Namminersornerullutik Oqartussat ilinniagaqarnersiutit pillugit nalunaarutaat nr. 41, 13. december 1993-imeersoq.
Inuussutissarsiutitigut ilinniartitaaneq, ilinniagaqarnermut tapiissutit inuussutissarsiutinullu tunngasunik siunnersuineq pillugit Inatsisartut peqqussutaanni nr. 16-imi 28. oktober 1993-imeersumi § 6, imm. 2, aamma 3, aamma § 7, imm. 3, naapertorlugit aalajangersarneqarput:
Kapitali 1.
Nassuiaatit, piumasarisat nalinginnaasut.§ 1. Ilinniagaqarnersiuteqartinneqarsinnaapput ilinniagaqartut ilinniagaqarnissamut piareersarnermi ilinniarneqartartunik imaluunniit ilinniakkanik, atuagassiani ilitsersuutaasuni maannakkut atortuusuni ukunani: Sunngorlangatoq (Udannelsesnøglen) aamma Periarfissat (Uddannelse i Danmark) taaneqartunik, ingerlataqartut.
Imm. 2. Kultureqarnermut, Ilinniartitaanermut Ilisimatusarnermullu Pisortaqarfiup ilinniagaqarnerit allat tapiiffigineqartussatut akuerisinnaavai immikkut pissutissaqartillugu.§ 2. Kalaallit Nunaata avataani ilinniagaqarnernut ilinniagaqarnersiuteqartitsisoqarsinnaavoq ilinniagaqarniartup taamatut ilinniagaqarnissani Namminersornerullutik Oqartussat aqqutigalugit qinnutigisimappagu tiguneqarnissamullu Namminersornerullutik Oqartussat piumasarisaat naammassisimappagit.
Imm. 2. Kalaallit Nunaata avataani ilinniagaqartut soraarummeernerit tamaasa soraarummeernermi allattuiffiit assigisaasaluunniit assilinerannik Kultureqarnermut, Ilinniartitaanermut Ilisimatusarnermullu Pisortaqarfimmut nassiussisassapput.
Imm. 3. Kultureqarnermut, Ilinniartitaanermut Ilisimatusarnermullu Pisortaqarfiup immikkut pissutissaqartillugu imm. 1 aamma 2 maleruanngittarsinnaavai.§ 3. Siunnersuisumik nalunaarummi uani pineqartoq tassaavoq Kalaallit Nunaanni ilinniarfimmi ilinniagaqarnermi siunnersuisoq imaluunniit ilinniagaqarnermut Danmarkimi kalaallit illuanni siunnersuisuusoq.
§ 4. Ilinniagaqartoq ilinniagaqarnerminut 4.000,00 kruuninik taakkunanngaluunniit amerlanerusunik akilereersimasassaagaluanik akiitsoqartoq akilersuinerlussimasorluunniit ilinniagaqarnersiutinik tapiiffigineqarsinnaanngilaq.
Imm. 2. Ilinniagaqarnersiutinilli tapiisoqarsinnaavoq ilinniagaqartoq ilinniagaqarnerminut akiitsumi akilersornissaat pillugu isumaqatigiissuteqarsimappat tamatuminngalu eqqortitsisimappat.§ 5. Namminersornerullutik Oqartussanut akiitsut akileersimasassaagaluit 4.000,00 kruunit angullugit amerlassuseqartut ilinniagaqarnersiutini ilanngaaffigineqartassapput qaammammut 500,00 kruunit angullugit.
§ 6. Ilinniagaqarnersiutinik tapiissuteqartoqarsinnaanngilaq ilinniagaqartumut ilinniagaqarnerminut ima akiitsoqartigisumut, ilinniagaqarnini naammassereeruniuk taarsersuinissaa ilimagineqarsinnaanngitsumut.
§ 7. Ilinniartitsissutini ataasiakkaani misilitsinnissamut piareersaataasumik atuartitsinermut ilinniagaqarnersiutinik tapiissuteqartoqarsinnaavoq
1) ilinniagaqarniartoci ukiumi atuartitsiviusussami atuartitsineq aallartitsinnagu septembarip aallaqi qaataa sioqqullugu 19-inik ukioqalersimappat,
2) ilinniagaqarniartoq misilitsinnissamut piareersaataasumik atuartitsinermi ikinnerpaamik sapaatip akunnerani tiimini atuartitsivinni 21-ni peqataanissamut nalunaarsimappat, aamma
3) atuartitsineq amerlanertigut ulluunerani ingerlanneqartassappat.
Imm. 2. Ilinniartitsissutini ataasiakkaani misilitsinnissamut piareersaataasumik atuartitsineq tassaavoq atuartitsineq meeqqat atuarfianni inaarutaasumik misilitsinnissamik, meeqqat atuarfianni inaarutaasumik annertusisamik misilitsinissamik imaluunniit annerusumik ilinniagaqarnissamut piareersaataasumik soraarummeernissamik naggaserneqartussaq, ilinniartitsissummik ataatsimik sammisaqarluni imaluunniit naammaataasumik pikkorissarluni ingerlanneqartoq.
Imm. 3. Annertunerusumik ilinniagaqarsinnaanermut tigutinnissamut GU-mi HF-imiluunniit ilinniagassanit ilassutigalugu fagit ataasiinnaanngitsut qaffasinnerusumik pisariaqarpata imm. 1 nr. 2-mi nalunaaquttap akunnerinik 21-nik piumasaqaat saneqqunneqarsinnaavoq.
