliassiissuteqarnikkut suliassat aammalu suliassarititat tunngavimmikkut assigiinnik tunaartaqarput Misissueqqaarnernit pinngitsooratik sUliarineqartussanik. Suliassat taakku marluk assigiinngissutaat tassaapput sUliassiissuteqarnikkut suliassat aalajangersimasunik siunertaqartarmata pilersitsiniarfiusarlutillu - suliassarititallu tassaallutik tunngaviusumik nalinginnaasumillu suliassat.

Suliassat taakku marluk imminnut attuumassutaat tassaavoq suliassarititatigut suliassiissuteqarnikkut suliassat tunngavissaasa aaqqissuunneqarnissaat pilersinneqartarmata. Tamatumunnga ilannguttariaqarpoq suliassat taakku marluk sUliarineqarneranni misissueqqaarnerni paasissutissanik imminnut ikorfartoqatigiinnik, paasissutissaasivimmut ataatsimut ikiorarneqartartunik aammalu ataatsikkut atoqqinneqartartunik pilersitsiortortoqartarnera.

Suliassarititat aammalu sUliassiissuteqarnikut suliassat ataqatigiinnerisa kinguneraat suliassat taakku assigiinngitsut marluk ataatsikkoortillugit naammassineqarsinnaasarnerat, pissutigalugu suliassanik assigiinngitsunik suliallit taakkuusut, iIisimasat taakkuusut aammalu atortussat sakkullu taakkuusut suliassat naammassiniarneqarneranni iluaqutigineqartarmata. Taamaattumik suliassat tamaasa ataatsikkoortillugit naammassineqartarnerisigut ilisimasatigut aningaasatigullu sulisunik, atortunik, atortorissaarutinillu iluaquteqartarneq pitsanngoriaateqassaaq.

§ 4 pillugu.

Peqqussutip atuutilerfissaa aalajangerneqarpoq aammalu tamatumunnga peqatigitillugu GTO pillugu Inatsisartut peqqussutaanni Misissueqqaarnerit pillugit siusinnerusukkut aalajangersakkat atorunnaarsinneqarlutik.