Kommunit suliffissaqartitsiniutaat akissarsianullu tapiissutit pillugit Inatsisartut peqqussutaat nr. 1, 11 maj 1993-imeersoq.
Suliassaqartitsiniarneq inunnillu isumaginninneq pillugit Kalaallit Nunaannut inatsimmi nr. 580-imi 29 november 1978-imeersumi § 2 tunngavigalugu makku aalaj angersarneqarput:
Kapitali 1.
Kommunit suliffissaqartitsiniutaat.§ 1. Maannakkorpiaq suliffissaaleqineq ikiorsiiviginiarlugu aamma suliffissaaleqisut sulisinnissaannut pitsaanerusumik periarfissarsissukkumallugit kommunit suliffissaqartitsiniutinik pilersitsisinnaapput.
§ 2. Kommunit suliffissaqartitsiniutaat paasineqassapput tassaasut suliffissaqartitsiniutit kommunimit ataatsimit pilersinneqarlutillu ingerlanneqartut akilersorneqartullu imaluunniit kommuninit arlalinnit ataatsimoorullugit pilersinneqarlutillu ingerlanneqartut akilersorneqarlutillu.
Kapitali 2.
Suliffissaqartitsiniutit imarisaannut piumasaqaatit.§ 3. Suliffissaqartitsiniutit aallartinneqartinnagit sumiiffimmi kattuffeqarfiit sulianullu tunngassuteqartunut peqatigiiffiit pissutsinut § 4-mi aamma § 11-mi taaneqartunut oqaaseqartinneqarnissaannut periarfissaqartinneqaqqaarsimassapput.
§ 4. Suliffissaqartitsiniutinik pilersitsinerup ingerlanneratalu kingunerissanngilaat suliffeqarfinnit pioreersunit nioqqutissiat sullissinerillu pioreersut ingerlanneqareersulluunniit piumaneqarnerisa annikinnerulernerat.
Imm. 2. Suliffissaqartitsiniutit pilersinneqarnerisa ingerlanneqarnerisalu STI-mi ilinniartut praktikkerfigisinnaasaasa ikileriarnerat kingunerissanngilaat.§ 5. Suliffissaqartitsiniutit taamaallaat tunisassiorsinnaallutillu tunisassiaminnik tuniniaasinnaapput tamanna niuernermi atugassarititaasut atuuttut malillugit, matumani sulianut taamaattunut tunngasut tuniniarneqartarnerini akigitinneqartuni nalinginnaasumik iluanaarutissatut naatsorsuutigineqartartoq ilanngullugu.
§ 6. Suliffissaqartitsiniutit tunisassiornermik ingerlataqartut eqqarsaatigalugit kalaallit tunisassiassaataat atortussallu allat iningajareersimasut pissarsiarineqarsinnaatillugit atorneqartarnissaasa qulakkeerneqarnissaat kommunip pisussaaffigaa.
§ 7. Suliffissaqartitsiniutini sulilerneq peqqussut manna malillugu taamaallaat pisinnaavoq sapaatip akunneranut sivikinnerpaamik sulineq nal. akunnerinik 20-nik sivisussuseqarpat.
Kapitali 3.
Suliffissaqartitsiniutini sulilernissamut patsisissarititat.§ 8. Suliffissaqartitsiniummi sulilernermut pissutigitinneqassaaq suliffissaaleqisup peqqissutsimigut inuttulluunniit atukkamigut allatigut atugaasa tamanna akornutissaqartissanngikkaat.
§ 9. Suliffissaqartitsiniutini sulisut sulisinneqarnerup ingerlanerani suliffissarsiortutut allatsissimassapput. Sulisulli pisortaannut, ilitsersuisunut assigisaannullu tamanna atuutinngilaq.
Kapitali 4.
Suliffissaqartitsiniutini akissarsiatigut sulinermilu atugassarititaasut.§ 10. Kommunit suliffissaqartitsiniutaannut peqataanermi nalunaaquttap akunnermusiaq tassaassaaq pisortat annertussusileriikkanik ikiorsiisarnerat pillugu Inatsisartut peqqussutaat sukkulluunniit atuuttoq malillugu amerlassuserititap angeqataa.
Imm. 2. Akissarsiaq naatsorsorneqassaaq sapaatip akunnikkuutaarlugu sulisup nalunaaquttap akunnerini qassini sulisimanera tunngavigalugu, takuulli imm. 3.
Imm. 3. Sulinermi pisortat annertussusileriikkanik ikiorsiisarnerat pillugu peqqussut malillugu suliffissaarunnermi annertussusileriikkanik ikiorsiissutisinissamut piumasarisaasunik eqqortitsisimasunut akissarsiaqartitsineq pisassaaq suliffissaarunneq sioqqullugu sapaatip akunnerisa kingulliit 13-it ingerlaneranni agguaqatigiissillugu sapaatip akunneranut suliffigisimasaq tunngavigalugu ikiorsiissutisiaasartup amerlaqataanik, taanna suliffissaqartitsiniummi sapaatip akunneranut suliffiusartup pissarsissutaasinnaaneranit amerlanerusunik pissarsissutaassappat.
Imm. 4. Akissarsiaq sapaatip akunneranut kingumoortumik tunniunneqartassaaq.§ 11. Sulinermi atugassarititaasut sulianut taamaattunut isumaqatigiissutini atugassarititat aalajangersarneqarsimasut assigissavaat, pineqartunulli isumaqatigiissuteqanngippat sulinermi atugassarititaasut nalinginnaasumik sulianut taamaattunut atugassarititaasut assigissavaat.
Kapitali 5.