Imm. 4. Taamaattorli meeqqat atuarfianni inaarutaasumik misilitsinnissaq aamma meeqqat atuarfianni inaarutaasumik annertusisamik misilitsinnissaq siunertaralugu atuartitsinermut ilinniagaqarnersiuteqartitsisoqarsinnaavoq allaganngorlugu nalunaarutigineqarpat ilinniagaqarniartoq atuartitsinermik taamaattumik ingerlatsinissaminut ilitsersuunneqassasoq. Nalunaarut suliarineqarsimassaaq kommunip ilinniagaqarnermi siunnersuisoqarnermut immikkoortoqarfianit imaluunniit ilinniarfimmit.
Imm. 5. Taamaattorli ilinniartitsissutini ataasiakkaani misilitsinnissamut piareersaataasumik atuartitsinermut ilinniagaqarnersiutinik tapiissuteqartoqarsinnaanngilaq ilinniagaqarniartoq ilinniartitsissutini tamakkunani misilitsinnermini soraarummeernerminiluunniit 6-imik tassanngaluunniit annerusumik karakteereqarsimappat. Tamannali atortuussanngilaq misilitsinnernut ukiut 12 sinnerlugit pisoqaassusilinnut.
Imm. 6. Paragraffit 20-mit 41-mut aamma 43-mit 49-mut atussanngillat ilinniagaqartunut ilinniartitsissutini ataasiakkaani misilitsinnissamut piareersaataasumik atuartitsinermut ilinniagaqarnersiuteqartunut.§ 8. Ilinniagaqarnersiutit tunniunneqartassapput suliamik ilinniarsimasutut tassanngaluunniit annerusumut inuussutissarsiutitigut ilinniartitaanermut ataatsimut.
Imm. 2. Ilinniagaqarnersiuteqartitsisoqarsinnaavoq inuussutissarsiummik allamik ataatsimik arlalinnilluunniit suliamik ilinniarsimasutut tassanngaluunniit annerusumut ilinniagaqarnermut,
1) ilinniarneq siusinnerusukkut ilinniarnermut pissusissamisoortumik nangitsinerussappat aammalu ilinniareersimasamit qaffasinnerulluni,
2) ilinniarneq inuussutissarsiorsinnaannginneq pissutigalugu pisariaqartumik atuaqqinnerussappat, imaluunniit
3) pissutsit immikkut ittut tamanna pisariaqartippassuk.
Imm. 3. Ilinniagaqarnersiuteqartitsisoqassaaq suliamik ilinniarsimanermit inornerusumik naammassillugit marluk angullugit ilinniarsimanernut.§ 9. Kapitali 3 atorneqartassanngilaq ilinniagaqartup suliffimmi sungiusartilluni sulisitsisumit akissarsisinneqarfigisartagaani.
§ 10. Inooqatigiinneq 18-inik ukioqalereernermi sivikinnerpaamik ukiumik ataatsimik sivisussusilik aappariinnermut nalunaarummi uani naligitinneqarpoq.
Kapitali 2.
Ilinniarnermik ingerlatsineq siusinnerusukkullu kipititsisarnerit.§ 11. Ilinniagaqarnersiuteqartitsisoqarsinnaavoq taamaallaat ilinniagaqartoq ilinniarnerminik ingerlatsippat, tassa imaappoq
1) ilinniagaqartoq soraarummeerfissani soraarummeertarpat, soraarummeertarpallu ilinniarnerup ingerlanissaanik pilersaarut naapertorlugu,
2) soraarummeernermi peqataannginneq takkutinngitsoornerluunniit siunnersuisumik allaganngorlugu isumaqatigiissuteqarneq malillugu pisarpata aammalu tamakku Kultureqarnermut, Ilinniartitaanermut Ilisimatusarnermullu Pisortaqarfimmut nalunaarutigineqartarpata, aamma
3) pinngitsoorani orniguttarnissamik aalajangersakkat eqqortinneqarpata.
Imm. 2. Taamaattorli sivisuumik ingerlassamik ilinniagaqarnermi ilinniarfimmut pinngitsoorani orniguttariaqarfiunngitsumi iliniagaqartoq ilinniagaqarnersiuteqartinneqartussaavoq ilinniarnermut sivisussusissarititaasoq taassumaluunniit annersaa ukiumit ataatsimit sivisunerusumik qaangerneqarsimanngippat.
Imm. 3. Immikkut ittunik pissutissaqartillugu Kultureqarnermut, Ilinniartitaanermut Ilisimatusarnermullu Pisortaqarfik imm. 2-mi aalajangerneqartumik saneqqutsisinnaavoq.§ 12. Meeqqat atuarfianni inaarutaasumik misilitsinnissaq (FSA) aamma meeqqat atuarfianni inaarutaasumik annertusisamik misilitsinnissaq (FSUA) siunertaralugu atuartitsinermut ukioq ataaseq angullugu ilinniagaqarnersiuteqartitsisoqarsinnaavoq.
Imm. 2. Annerusumik ilinniagaqarnissamut (HF-imut) piareersaataasumik soraarummeernissamut ukioq ataaseq angullugu tamatumalu kingornagut naammaataasumik pikkorissarnissamut aamma ukioq ataaseq angullugu ilinniagaqarnersiaqartitsisoqéirsinnaavoq.§ 13. Ilinniagaqartut sulinngiffeqartut, soorlu aamma erninermut atasumik sulinngiffeqartut, nalunaarut una malillugu ilinniagaqarnersiaqartussaatitaanngillat.
