Inissiaatileqatigiiffimmik pilersitsinissaq pillugu Inatsisartut peqqussutaat nr. 12, 28. oktober 1993-imeersoq.
Kalaallit Nunaanni inissaqartitsineq, ineqarnermut tapersiissuteqartarneq inissianillu attartortitsineq il. il. pillugit inatsit nr. 944, 23. december 1986-imeerjoq naapertorlugu makku aalajangersarneqarput:
Kapitali 1.
Ingerlatseqatigiiffimmik pilersitsineq.§ 1. Naalakkersuisut 1. januar 1994-imi atuutilersussaq aktiaateqarluni ingerlatseqatigiiffik, A/S Inisîiaatileqatigiiffik INI, pilersissavaat.
Imm. 2. Inissiaatileqatigiiffiup inissianik aqutsilermi suliassat il.il. maannamut Namminersornerullutik Oqartussat Ineqarnermut immikkoortortaqarfianit kiisalu isumaqatigiissut 16. september 1975-imeersoq tunngavijalugu kommuninit suliarineqartartut suliassarilissavai ingerlateqqitassarilissallugillu.
Kapitali 2.
A/S Inissiaatileqatigiiffik INI.§ 2. Illuutinik aqutsineq taakkununngalu tunngasunut kiffartuussineq inissiaatileqatigiiffiup ingerlassassaattut siunertarineqarpoq.
Imm. 2. Inissiaatileqatigiiffiup makku suliassarai:
1) Namminersornerullutik Oqartussat inissiaataasa aqunneqarnerat ingerlanneqarnerallu,
2) ukiumoortumik aningaasanut inatsimmi aningaasaliissutigineqarsimasut atorlugit nutaanik inissialiornermi inissianillu iluarsaassinerni Namminersornerullutik Oqartussat sinnerlugit sanatitsisutut oqartusaaneq,
3) inissialiornermut tapersiissuteqartarneq pillugu Inatsisartut peqqussutaat naapertorlugu boligstøttimik aqutsineq,
4) kommunit isumaqatigiissuteqarfiginerisigut inissianik kommuninit pigineqartunik aqutsineq,
5) namminerisaminnik illuutillit isumaqatigiissuteqarfiginerisigut illunik inissianillu inunnit nammineq pigineqartunik, matuma ataani aamma piginneqatigiilluni inissiat pineqarlutik, aqutsineq,
6) piginnittumik kimilluunniit isumaqatigiissuteqarnikkut illuutimik sumilluunniit aqutsineq ingerlatsinerlu,
7) ineqarneq il.il. pillugit misilittakkanik ilisimalikkanillu katersineq ineriartortitsinerlu,
8) suliassat allat imm. 1-imi siunertarineqartumut tunngassuteqartut.
Imm. 3. Inissiaatileqatigiiffik ingerlanneqassaaq niuernermi atugassarititaasut tunngavigalugit kiisalu Naalakkersuisunit maleruagassiarineqartut naapertorlugit.
Imm. 4. Imm. 1-imi suliassatut taagorneqartut suliariniarnerini Inissiaatileqatigiiffiup Namminersornerullutik Oqartussat, kommunit allallu ingerlatsinissamut pisariaqartunik isumaqatigiissuteqarfigissavai.§ 3. Inissiaatileqatigiiffimmi aktiatigut piginneqataassutit pilersitsinermi 25 mio. kr.-iusut Namminersornerullutik Oqartussanit pigineqarput.
Kapitali 3.
Ingerlatseqatigiiffimmut atugassarititaasut allat.§ 4. Inissiaatileqatigiiffik aktiaateqarluni ingerlatseqatigiiffiit pillugit inatsimmut kiisalu aktiaateqarluni ingerlatseqatigiiffiit pillugit inatsisinut allanut Kalaallit Nunaanni atulersinneqarsimasunut atavoq. Peqqussummi matumani aalajangersagaasut tamatuminnga allannguuteqartitsissanngillat.
§ 5. Naalakkersuisut piginnaatinneqarput pigisat maannamut ineqarnermik aqutsinermut ataatsimoortumillu allaffeqarfinnut atasut soorlu illuutit, pequtit, ineqarnermut akiliutinut akiitsut nalingat pigisallu allat nalingi aallarniutitut aningaasaliissutigissallugit.
