Peqqinnissamut ataatsimiititaliat peqqinnissamullu pilersaarusiat pillugit Namminersornerullutik Oqartussat nalunaarutaat nr. 38, 15. novembari 1993-imeersoq.
Peqqinnissaqarfiup siulersorneqarnera aaqqissuussaaneralu pillugit Inatsisartut peqqussutaanni nr. 7-imi 30. oktober 1992-imeersumi § 19 naapertorlugu aalajangersarneqarpoq:
Peqqinnissamut ataatsimiititaliaq.
§ 1. Peqqinnissaqarfeqarfinni tamani peqqinnissamut ataatsimiititaliamik pilersitsisoqassaaq makkuninnga siunertaqartunik;
1) peqqinnissaqarfeqarfimmi peqqissutsimut najugaqartut oqartussaaqataanerat akisussaanerallu nukittorsassallugu,
2) peqqinnissaqarfeqarfiup iluani suliassat ataqatigiissumik pilersaarusiorneqarlutillu tulleriiaarneqartarnissaat siuarsassallugu, kiisalu
3) peqqinnissaqarfiup susassaqarfiillu attuumassutillit akornanni suleqatigiinneq inerisarlugulu nakussassassallugu.§ 2. Peqqinnissamut pilersaarusiap naammassillugu suliap Peqqinnissamut Avatangiisinullu pisortaqarfimmut kingusinnerpaamik 31. december nassiunneqartinnani ukiut tamaasa kommunalbestyrelsimut oqaaseqarfigisassanngorlugu saqqummiunneqarnissaanut Peqqinnissamut ataatsimiititaliaq akisussaavoq.
Imm. 2. Taamaaliortoqareerneragut nunami tamarmi peqqissuseq pillugu peqqinnissaqarfillu ataatsimut isigalugit Naalakkersuisut ukiumoortumik nalunaarusiaannut peqqinnissamut pilersaarusiat ataasiakkaat toqqammavilersuutaasassapput.§ 3. Peqqinnissamut ataatsimiititaliap peqqinnissaq pillugu pilersaarusiap naammassillugu suliap nuutinnera Pitsaaliuinermi Siunnersuisoqatigiinnut nassiuttassavaa.
Peqqinnissamut ataatsimiititaliap sulinera.
§ 4. Peqqinnissamut ataatsimiititaliamut ilaasortaassapput peqqinnissaqarfeqarfimmi nakorsaaneq, napparsimasunik paarsisut pisortaat, peqqinnissaqarfeqarfimmi kigutit nakorsaat kiisalu inuit sisamat kommunalbestyrelsimut toqqarneqartut, taakkunannga minnerpaamik marluk kommunalbestyrelsimut ilaasortaasussaanngitsut.
Imm. 2. Ataatsimiititaliap qinigaaffiata kommunimi qinigaaffiup sivisussusia malittarissavaa. Peqqinnissaqarfeqarfimmi nakorsaaneq nutaamik qinersereernermi ataatsimiitialiap siullermeerluni ataatsimiinnissaanut ataatsimiigiaqqusisassaaq. Peqqinnissamut ataatsimiititaliat ataasiakkaat narnminneerlutik suleriaasissartik aalajangersartassavaat.
Imm. 3. Peqqinnissaqarfeqarfinni kigutit nakorsaat, peqqinnissaqarfeqarfimmik ataaseq sinnerlugu sullissaqartut peqqinnissamut ataatsimiititaliani pineqartuni tamani peqataatinneqartassapput.
Imm. 4. Anguniarneqassaaq peqqinnissamut ataatsimiititaliami ilaasortaasut suliassiissutinut suliarineqartussanut tunngassuteqartunik soqutigisaqarlutillu ilisimasaqartuunissaat.
Imm. 5. Ataatsimiititaliap allattoqarf eqarnissaa peqqinnissaqarfeqarfiup isumagisassavaa.§ 5. Ataatsimiitialiami ilaasortat kommunalbestyrelsimit toqqakkat aningaasarsiaqartinneqanngitsut, ullormusiaqartinneqanngitsut sulinerminnilluunniit annaasaqaatinik kommunimit taarsiiffigineqarneq ajortut, peqqinnissaqarfimmit ullormuisaqartinneqartassapput tamatuma nalaani kornmunalbestyrelsimut ilaasortanut ullormusiaritinneqartartut angeqqataannik. Taamaattorli peqqinnissaqarfik annerpaamik ukiumut ataatsimiinnerni sisamani ullormuisaqartitsisassaaq.
Peqqinnissamut pilersaarusiaq.
§ 6. Peqqinnissamut ataatsimiititaliat tamarmik ukiut tamaasa sumiiffimminni peqqinnissaq pillugu pilersaarusiortassapput makkunannga siunertalimmik:
1) peqqinnissaqarfeqarfimmi peqqinnissakkut pissutsit atuuttut takussutissiussallugit,
2) peqqinnissaqarfeqarfiirani suliassat aqussallugit, pilersaarusiussallugit tulleriaarlugillu pingaanersiussallugit, kiisalu
3) peqqinnissaqarfiup tamarmiusup ataatsimut peqqinnissaq pillugu pilersaarusiorneqarneranut ilangaaqqutaassallutik.§ 7. Peqqinnissamut pilersaarusiap immikkoortua siulleq imaqassaaq immikkoortunik killiffigisanik allaaserinnittunik tassani allaaserineqassallutik peqqinnissaqarf eqarfimmi:
1) peqqinnissakkut pissutsit atuuttut,
2) peqqinnissakkut sullinneqarneq,
3) pitsaaliuilluni peqqinnissamillu siuarsaaniarluni qanoq iliuusaasimasut, aamma
4) upalungaarsimaneq susassaqarfinnillu attuumassuteqartunik allanik suleqateqarneq.
Imm. 2. Killiffigisat pillugit immikkoortumi naliliinerit ataasiakkaat aallaavigalugit peqqinnissamut pilersaarusiap immikkoortuata aappaani ukiumi aggersumi suliniutissatut pilersaarutigineqartut nassuiaatigineqassapput.
Imm. 3. Peqqinnissamut pilersaarutip immikkoortuisa pingajuanni ukiuni tulliuttuni sisamani suliniutissatut pilersaarutigineqartut nassuiaatigineqassapput.
Atortussanngortitsineq
§ 8. Nalunaarut una 15. novembari 1993 atuutilissaaq
Namminersornerullutik Oqartussat, ulloq 15. novembari 1993.
Ove Rosing Olsen/
Torben Cordtz