§ 14. Ilinniagaqarnersiaqartitsisoqarsinnaanngilaq ilinniagaqartumut ukiut kingulliit tallimat ingerlaneranni ilinniarnerminik ataasiaannarnani kipititsisimasumut. Taamaattorli ilinniagaqarnissamut piareersarluni ilinniagaqarnerni kipititsinerit naatsorsuutigineqartassanngillat tapiiffigineqartussaatitaanerit suliamik ilinniarsimasutut tassanngaluunniit annerusumut inuussutissarsiutitigut ilinniartitaanernut naatsorsuunneqarpata.
Imm. 2. Immikkut ittunik pissutissaqartillugu Kultureqarnermut, Ilinniartitaanermut Ilisimatusarnermullu Pisortaqarfik imm. 1-imi aalajangerneqartumik saneqqutsisinnaavoq.
Kapitali 3.
Tapiissutit taarsersugassaanngitsut.§ 15. Tapiissutit taarsersugassaanngitsut tunniunneqartassapput qaammatit tamaasa kingumoortumik, annertussuseqartassallutillu ukiut tamaasa aningaasanut inatsimmi aalajangerneqartunik, tak. Inuussutissarsiutitigut ilinniartitaaneq, ilinniagaqarnermut tapiissutit inuussutissarsiutinullu tunngasunik siunnersuineq pillugit Inatsisartut peqqussutaat § 7, imm. 2. Tapiissutit taarsersugassaanngitsut ulloq ilinniagaqarfiusoq ataaseq tunngavigalugu naatsorsorneqartassapput akuersissutigineqartassallutillu ukioq ataaseq angullugu atuuttussamik.
Imm. 2. Kalaallit Nunaata Danmarkillu avataanni ilinniagaqartunut tunniussineq imm. 1-imi taaneqartumit aallaanerusumik pisarsinnaavoq.§ 16. Angerlarsimaffiup avataani najugaqartunut angerlarsimaffimminnilu najugaqartunut annertussusissat assigiinngitsut aalajangerneqarpata tapiissutit taarsersugassaanngitsut taakkununnga tunniunneqassapput imm. 2-mit 4-mut aalajangersakkat malillugit.
Imm. 2. Ilinniagaqartut ilinniarnerminnut atatillugu akiliuteqarnatik nerisaqartut ineqartullu taarsersugassaanngitsunik tapiiffigineqassapput angerlarsimaffiup avataani najugaqartutut, taakkunanngali ilanngaatigineqartassallutik aningaasat ukiumoortumik aningaasanut inatsimmi aalajangerneqartut.
Imm. 3. Ilinniagaqartut angerlarsimaffimminni najugaqartut qitornaminnillu tigumiaqartut kiisalu ilinniagaqartut Siamasissumik Tunngaviusumik Ilinniarnerminni inuussutissarsiutitigut qitiusumik ilinniarfimmi najugaqartut tapiissutinik taarsersugassaanngitsunik tunineqassapput angerlarsimaffimminni najugaqanngitsutut.
Imm. 4. Ilinniagaqartoq najugaqarnerminut allagartamigut, attartornermut isumaqatigiissutip assigisaataluunniit nuutinneratigut uppernarsarsinnaasariaqarpaa angerlarsimaffimmi avataaniittarsimanini piffissani ilinniagaqarnersiutinik pisartagaqarfigisamini imaluunniit angerlarsimaffimmi avataani najugaqartutut pisartagaqarfigisamini.§ 17. Siamasissumik Tunngaviusumik Ilinniarfimmi ilinniartoq ilinniartitaanerup aallartiffissaa sioqqutitsiarlugu ukiuni kingullerni marlunni suliffissat tamakkerlugit suliffeqartuaannarsimasoq angerlarsimaffimmi avataani najugalittut taarsersugassaanngitsunik tapiissutisinneqartarsinnaavoq ukiuni pineqartuni tamani isertitaqartarsimaguni inoqutigiit tamarmiullutik isertitaasa minnerpaamik pingajorarterutaannik.
Imm. 2. Inoqutigiinnik taaneqartut tassaapput inuit inigisami taaneqartumiittut inuit allattorsimaffiannut nalunaarutigineqarsimasut tamarmik.§ 18. Kultureqarnermut, Ilinniartitaanermut Ilisimatusarnermullu Pisortaqarfik aalajangiisinnaavoq ilinniagaqarnersiutit allatut piumasaqaatitaqartumik tunniunneqartassasut allatut aaqqissuussamik ilinniagaqartoqaraangat, tamatumuminngalu pissuteqartumik ilinniagaqarnersiutinik immikkut ittumik pisariaqartitsisoqaleraangat, soorlu Kalaallit Nunaata Danmarkillu avataanni ilinniagaqarnerni.
Kapitali 4.
Immikkut tapiissutit.§ 19. Ilinniagaqartoq meeqqanut 18-it inorlugit ukiulinnut angajoqqaatut oqartussaassuseqarpat meeqqamut ataatsimut tapiissuteqartitsineqassaaq Kalaallit Nunaanni Danmarkimilu nalinginnaasumik akilersuutaasunut naapertuuttunik. Taamaattorli angajoqqaatut oqartussaaqatigiinnissamik isumaqatigiittoqarsimatillugu tamanna atortuusassaaq aatsaat angajoqqaatut oqartussaasut meeraq najugaqatigippassuk.
