Avatangiisit innarlitsaaliorneqarnissaannik Inatsisartut peqqussutaata allanngortinneqarneranik Inatsisartut peqqussutaat nr. 7, 13. maj 1993-imeersoq.

 

§ 1.

Avatangiisit innarlitsaaliorneqarnissaannik Inatsisartut peqqussutaanni nr. 12-imi 22. december 1988-imeersumi makku allannguutigitinneqassapput:

 

1. § 3-mi una imm. 2-tut ilanngunneqassaaq:
"Imm.2. Imm. 1-imili pissutsinut taaneqartunut atatilugu avatangiisit innarlitsaaliorneqarnissaat pillugu malittarisassanik kiisalu pissutsit avatangiisinut sunniuteqartartut aaqqiivigineqartarnerinut nakkutigineqarnerinullu aalajangersaaneq peqqussut manna tunngavigalugu pisassaaq, pissutsit taamaattut pillugit imm. 1-imi inatsisiliorneq taaneqartoq tunngavigalugu aalajangersaaneq il.il. pinngikkaangat.

2. § 7, imm. 1, nr. 2) imatut oqaasertalerneqassaaq:
"2) imiinnarmit taratsumillu imissaqartitsiniarneq il.il. kiisalu imeqarfiit isumannaallisaavigineqarnissaat,"

3. § 1, imm. 1, nr. 9)-imi "imeqarfinnik" kingorna "taratsumik imiliorfinnik" ilanngunneqassaaq.

4. § 7, imm. 1-imi nr. 13)-ip kingorna uku ilanngunneqassapput:
"14) uumasut ajoqutaannaasut,
15) immiaaqqanik imeruersaatinillu kulsyremik akulinnik utertitassaanngitsunik utertinne qarsinnaasunillu puulinnik tuniniaaneq sas saallertarnerlu, matumani pooritinneqartut aalajangersimasut inerteqqutigineqarnissaat imaluunniit atornissaannut pisussaaffeqartit sinissaq ilanngullugu."

5. § 7-imi una imm. 2-tut ilanngunneqassaaq:
"Imm. 2. § 1, imm. 1-imi 2-milu aalajangersakkat im-mikkut eqqarsaatigalugit, tassalu inuit peqqissutsikkut inuuniarnerminnilu atugaat eqqarsaatigalugit Naalakkersuisut malittarisassaliorsinnaapput, matumani makkununnga aningaasartuutit akilerneqartarneri ilanngullugit:
1) erngup imigassatut inuussutissanillu tunisassiornermi atorneqartartup pitsaassusia nakkutigineqarneralu,
2) imermik pilersuif f iliornermi imermik imigassanngorlugu pitsaassusiliiniarnermi atortut ilusilersorneqarnerini toqqarneqartarnerinilu,
3) anartarfinni uffarfinnilu pissutsit,
4) sissani nalunnguarfiusartuni, nalunnguartarfiliani uffartarfinnilu erngup pitsaassusia nakkutigineqarneralu,
5) anartarfinnik eqqagassanillu eqqaanermi aaqqissuussinerit,
6) erngup eqqiaanermut allanullu atorneqartup nunamut, sikumut, tatsimut, kuummut imaanullu kuuffilersorneqarnera,
7) tammaarsimaartarfiit, aasiveqartarfiit, timersornikkut unammiuaartarfiit piffiillu allat inuppassuarnit katersuuffigineqartartut,
8) nunaminertat arfernik uumasunillu nunamiutanik pilaffigineqarnissaannut inerteqqutaasut pilaffigeqqusaaanngitsulluunniit,
9) toqusut inaat iliveqarfiillu,
10) napparsimmavimmi eqqagassanik eqqaaneq,
11) pissutsillu allat inuit tamarmik eqqiluisaarnissaannut peqqissusiannullu pingaaruteqartut."

6. § 8-mi una imm. 3-tut ilanngunneqassaaq:
"Imm. 3. Kommunit isumaqatiginiareerlugit Naalakkersuisut kommunimi ataatsimi arlalinniluunnit pissutsini § 7-imi malittarisassat malillugit suliarineqarsinnaasuni suliniuteqarnissamik kommunalbestyrelsit aallartitseqqullugit peqqusinnaavaat."

7. § 9, imm. 2-mi oqaatsit "imaluunniit kinaasinnaasumit, pisuni ataasiakkaani Naalakkersuisunit tamatumunnga pisussaatinneqartumit," peerneqarput.

