Napparsimasunik paarsisutut peqqinnissamullu ikiortitut ilinniartitaanerit pillugit Inatsisartut peqqussutaat nr. 9, 13. maj 1993-imeersoq.
Kalaallit Nunaanni inuutissarsiutitigut ilinniartitaanerit pillugit inatsimmi 582-imi, 29. november 1978-imeersumi, § 1 naapertorlugu aalajangersarneqarpoq:
§ 1. Napparsimasunik paarsisutut ilinniarnikkut napparsimasunik paarsisutut sulisinnaatitaanermut akuersissuteqalernissaq anguneqassaaq.
Ima. 2. Napparsimasunik paarsisutut ilinniartitaaneq napparsimasunik paarsisut atuarfiannit isumagineqassaaq.§ 2. Napparsimasunik paarsisutut ilinniartunngussagaanni angusaqarluni gymnasiatut ittumi ilinniarsimanissaq piumasaqaataavoq.
Imm. 2. Qinnuteqartut allat allatut atuagarsornikkut tamatumunnga attuumassuteqartumik ilinniagaqarsimasut qinnuteqarsinnaatitaapput.§ 3. Ilinniarneq ukiunik sisamanik sivisussuseqarpoq marlunnillu immikkoortortaqarluni.
Imm. 2. Immikkoortua siulleq angusiffigalugu naammassigaanni peqqinnissamut ikiortitut ilinniarsimanermut uppernarsaammik tunniunneqarsinnaavoq.
Imm. 3. Ilinniarnerup immikkoortuata aappaa angusiffigalugu naammassigaanni napparsimasunik paarsisutut ilinniarsimanermut uppernarsaat misilitsinnermi angusat nalunaarlugit qanorlu qaffasitsiginerannut naliliineq napparsimasunik paarsisut atuarfiata tunniutissavai.§ 4. Ilinniarnerup immikkoortuata siulliup angusaqarluni naammassereerneragut ilinniarnerup ukiut pingasut tikillugit unitsikkallarneqarnissaa akuerineqarsinnaavoq.
§ 5. Ilinniartitaaneq, akiliuteqarani ingerlanneqartartoq, kimulluunniit §§ 2 aamma 6 naapertorlugit ilinniartunngornissamut piumasaqaatinik naammassinnissimasumut ammavoq.
§ 6. Ilinniartitaanerup annertussusilersorneqarneranut, aaqqissuunneqarneranut, sivisussusianut, anguniagassartaanut, atuagarsornikkut sulinikkullu imaanut, naliliinermut misilitsinnernullu kiisalu ilinniartunngorsinnaatitaanermut malittarisassat Naalakkersuisunit aalajangersarneqassapput.
§ 7. Peqqinnissamut ikiortit napparsimasunik paarsisussatut ilinniaqqinnissaanni malittarisassat Naalakkersuisunit aalajangersarneqassapput.
§ 8. Peqqinnissamut ilinniartitaanermullu ilisimasalinnik inuttalimmik ilinniartitaanermut siunnersuisoqatigiinnik Naalakkersuisut pilersitsissapput.
Imm. 2. Siunnersuisoqatigiit katitigaanerat, piginnaatitaaffii suliassaallu pillugit malittarisassanik Naalakersuisut aalajangersaassapput.§ 9. Inatsisartut peqqussutaat 1. juli 1993 atuutilissaaq.
Namminersornerullutik Oqartussat, 13. maj 1993.
Lars Emil Johansen/
Marianne Jensen