Imm. 2. Imm. 1-ili naapertorlugu tapiissuteqartoqarsinnaavoq ilinniagaqartunut meeqqanut angajoqqaatut oqartussaassuseqanngitsunut, meerartik meeqqallu anaanavia imaluunniit ataatavia inooqatigippatigik. Taamali inooqatigiinneq sivisussuseqarsimassaaq sivikinnerpaamik ukioq ataaseq, tak. § 10.
Imm. 3. Meeraq ilinniagaqartumi najugaqanngippat tapiissutit angajoqqaarsiaasunut tunniunneqartassapput.
Imm. 4. Meeqqanut pisortatigut allatut aaqqissuussamik pilersorneqartunut tapiissuteqartoqartassanngilaq.§ 20. Atuakkanut assigisaannullu pisariaqartinneqartunut tapiissuteqartoqartassaaq tamakkununnga aningaasartuutit 60%-iinik.
§ 21. Nakorsaatinut immikkut ittumik aningaasartuutit tamakkiisumik matussuserneqartassapput Kalaallit Nunaata avataani ilinniagaqartunut, taakku anigorsinnaanngisaminnik uppernarsaaserneqartunik nappaateqaraangata.
Imm. 2. Pisariaqartumik kigutinik suliarititsisariaqaleriataarnermi aningaasartuutinut tamakkiisumik matussusiisoqartassaaq taamatut suliaritinneq akuerineqarpat Danmarkimi siunriersuisumit imaluunniit Kultureqarnermut, Ilinniartitaanermut Ilisimatusarnermullu Pisortaqarfimmit.
Imm. 3. Taamaattorli imm. 1 aamma 2 atussanngillat aningaasartuutit pisortanit oqartussaasunit allanit akilerneqarsinnaappata.§ 22. Kalaallit Nunaata avataani ilinniagaqartut bussinut qimuttuitsunullu allagartanut tapiiffigineqarsinnaapput najugaanniit ilinniarfiannut aqqutaa 5 km-inik taakkuluunniit sinnerlugit isorartussuseqarpat. Tapiissutit allagartap Københavnimi eqqaanilu zoninut pingasunut atortup akianit annertunerussapput. Taamaattorli qaammammut annerpaamik 400,- kruuninik tapiissuteqartoqartassaaq.
Kapitali 5.
Nerisaqarneq ineqarnerlu.§ 23. Nerisanut ineqarnermullu akiliutissat ilinniagaqarnersiutinit meeqqanullu tapiissutinit ilanngaatigineqarsinnaapput.
§ 24. Kalaallit Nunaata avataani ilinniagaqartut ilinniarnerminnut atatillugu inigisaminnut akiliuteqartussaanngitsut inissiami Namminersornerullutik Oqartussanit toqqarneqartumi ineqarallarnerminnut aningaasartuutitik utertissinnaavaat ilinniagaqarfissaminni ulluni arlaqanngitsuni akiliinatik ineqarsinnaanngikkallarsimagaangamik.
Imm. 2. Ilinniagaqartut ilinniarnerminnut atatillugu nerisaminnut ineqarnerminnullu akiliuteqartussaanngitsut kiisalu ilinniagaqartut imm. 1 naapertorlugu inissikkallarneqartut ulluni arlaqanngitsuni nerisaminnut namminneq akiliisariaqarsimagaangamik nerisaqarnermut aningaasarsiaqartinneqartassapput ullormut 85,- kruuninik. Imm. 1 naapertorlugu inissikkallarneqarnermut akiliutinut nerisat ullaakkorsiutit ilaatinneqarsimagaangata nerisaqarnermut aningaasarsiaqartitsineqartassaaq ullormut 65,- kruuninik.§ 25. Kalaallit Nunaanni inuussutissarsiutitigut qitiusumik ilinniarfimmi ilinniagaqartut ilinniartunut inissiani inissinneqartut ilinniartunut inissiami ineqarnermut akiliuteqartitaanngissinnaapput namminerisaminnik illoqarunik meeqqanullu pilersuisussaatitaagunik.
Imm. 2. Ilinniagaqartut Danmarkimi ilinniarnerminni atuartut angerlarsimaffiini inissinneqarsimasut nerisaminnut inigisaminnullu akiliisitaanngissinnaapput meeqqanut pilersuisussaatitaagunik.
Kapitali 6.
Atuartitaanermut akiliutit, akiliutaagallartut sillimmatit, ilassutitut atuartitaaneq.§ 26. Kalaallit Nunaata avataani ilinniartitaanernut tamakkiisumik matussutissaliisoqartassaaq atuartitaanermut akiliutinut aamma atuartitaanermut akiliutaagallartunut sillimmatinut aningaasartuutinut, ilinniartitaaneq taamatut ittoq malinnaafigineqarsinnaanngikkaangat aningaasartuutissat tamakku akilerneqartinnagit, aammalu aningaasartuutissat tamakku pisortanit oqartussaasunit allanit akilerneqarsinnaanngikkaangata.
§ 27. Kalaallit Nunaata avataani ilinniartitaanernut tamakkiisumik matusissutissaliisoqartassaaq kalaallit oqaasiinik ilinniartitsinermi ilassutitullu atuartitaanermi pisariaqartumi peqataanermut aningaasartuutinut. Ilassutitut atuartitaanissamik pisariaqartitsineq Danmarkimi siunnersuisup inassuteqarneranik uppernarsaaserneqartassaaq.