§ 6. Pigisat aallarniutitut atorneqartut pillugit pisussaaffiit Inissiaatileqatigiiffiup pisussaaffigilissavai.
§ 7. Inissiaatileqatigiiffiup malittarisassai taakkununngalu allannguutissat Naalakkersuisunit akuerineqartassapput.
§ 8. Naalakkersuisut aalajangersaavigisinnaavaat inissiaatileqatigiiffiup taarsigassarsisarnissaa, qularnaveeqqusiisarnissaa kiisalu paasissutissanik Namminersornerullutik Oqartussanut tunniussisarnissaa.
Kapitali 4.
Sulisut.§ 9. Namminersornerullutik Oqartussat Ineqarnermut immikkoortortaqarfiani tjenestemanditut atorfeqartut Namminersornerullutik Oqartussat erseqqinnerusumik unnersuussutaat malillugu atorfeqarnertik inissiaatileqatigiiffimmi ingerlateqqiinnarallarsinnaavaat inissiaatileqatigiiffimmi atorfeqalivissanngikkunik.
Imm. 2. Tjenestemandit imm. 1 naapertorlugu Namminersornerullutik Oqartussat ataani tjenestemanditut ingerlaannartut soraavinnissaminnut utaqqinermi aningaasarsianik, piareersimanermi aningaasarsianik soraarnerussutisianilluunniit pisassaqartitaassanngillat Inissiaatileqatigiiffimmi sulinertik pissutigalugu.
Imm. 3. Imm. 1 naapertorlugu aningaasarsiaritinneqartut il.il. Inissiaatileqatigiiffiup Namminersornerullutik Oqartussanut taarsertassavai.
Imm. 4. Tjenestemandit imm. 1 naapertorlugu Inissiaatileqatigiiffimmut atukkiunneqartussat pillugit soraarnerussutisiaritinneqartussat Namminersornerullutik Oqartussat aningaasartuutigissavaat. Piffissami atorfillip Inissiaatileqatigiiffimmi sulilluni soraarnerussutissanut katersinerani Inissiaatîleqatigiiffiup Namminersornerullutik Oqartussanut soraarnerussutisiariligassaanik akiliuteqartassaaq.§ 10. Sulisut allat eqqarsaatigalugit Inissiaatileqatigiiffiup pisinnaatitaaffigilerlugillu pisussaaffigilissavai peqqussutip atuutilernerani ataatsimoortumik isumaqatigiissutit malillugit imaluunniit aningaasarsiat sulinermîlu atugassarititaasut pillugit aalajangersagaasut Naalakkersuisunit aalajangersagaasimasut akuersaarneqarsímasulluunniit malillugit atuuttuusut aammalu inunnut ataasiakkaanut aningaasarsiassatut sulinermilu atugassarisatut isumaqatigiissutit.
§ 11. Tjenestemandit sulisullu allat kommunini ineqarnermik aqutsinermik sulîaqartuusut pillugit Inissiaatileqatigiíffiup kommunit atorfeqarfigisaat isumaqatigiissuteqarfiginiarsarissavai aalaj angersaaviginiarlugu tjenestemandit sulisullu allat kommunini atorfeqartut kikkut Inissiaatileqatigiiffimmut nuunneqassanersut.
Imm. 2. Imm. 1 naapertorlugu kommunini tjenestemandit sulisullu allat Inissiaatileqatigiiffimmut nuunneqartussanut §§ 9-imi 10-imilu aalajangersagaasut aamma atuupput.
Kapitali 5.
Atuutilerfissaa.§ 12. Inatsisartut peqqussutaat manna atulissaaq 1. november 1993.
Imm. 2. Tamanna peqatigalugu Namminersornerullutik Oqartussat inissiaataat attartortittakkat pillugit Inatsisartut peqqussutaat nr. 11, 22. december 1986-imeersoq atorunnaassaaq.
Imm. 3. Allaffissornikkut aalajangersakkat Inatsisartut peqqussutaat imm. 2-mi taaneqartoq naapertorlugu suliarineqarsimasut atuutinnaassapput Inatsisartut peqqussutaat manna naapertorlugu aalajangersakkatigut allanngortinneqarnissamik atorunnaarsinneqarnissamilluunniit tungaannut.
Namminersornerullutik Oqartussat, ulloq 28. oktober 1993.
Lars Emil Johansen/
Emil Abelsen