Inersimasunut paaqqinniffiit immikkut siunertallit pillugit Inatsisartut peqqussutaata allanngortinneqarneranik Inatsisartut peqqussutaat nr. 5, 11. maj 1993-imeersoq.

 

§ 1.

Inersimasunut paaqqinniffiit immikkut siunertallit pillugit Inatsisartut peqqussutaanni nr. 6-imi 28. april 1988-imersumi makku allannguutigitinneqassapput:

1. § 6, imm. 1 imatut oqaasertalerneqassaaq:
"Nuna tamakkerlugu paaqqinniffiit pilersinneqarnerinut ingerlanneqarnerinullu aningaasartuutit landskarsimit tamakkiisumik ilaannakortumilluunniit aningaasaliiffigineqarsinnaapput."

2. § 6, imm. 2 imatut oqaasertalerneqassaaq:
"Naalakkersuisut erseqqinnerusunik malittarisassaliaat tunngavigalugit paaqqinniffiit nuna tamakkerlugu paaqqinniffiunngitsut pilersinneqarnerinut ingerlanneqarnerinullu landskarsi tapiissuteqarsinnaavoq, tak. § 4, imm. 1."

 

§ 2.

Inatsisartut peqqussutaat manna 1. juni 1993 aallarnerfigalugu atuutilerpoq.

Namminersornerullutik Oqartussat, ulloq 11. maj 1993

Lars Emil Johansen

/

Henriette Rasmussen