Kalaallit Nunaanni tuttut eqqissisimatitaanerannut tunngasumik ministeriakkoortumik regulativit unioqqutinneqarnerini pineqaatissiisarnermut aalajangersaaneq pillugu Namminersornerullutik Oqartussat Nalunaarutaat nr. 45, 16. december 1993-imeersoq.
Inuussutissarsiutigalugu piniarneq aallaaniarnerlu pillugit Inatsisartut inatsisaanni nr. 12-imi, 22. november 1984-imeersumi §§ 4, 5, 6, 9 aamma 10, Inuussutissarsiutiginagu piniarneq, aallaaniarneq aalisarnerlu pillugit Inatsisartut inatsisaanni nr. 11-mi, 29. april 1992-imeersumi §§ 2 aamma 5 kiisalu Kalaallit Nunaanni Pinngortitamik eqqissisimatitsineq pillugu Inatsisartut inatsisaanni nr. 11-mi, 12. november 1980-imeersumi §§ 2 aamma 19 naapertorlugit aalajangersarneqarput:
§ 1. Nalunaarummi matumani pineqarput ministeriaqarfikkoortumik regulativi 24. september 1952-imeersoq Kalaallit Nunaanni tuttut eqqissisimatitaanerannut tunngasumik regulativi 11. juni 1927-imeersumut ilassut pillugu, 1. oktober 1953-imi allanngortinneqartoq, regulatiivitigullu 12. marts 1968-imeersukkut, 29. juli 1969-imeersukkut aamma 17. juni 1974-imeersukkut allanngortinneqartoq.
§ 2. Regulativimi § 2-mi taaneqartumi inerteqqutinik unioqqutitsineq akiliisitsinermik aamma pisanik taakkuluunniit nalinginik arsaarinninnermik nassataqarsinnaavoq.
§ 3. Regulativimi § 1-imi taaneqartumi allassimasunit Naalakkersuisut immikkut ittumik akuersissuteqarsinnaapput, ilisimatuut misissuinerisa imaluunniit nujuitsunik tuttuuteqarnermut atatillugu pissutsit immikkut ittut tamanna patsisissaqartippassuk.
§ 4. Nalunaarut 20. december 1993-imi atulerpoq.
Namminersornerullutik Oqartussani, ulloq 16. december 1993
Hans Iversen/
Jørn Birk Olsen