Kapitali 7.
Akiliunneqarluni angalanerit.§ 28. Angalanernut akiliussinerni pisortatigut angallassinermut periarfissat sapinngisamik akikinnerpaat atorneqartassapput.
Imm. 2. Bilitsimut angalatillunilu uninngasariaqarnernut aningaasartuutissat tamakkerlugit matussutissalerneqartassapput.
Imm. 3. Umiarsuartoqassappat umiarsuarmi ineqarnissamut akiliussisoqassaaq § 31 naapertorlugu meeqqat akiliunneqarlutik angalaqataassappata imaluunniit (aqqutaani) marluk sinnerlugit unnuisarnissaq pisariaqassappat.§ 29. Angalanermut akiliussisoqassanngilaq ilinniagaqartoq suliffimmini suliunnaarluni imaluunniit suliffissamini sulilissallurii angalassappat sulisitsisup akiligassarisaanik.
§ 30. Najugarisap illoqarfiullu ilinniagaqarfigisassap akornanni angalanermut akiliussisoqartassaaq ilinniarneq aallartittussanngoraangat, naammassigaangat imaluunniit kipitinneqaraangat.
Imm. 2. Ilinniagaqarfiit assigiinngitsut nikittaallugit, ilinniarfimmiinnerit sulillunilu sungiusarnerit akornini aammalu sulilluni sungiusarfigisat assigiinngitsut nikeraaffiginerini angalanernut akiliussisoqartassaaq ilinniagaqarnerup aaqqissugaanerata taamaaliortarnissaq pisariaqartippagu.
Imm. 3. Ilinniagaqarneq kipitinneqarpat kapitali 7 aamma 8 malillugit akiliutigineqartut utertillugit akileqquneqarsinnaapput kipititsineq ilitsersuisumik allaganngorlugu isumaqatigiissuteqarnikkut pisimanngippat.§ 31. Ilinniagaqartup meeraa § 19 naapertorlugu meeqqanut tapisissutaasinnaasoq § 30 naapertorlugu angalanermut akiliunneqassaaq ilinniagaqarneq imaluunniit ilinniarfimmiinneq qaammatinit qulinit sivisunerussappat aammalu uppernarsarneqarsinnaappat ilaqutariinnut naammaginartumik inissaqartitsisoqartoq meerarlu paarsisussaqartinneqartoq.
Imm. 2. Ilinniagaqartup aapparisaa § 30 naapertorlugu angalanermut akiliunneqassaaq ilinniagaqartup meeraata akiliunneqarluni angalanissaa imm. 1 naapertorlugu akuerineqarsimappat.§ 32. Ilinniarnermik ingerlatsiunnaarallarnermi § 30 naapertorlugu angalanissamut akiliussisoqartassaaq ingerlatsiunnaarallarnissaq siunnersuisumit akuerineqarsimappat qaammatinillu pingasunit sivisunerussappat.
§ 33. Illoqarfimmit ilinniagaqarfigisamit illoqarfimmut najugarisamut §-it 30-imiit 32-mut naapertorlugit angalanermut akiliussisoqartassaaq ilinniagaqarnerup kipitinneqarnerata imaluunniit naammassineqarnerata kingornagut qaammatip ataatsip ingerlanerani.
Imm. 2. Imm. 1 naapertorlugu piffissamut killiunneqartoq qaangiutsinnagu angerlamut aallarnissap ukioq ataaseq angullugu kinguartinnissaa qinnutigineqarsinnaavoq.
Imm. 3. Immikkut ittunik pissutissaqartillugu Kultureqarnermut, Ilinniartitaanermut Ilisimatusarnermullu Pisortaqarfik imm. 1-imi 2-milu aalajangerneqartunik saneqqutsisinnaavoq.§ 34. Aasakkut atuanngiffeqarnermi siumut utimullu angalatitsisoqartassaaq. Taamatulli angalatitsisoqarsinnaanngilaq ilinniarneq qaammatisiutit malillugit ukiumi tassani decembarip aallaqqaataa nallertinnagu naammassineqassappat imaluunniit feeriarnissaq sapaatit akunnerinit marlunnit sivikinerussappat.
Imm. 2. Angalanermut akiliussisoqartassaaq illoqarfiup ilinniagaqarfiusup najukkallu makkua akornannni:
1) Angajoqqaat nunagisaat.
2) Aappaasup nunagisaa.
3) Qitornarisat nunagisaat.
4) Ilinniagaqartup najugaa nunagisaaluunniit kingulleq.
Imm. 3. Kalaallit nunaanni ornitassamut allamut angalanermut akiliussisoqarsinnaavoq aningaasartuutissat imm. 2 naapertorlugu orninniakkamut aningaasartuutissat qaangersimassanngippatigik.
Imm. 4. Ilinniagaqartoq imm. 2. naapertorlugu ornitassamut Kalaallit Nuriaata avataaniittumut akiliunneqarluni angalasinnaatitaasoq Kalaallit Nunaata iluaniinnaq angalanissamut bilitsimut aningaasartuutinik matusiffigineqarsinnaavoq.
Imm. 5. Imm. 1 malillugu siumut utimullu angalatitsisoqartassaaq meeqqanut sisamanut § 19 naapertorlugu tapisissutaasinnaasunut.§ 35. § 34 naapertorlugu siumut utimullu angalanissaq juullikkunnut kinguartinneqarsinnaavoq taamaaliornissaq siunnersuisumit akuerineqarpat.
