Pisortanit annertussusileriikkanik ikiorsiissutit pillugit Inatsisartut peqqussutaata allanngortinneqarneranik Inatsisartut peqqussutaat nr. 3, 11. maj 1993-imeersoq.

 

§ 1.

Pisortanit annertussusileriikkanik ikiorsiissutit pillugit Inatsisartut peqqussutaanni nr. 11-mi 1. november 1982-imeersumi Inatsisartut peqqussutaatigut nr. 2-kkut 11. november 1986-imeersukkut aamma Inatsisartut peqqussutaatigut nr. 7-ikkut 22. oktober 1990-imeersukkut § 29, imm. 2-mi kingusinnerpaamik allanngortinneqarsimasumi makku allannguutigitinneqassapput:

 

1. § 8, imm. 4 imatut oqaasertaqassaaq:
"Inuk suliassamut innersuunneqartoq suliassamik innersuussutigineqartumik tigusiumanngippat ikiorsiissutinik tunniussisarneq isumaginninnermi ataatsimiititap unitsissavaa, matumani kommunimi suliffissaqartitsiniutini sulineq, imaluunniit suliffeqarfinni sullissiveqarfinnilu akissarsiatigut tapiiffigineqarluni sulinerit ilanngullugit, kommunit suliffissaqartitsiniutaat akissarsianullu tapiissutit pillugit Inatsisartut peqqussutaat naapertorlugu."

2. §14, imm. 3 imatut oqaasertaqassaaq:
"Akissarsiallip sap. akunnerini kingullerni 13-ini nal. akunneri suliffigisimasai tunngavigalugit ikiorsiissutit naatsorsorneqassapput, sap. akunneranullu kingumoortumik tunniunneqartassallutik, taamaattorli sap. akunneranut amerlanerpaamik nal. akunneri 40-t naatsorsuutigalugit. Kommunit suliffissaqartitsiniutaat akissarsianullu tapiissutit pillugit Inatsisartut peqqussutaat tunngavigalugu suliffissaqartitsiniutini suliffeqarfinniluunniit akissarsiatigut tapiiffigineqarluni peqataaneq sulisitaanerlu naatsorsuinermi nalinginnaasumik sulinertut naleqartinneqassaaq."

3. § 14-ip kingorna una ilanngunneqassaaq:
"§ 14a. Suliffissaaleqinermut atatillugu annertussusileriikkanik ikiorsiissutit suliffissaqartitsiniutini sulinermi akissarsiatut akissarsiatigulluunniit tapiissutitut tunniunneqarsinnaapput, kommunit suliffissaqartitsiniutaat akissarsianullu tapiissutit pillugit Inatsisartut peqqussutaanni tamatumunnga piumasarineqartut eqqortinneqarsimappata."

4. § 15, imm. 4 imatut oqaasertaqassaaq:
"Inuk suliassamut innersuunneqartoq suliassamik innersuussutigineqartumik tigusiumanngippat ikiorsiissutinik tunniussisarneq isumaginninnermi ataatsimiititap unitsissavaa, matumani kommunimi suliffissaqartitsiniutini sulineq, imaluunniit suliffeqarfinni sullissiveqarfinnilu akissarsiatigut tapiiffigineqarluni sulinerit ilanngullugit, tak. taakku pillugit Inatsisartut peqqussutaat."

 

§ 2.

Inatsisartut peqqussutaat manna atortuulersinneqarpoq 1. juli 1993 aallarnerfigalugu.

Namminersornerullutik Oqartussat, ulloq 11. maj 1993

Lars Emil Johansen

/

Henriette Rasmussen