Pisortanit ikiorsiissutit pillugit Inatsisartut peqqussutaata allanngortinneqarneranik Inatsisartut peqqussutaat nr. 2, 11. maj 1993-imeersoq.

 

§ 1.

Pisortanit ikiorsiissutit pillugit Inatsisartut peqqussutaanni nr. 10-mi 1. november 1982-imeersumi makku allannguutigitinneqassapput:

1. § 5-imi imm. 2-tut una ikkunneqassaaq:
"Imm. 2. Kommunit suliffissaqartitsiniutaat akissarsianullu tapiissutit pillugit Inatsisartut peqqussutaanni piumasaqaataasut eqqortinneqarsimappata pisortanit ikiorsiissutit suliffissaqartitsiniutini sulinermi imaluunniit akissarsiatigut tapiissuteqarfigineqarluni sulinermi akissarsiatut tunniunneqarsinnaapput."

2. § 12-p kingorna uku ikkunneqassapput:
"§ 12 a. Ikiorsiissutit suliffissaqartitsiniutini sulinermi akissarsiatut tunniunneqartarpata, tak. § 5, imm. 2, ikiorsiissutit annertussusissaat kommunit suliffissaqartitsiniutaat akissarsianullu tapiissutit pillugit Inatsisartut peqqussutaanni § 9 malillugu naatsorsorneqartassaaq.

§ 12 b. Ikiorsiissutit akissarsianut tapiissutitut tunniunneqartarpata, tak. § 5, iitun. 2, tapiissutit annertussusissaat kommunip suliffimmut suliffeqarfimmulluunniit isumaqatigiissuteqareernermigut aalajangersassavaa."

3. § 13-ip kingorna una ikkunneqassaaq:
"§ 13 a. Ikiorsiissutit suliffissaqartitsiniutini sulinermi akissarsiatut akissarsialluunniit tapiissutaattut tunniunneqartarpata, tak. § 5, imm. 2, pineqartup suliffimmik innersuussutigineqartumik peqqissutsimigut pissutsilluunniit allat tunngavigalugit tigusinnaasaraluaminik tigusiumannginnera ikiorsiissutit unitsinneqarnerannik kinguneqartinneqarsinnaavoq."

 

§ 2.

Inatsisartut peqqussutaat manna atortuulersinneqarpoq 1. juli 1993 aallarnerfigalugu.

Namminersornerullutik Oqartussat, ulloq 11. maj 1993

Lars Emil Johansen

/

Henriette Rasmussen