8. § 9-imi uku imm. 3 - 6-itut ilanngunneqassapput:
"Imm. 3. Kommunalbestyrelsilli ataasiakkaat isumaqatiginiareerlugit suliffeqarfiit erseqqinnerusumik taaneqarsimasut nakkutigineqarnerat Naalakkersuisut kommunalbestyrelsimut Naalakkersuisunulluunniit suliassanngortissinnaavaat."
Imm. 4. Najukkami oqartussaasup pissutsinut imm. 2 malillugu Nalakkersuisut nakkutigisaannut pingaaruteqartunik paasisaqarunik tamanna Naalakkersuisunut nalunaarutigissavaat. Annertuumik mingutsitsineq taassumaluunniit suli annertunerusumik siaruarnissaa pinngitsoortinniarlugu piaarnerpaamik akuliuttoqarnissaa pisariaqartinneqarpat peqqussutigineqartussat inerteqqutigineqartussalluunniit pisariaqartut najukkami oqartussaasup Naalakkersuisut sinnerlugit ingerlaannarluni nalunaarutigissavai, taamaaliorninilu Naalakkersuisunut ilisimatitsissutigalugu.
Imm. 5. § 11, imm. 2-mi aamma § 38-mi malittarisassat imm. 4 malillugu najukkami oqartussaasup sulineranut aamma atuupput.
Imm. 6. Najukkami oqartussaasup imm. 4 tunngavigalugu inerteqqutigisai peqqussutigisaaluunniit sap. akunneri marluk qaangiutsinnagit Naalakkersuisunit atortussaajunnaarsinneqarsinnaapput."

9. § 10-imi una imm. 2-tut ilanngunneqassaaq:
"Imm. 2. Mingutsitsinissaq pinngitsoortinniarlugu peqqussuteqartoqarluniluunniit inerteqquteqartoqarsinnaavoq."

10. § 30 imatut oqaasertaqassaaq:
"§ 30. Illoqarfinni nunaqarfinnilu imeqarfiusut imermik pilersuinermut atorneqartut eqqaanni killeqarfiliussassat Naalakkersuisut aalajangersaavigissavaat.
Imm. 2. Killeqarfiliussat imm. 1-imi taaneqartut iluanni illuliortoqassanngilaq, qimminik pituttuiveqassanani, inuussutissarsiutigalugu suliffinnik ingerlatsisoqassanani, suliffeqarfinnik assigisaannilluunniit peqassanani allanilluunniit imermik mingutsitsisinnaasunik peqassanani."

11. § 30-p kingorna una ilanngunneqassaaq:
^"§ 30 a. Erngup imigassatut siunertanulluunniit allanut atugassatut katersorneqartup, imertullu imigassatut pitsaassuseqartinneqartussap Naalakkersuisut minnerpaatigut piumasaqaatai eqqortissimassavai.
Imm. 2. Imermik imigassatut pitsaassuseqartussamik imeqarfiit atorneqalinnginnerminni Naalakkersuisunit akuerineqarsimassapput."

12. § 34-imi una imm. 3-tut ilanngunneqassaaq:
"Imm. 3. Kommunalbestyrelsip peqqinnissakkut nakkutilliisoqarfik isumaqatiginiareerlugu erngup eqqiaaner mut atugaanngitsup igitassap nunamut aamma kussinernut ammaannartunut kangerlummut imaanullu kuuttunut kuutsinneqarnissaa akuerisinnaavaa."

13. § 28-mi, § 33-mi, § 35-imi imm. 3-mi, § 37-imi, § 39-mi aamma § 41-imi taggit "nakorsaaneqarfik" taggimmut "peqqinnissakkut nakkutiliisoqarf ik"-mut allanngortinneqassaaq.

14. § 46, imm. 1, nr. 6)-imi "unioqqutitsisoq"-p siornatigut "§ 30, imm. 2" taarsiunneqassaaq.

15. § 46, imm. 2-mi "Malittarisassani §§-it 7" kingornatigut "§ 30" taarsiunneqassaaq.

 

§ 2.

Peqqussut manna 1. juni 1993 aallarnerfigalugu atortuulersinneqarpoq.

Namminersornerullutik Oqartussat, ulloq 13. maj 1993

Lars Emil Johansen

/

Ove Rosing Olsen