§ 36. Juullernissaanut atasumik siumut utimullu angalanissamut akiliussisoqartassaaq
1) Siamasissumik Tunngaviusumik Ilinniartitaanermi ilinniartunut nunaqarfinneersunut nunaqarfiup kommuneqarfigisaani ilinniarfimmiittunut sulillunilu sungiusarfimmiittunut aamma
2) Siamasissumik Tunngaviusumik Ilinniartitaanermi ilinniartunut kommuriinit inuussutissarsiutitigut ilinniarfeqanngitsuneersunut kommuneqarfigisamik avataani ilinniarfimmiittunut sulillunilu sungiusarfimmiittunut, tamakkunaniinneq siunnersuisumit imaluunniit Kultureqarnermut, Ilinniartitaanermut Ilisimatusarnermullu Pisortaqarfimmit akuerineqarsimappat.
Imm. 2. Ilinniagaqarfigisap ilinniagaqartullu kingullermik najugaata riunagisaataluunniit akornanni angalanermut akiliussisoqassaaq.§ 37. Juullernissaanut atasumik siumut utimullu angalanissamut akiliussisoqartassaaq ilinniagaqartoq meeqqanut 18-init inorlugit ukiulinnut angajoqqaatut oqartussaassuseqarpat meerarlu ilinniagaqarfimmut ilagineqarsimanngippat. Ilinniagaqarfigisap meeqqallu najugaata akornanni siumut utimullu angalanermut akiliussisoqassaaq.
Imm. 2. Meeraq, aappaasorli pinnani, ilinniagaqarfimmut ilagineqarsimappat ilinniagaqartoq meerarlu siumut utimullu angalanissamut akiliunneqassapput aappaasoq aamma meeqqamut angajoqqaatut oqartussaassuseqarpat. Ilinniagaqarfigisap aappaasullu najugaata akornanni siumut utimullu angalanermut akiliussisoqassaaq.
Imm. 3. Imm. 2 malillugu angalatitsinermut taarsiullugu aappaasoq ilinniagaqarfiusumut siumut utimullu angalanissamut akiliunneqarsinnaavoq.
Imm. 4. Ilinniagaqarneq imaluunniit ilinniagaqarfimmiinneq qaammatinit qulinit sivikinneruppat imm. 1-imit 3-mut aalajangersakkanisut angalanermut akiliussisoqarsinnaanngilaq.§ 38. Angalanermut aningaasartuutit tamakkerlugit matussuserneqartarsinnaapput
1) pinngitsoorani naammassisassanik specialeqarnerni aamma ilinniaqqinnerni pingaarnerusunik naammassiniagaqarnerni,
2) ilinniagassanut tunngasunik suliaqarluni qaammammit ataatsimit sivisurierusumik sungiusarf immiinnerni aamma
3) ilinniagassanut tunngasunik suliaqarluni ilinniarfimmi allamiinnermi, soorlu aamma nunani allaniittumi.
Imm. 2. Imm. 1 naapertorlugu angalanissaq siunnersuisumit akuerineqassaaq.
Imm. 3. Taama angalanissaq ajornanngippat aasakkut atuanngiffimmi imaluunniit juullikkunni atuanngiffimmi akiliunneqarluni angalanissap nalaaniitinniartariaqarpoq.§ 39. Annerusumik ilinniagaqarluni nunani allaniinnissamut qaammatit arfinillit sinnerlugit sivisussuseqartussamut, nunani tamalaani ilinniarnertuunik paarlaateqatigiissitsisarnissamut suliniaqatigiiffinnit aaqqissuunneqartumut, Kalaallit Nunaanni nunagisap Københavnillu akornanni siumut utimullu angalanissamut akiliussisoqartassaaq.
§ 40. Ilinniagaqartup qaniginerpaanerusaanik napparsimaruluttoqartillugu toqusoqartilluguluunniit illoqarfiup ilinniagaqarfiusup qaniginerpaanerusallu najugaata akornanni angalanissamut akiliussisoqartassaaq.
Imm. 2. Qaniginerpaanerusanik pineqarput ilinniagaqartup angajoqqaavi, angajoqqaavisa angajoqqaavi, qatanngutai, qitornai aapparisaalu.
Imm. 3. Aallannginnermi nakorsap nalunaarutaatigut uppernarsarneqassaaq nappaat ima peruluutaatigisoq ilaqutaasut pisarnertut aggersarneqarlutik. Napparsimasup toqunera toqunermut uppernarsaatitut allagartap assigisaataluunniit nuutinneranik uppernarsarneqassaaq.
Kapitali 8.
Pigisanik angallassineq.§ 41. §-it 30 aamma 32 naapertorlugit angalanermut akiliussisoqarnissaa akuersissutigineqaraangat containerip 7,32 m3-it angullugit annertutigisup assartorneranut aningaasartuutissat tamakkerlugit matusissutissalerneqartassapput
1) § 31 naapertorlugu meeqqat angalaqataanissaannut akiliussisoqarnissaa akuersissutigineqaraangat, imaluunniit
2) aappariit ilinniagaqartut angalaqatigiissagaangata ukiullu ilinniarfiusussat ukiut pingasut sinnersimassagaangatigik.
Imm. 2. Aappariit ilinniagaqartut ornitamut isorartoqatigiissumukartussat containerimik ataatsimik atugaqarnissaminnut akuerineqarsinnaapput.