Sulilernermi akissarsianut tapiissutit§ 12. Maannakkorpiaq suliffissaaleqineq ikiorsiiviginiarlugu aamma suliffissaaleqisut sulisinnissaannut pitsaanerusumik periarfissarsikkumallugit suliffissaaleqisut namminersortuni aamma pisortat suliffiini suliffeqarfiutaannilu sulilernissaannut kommunit tapiissuteqarsinnaapput.
§ 13. Kommunip suliffissarsiuussisarfini aqqutigalugu namminersortunut aamma pisortat suliffiinut suliffeqarfiutaannullu sulisussamik akissarsianut tapiissuteqarfigineqartartumik innersuussinissaq isumagissavaa.
§ 14. Kommunip suliffik imaluunniit suliffeqarfik isumaqatiginiareerlugu tapiissutip angissusia aalajangissavaa, matumani aamma tapiissut sulisitaanerup nalaani millisikkiartuaarneqarumaarnersoq.
§ 15. Inunnut sulisunut ataasiakkaanut piffissaq tapiissuteqarfiusinnaasoq qaammatit 12-iusinnaavoq, tamatuma kingorna piffissamut nutaamut tapiissuteqartoqarsinnaalluni, peqqussummi matumani patsisissaatitaasut eqqortinneqarsimappata.
§ 16. Peqqussut manna malillugu akissarsianut tapiissutitalimmik sulilernerup kingunerissanngilaa suliffinnut suliffeqarfinnullu allanut akikitsuunngitsumik unaitimillerneq.
Kapitali 6.
Tapiissutitalimmik sulilernissamut patsisissaatitaasut.§ 17. Akissarsiatigut sulinermilu atugassarititaasut tassaassapput isumaqatigiissutini isumaqatigiissutaasimasut imaluunniit sulinermi nalinginnaasumik sulianut taamaattunut atugassarititaasut.
§ 18. Akissarsianut tapiissutitalimmik sulilerneq peqqussut manna malillugu taamaallaat pisinnaavoq sapaatip akunneranut suliffigisartagaq sivikinnerpaamik nalunaaquttap akunnerinik 20-nik sivisussuseqarpat.
Imm. 2. Pisortat annertussusileriikkanik ikiorsiisarnerat pillugu Inatsisartut peqqussutaat malillugu inunnut annertussusileriikkanik ikiorsiissutisinissamut patsisissaatitaasunik eqqortitsisimasunut sapaatip akunneranut suliffissarititaq sivikinnerpaamik tassaassaaq suliffissaarunneq sioqqullugu sap. ak. 13-t ingerlaneranni sapaatip akunneranut agguaqatigiissitsinikkut suliffiusarsimasup sivisoqataa.
Kapitali 7.
Aqutsineq.§ 19. Peqqussutip matuma aqunneqarnera kommuninit isumagineqassaaq.
Imm. 2. Kommunit aqutsinerminnut ilagitillugu peqqussut tunngavigalugu sulisitsinerit tamaasa kisitsisitigut takussutissiortassavaat.
Imm. 3. Kisitsisitigut takussutissiap paasissutissat makku minnerpaamik imarissavai:
1) sulisup aqqa aamma CPR-normua,
2) suliffissaqartitsiniut imaluunniit tapiissutitalimmik sulineq,
3) sulilerfik,
4) sapaatip akunneranut suliffiup sivisussusia,
5) suliffissaqartitsiniutip imaluunniit akissarsiamut tapiissutip sivisussusia.
Imm. 4. Kommunit paasissutissat imm. 3-mi taaneqartut Isumaginninnermut Suliffeqarnermullu Pisortaqarfimmut nalunaarutiginissaat pisussaaffigaat. Qaammatit pingasut naaneri (kvartal) tamaasa nalunaaruteqartoqartassaaq. Siullermik nalunaaruteqartoqassaaq kingusinnerpaamik 1. oktober 1993-imi piffissamut peqqussutip atuutilerneraniit 31. august 1993 ilanngullugu.
Imm. 5. Isumaginninnermut Suliffeqarnermullu Naalakkersuisup nalunaarutip ilusissaa imarisartagassaalu erseqqinnerusumik malittarisassaliussavai.§ 20. Aningaasalersuineq pissaaq pisortanit ikiorsiissutit pillugit Inatsisartut peqqussutaat malillugit pisortanit ikiorsiissutit atorlugit imaluunniit pisortat annertussusileriikkanik ikiorsiisarnerat pillugu Inatsisartut peqqussutaat malillugu annertussusileriikkanik ikiorsiissutit atorlugit.
Kapitali 8.
Naammagittaal1iorneq.§ 21. Peqqussut manna malillugu aalajangiinerit naammagittaalliuutigineqarsinnaapput isumaginninnermut tunngasut siulersorneqarnerat aaqqissuunneqarnerallu pillugit Inatsisartut peqqussutaanni aalajangersakkat malillugit.
Kapitali 9.
Pineqaatissiinermut aalajangersakkat.§ 22. Kinaluunniit peqqussutip matuma atortinneqarnerani peqataasoq taamatut suliassaqartitaaneq naalakkersuinermi qinigaanikkut pisimagaluarpalluunniit pinerluttulerinermi inatsimmi naalakkersuinermik atassuteqartunut atorfeqarnermi suliassaqartitaanermiluunniit pinerluttuliornerit pillugit aalajangersakkat malillugit akisussaavoq.
Kapitali 10.
Atulersitsineq.§ 23. Peqqussut manna atortuulersinneqarpoq 1. juli 1993 aallarnerfigalugu.
Namminersornerullutik Oqartussat, ulloq 11. maj 1993.
Lars Emil Johansen/
Henriette Rasmussen