Imm. 3. Imm. 1 naapertorlugu containerip assartorneqarnissaanut aningaasartuutissat akuerineqaraangata assartuinermut, poortuinermut puuiaanermullu kiisalu sillimmasiinermut aningaasartuutissat tamakkerlutik matusissutissalerneqartassapput.
Imm. 4. Umiarsuakkut assartuinissaq ajornaraangat imm. 1 naapertorlugu containerimik assartuinermut atugassanut taarsiullugit timmisartukkut nassiussinissamut, nassiussat akuerisaasumit oqimaannerunerannut imaluunniit ittujaariinnarallarnissamut pisariaqartunut aningaasartuutissanut 1300,- kruunit angullugit matusissutissatut aningaasaliissutigineqartassapput.
Kapitali 9.
Akiligassanut kinguaattoorutit.§ 42. Nerisanut ineqarnermullu akiligassanut kinguaattoorutit, ilinniagaqarnersiutissat annaartoorutaat il.il. pillugit nalunaarutip tiguneqarnerata kingornagut tamakku qaammatini pingasuni siullerni ernialerneqartassanngillat. Ernialersugassanngoraangata ernialiunneqartassaaq nationalbankip ernialiussaa 4 % p.a.-mik ilasaq. Ernialiineq pisassaaq qaammatit tamaasa.
Kapitali 10.
Taarsigassarsianut qularnaveeqqusiineq.§ 43. Kultureqarnermut, Ilinniartitaanermut Ilisimatusarnermullu Pisortaqarfik ilinniarnermi atugassanik Kalaallit Nunaanni aningaaserivinni taarsigassarsianut qularnaveeqqusiisinnaavoq taarsigassarsinermi piumasarineqartut Namminersornerullutik Oqartussat aningaaseriviullu akornanni isumaqatigiissutaasut malillugit.
Imm. 2. Aaqqissuussineq pilersinneqassaaq aningaaserivimmit taarsigassarsinertut, taarsigassarsinermilu taarsigassarsiaqalernermut allagartaq allaffissiakkut Kultureqarnermut, Ilinniartitaanermut Ilisimatusarnermullu Pisortaqarfiup akuerisaatigut atsiorneqassaaq.§ 44. Taarsigassarsianut ilinniarnermi atugassanut qularnaveeqqusiisoqarsinnaavoq taamaallaat ilinniagaqartunut 18-inik ukioqalereersimasunut ilinniagaqarnersiuteqarnissamullu pissutissarititaasunik eqqortitsisunut.
Imm. 2. Ilinniagaqartunut ilinniaqqinnissamut piareersartunut imaluunniit tunngaviusumik ilinniagaqartunut qularnaveeqqusiisoqarsinnaanngilaq, tak. ilanngussaq 1.
Imm. 3. Immikkut ittunik pissutissaqartillugu Kultureqarnermut, Ilinniartitaanermut Ilisimatusarnermullu Pisortaqarfik imm. 2-mi aalajangerneqartumik saneqqutsisinnaavoq.§ 45. Taarsigassarsianut qularnaveeqqusiisoqarsinnaavoq annerpaamik aningaasat ukiumoortumik aningaasanut inatsisini inummut ataatsimut ukiumi ataatsimi taarsigassarsiassaatitaasutut annerpaatut aalajangerneqartut iluanni.
Imm. 2. Qaammatinit aqqanilinnit sivikinnerusumik ilinniagaqarnersiaqartitsinissaq akuerineqarpat aningaasat qularnaveeqqusiissutit affaannanngortinneqassapput.§ 46. Qularnaveeqqusiinissamik neriorsuummi § 45, imm. 1 naapertorlugu taarsigassarsiassaatitaasut annerpaat nalunaarneqassapput. Qularnaveeqqusikkanulli aamma ilaatinneqassapput erniat akileraarutillu taarsigassarsinermut atasumik pisussat, taarsigassarseqqaarnermulli imaluunniit qularnaveeqqusiussat amerlineqarnerannut atasumik aningaasartuutit pinnagit.
Imm. 2. Qularnaveeqqusiisoqarnissaanut periarfissaq atorneqanngitsoq ileqqaarneqarsinnaanngilaq imaluunniit nuunneqarsinnaanani ukiumit ilinniagaqarnersiaqarfissamit ukiumut ilinniagaqarnersiaqarfissamut allamut.§ 47. Qularnaveeqqusiineq atortinneqaannassaaq taarsersuinerup ingerlanerani, taarsigassarsisup ilinniarnerup naammassinerata kingornatigut ukioq ataaseq qaangiutsinnagu aningaaserivik isumaqatigiissuteqarfigisimappagu taarsersuinerup ingerlaannarnissaa pillugu. Ilinniarnerli kipitinneqarpat qaammatit pingasut qaangiutsinnagit isumaqatigiissuteqartoqassaaq.
Imm. 2. Qularnaveeqqusiineq atortinneqaannassaaq ilinniarnerup naammassineranit imaluunniit kipitinneranit sivisunerpaamik ukiuni qulini.
Imm. 3. Taamaattorli immikkut ittunik pissutissaqartillugu Kultureqarnermut, Ilinniartitaanermut Ilisimatusarnermullu Pisortaqarfiup qularnaveeqqusiineq ukiut qulit sinnerlugit sivitsorsinnaavaa.§ 48. Taarsigassarsiat pillugit akiligassaqalernermut allagartap assinga aningaaseriviup Kultureqarnermut, Ilinniartitaanermut Ilisimatusarnermullu Pisortaqarfimmut nassiutissavaa.
Imm. 2. Aningaaseriviup taarsigassarsianut kontut qularnaveeqqusikkat tamaasa sinneruttut nalunaarlugit ukiumoortumik naatsorsukkat decembarip naalernerani Kultureqarnermut, Ilinniartitaanermut Ilisimatusarnermullu Pisortaqarfimmut tunniuttassavai.
Imm. 3. Aningaaseriviup qaammatit pingasut naaneri tamaasa Namminersornerullutik Oqartussat nalunaarut una naapertorlugu qularnaveeqqusikkatut pisussaaffigisaannut tamanut nalunaarsukkat tunniuttassavai.
Imm. 4. Taarsigassarsisoq akilersuutissanik marluk sinnerlugit akiliinngitsoorsimappat aningaaseriviup Kultureqarnermut, Ilinniartitaanermut Ilisimatusarnermullu Pisortaqarfik tamatuminnga ilisimatissavaa.§ 49. Aningaaseriviup piumasarisinnaavaa qularnaveeqqusiinerup unitsinneqarnissaa, taarsigassarsiat piffissanut killiliussat imm. 1-imi taaneqartut naatinnagit akilersorneqarnissaat isumaqatigiissuteqaatigisinnaanngikkuniuk.
Imm. 2. Kultureqarnermut, Ilinniartitaanermut Ilisimatusarnermullu Pisortaqarfiup qularnaveeqqusiussat sukkulluunniit akileqqusinnaavai.
Imm. 3. Taarsigassarsiat akilerneqartussanngortinneqarnerisa kingornagut ernianut angissuserititassaq taarsigassarsisup aningaaseriviullu isumaqatigiissutigisaannit allaanerusoq Kultureqarnermut, Ilinniartitaanermut Ilisimatusarnermullu Pisortaqarfiup aalajangersinnaavaa. Ernianulli angissuserititassaq minnerpaamik tassaavoq Nationalbankip ernialiussaa 4 % p.a.-mik ilasaq. Ernialiineq pisassaaq qaammatit tamaasa.
Kapitali 11.
Paasissutissiisussaatitaaneq, maalaaruteqarsinnaaneq aamma atortuulerfik.§ 50. Pissutsit nalunaarut una naapertorlugu ilinniagaqarnersiaqarnissamut taarsigassarsianullu qularnaveeqqusiiffigineqarnissamut pingaaruteqartut inuussutissarsiutitigut ilinniartitaaneq, ilinniagaqarnermut tapiissutit inuussutissarsiutinullu tunngasunik siunnersuineq pillugit Inatsisartut peqqussutaanni, § 12-imi, paasissutissiisussaatitaaneq pillugu aalajangersakkani pineqartunut ilaapput.
§ 51. Nalunaarut una naapertorlugu aalajangiineq aalajangiinerup tiguneranit sapaatit akunneri sisamat qaangiutsinnagit allaganngorlugu Ilinniagaqarnersiutinut Orulluteqartarfimmut maalaarutigineqarsinnaavoq.
Imm. 2. Maalaarutiginnissinnaaneq aalajangiinermi ilanngullugu ilisimatitsissutigineqassaaq.§ 52. Nalunaarut una atortuulissaaq januaarip aallaqqaataani 1994-imi.
Imm. 2. Aalajangersakkat makku atorunnaassapput:
1) Namminersornerullutik Oqartussat ilinniagaqarnersiutit pillugit nalunaarutaat nr. 17, 20. juli 1992-imeersoq.
2) Kultureqarnermut, Ilinniartitaanermut Ilisimatusarnermullu Pisortaqarfiup ilinniagaqarnersiutit pillugit kaajallaasitaa nr. 8/92.
3) Ilinniartitaanermut Pisortaqarfiup sunngiffimmi atuartitsinerup ataani faginut ataasiakkaanut, ilinniarnermi tapisianik tunniussisarnerni aalajangersakkat pillugit kaajallaasitaa nr. 1/90.
4) Kallaallit Nunaanni aningaaserivinni ilinniagaqartunut taarsigassarsianut Namminersornerullutik Oqartussat qularnaveeqqusiisarnerat pillugu Namminersornerullutik Oqartussat nalunaarutaat nr. 16, 17. juli 1992-imeersoq.
5) Kalaallit Nunaanni aningaaserivinni ilinniagaqartunut taarsigassarsianut Namminersornerullutik Oqartussat qularnaveeqqusiisarnerat pillugu Kultureqarnermut, Ilinniartitaanermut Ilisimatusarnermullu Pisortaqarfiup kaajallaasitaa nr. 9/92.
Imm. 3. Taamaattorli imm. 2-mi aalajangersakkat taaneqartut malillugit akuersissutit qularnaveeqqusiinerillu atuuffissamik naanissaata tungaanut atuutiinnassapput piumasarisaasut allanngortinnagit.
Imm. 4. Ilinniagaqarnermi Namminersornerullutik Oqartussanut akiitsut allatut aalajangiisoqarsimatinnagu ilinniagaqarnerup nalaani ernialersorneqassanngillat. Ilinniagaqarnerup naammassinerata kipitinnerataluunniit kingornatigut akiitsut ernialersorneqassapput Nationalbankip ernialiussaanik 1% p.a.-mik ilasamik. Ernialiineq pisassaaq qaammatit tamaasa.
Namminersornerullutik Oqartussat, ulloq 13. december 1993.
Marianne Jensen/
Ejvind Christoffersen