Avanersuup Kommuniani nunaqarfimmi Siorapalummi imigassanik aalakoornartulinnik kimittuunik kimikinnerusunillu nioqquteqarnerup sassaallertarnerullu unitsinneqarneri pillugit Namminersornerullutik Oqartussat nalunaarutaat nr. 33, 5. oktober 1993-imeersoq.

Imigassanik aalakoornartulinnik nioqquteqarneq sassaallertarnerlu pillugit Inatsisartut inatsisaanni nr. 23, 30. oktober 1992-imeersumi § 28-mi, imm. 1, nr. 2 aamma § 29-mi imm. 3 malillugu aalajangersarneqarpoq:

 

§ 1. Avanersuup Kommuniani nunaqarfimmi Siorapalummi imigassanik aalakoornartulinnik kimittuunik kimikinnerusunillu nioqquteqarneq sassaallernerlu tamarmi inerteqqutaavoq.

§ 2. § 1-imik unioqqutitsinerit akiliisitsissutigineqarsinnaapput.

§ 3. Nalunaarut manna atortuulersinneqarpoq 5. oktober 1993 aallarnerfigalugu.
Imm. 2. Nunaqarfik Siorapaluk eqqarsaatigalugu Avanersuup Kommuniani imigassanik aalakoornartulinnik killilersuineq pillugu Namminersornerullutik Oqartussat nalunaarutaat nr. 6, 29. maj 1992-imeersoq atorunnaarsinneqarpoq. Piffissami matusiffiusumi imigassarsiutissanik killilersuinermi pointinik katersisoqarsinnaanngilaq.

Namminersornerullutik Oqartussat, ulloq 5. oktober 1993.

Henriette Rasmussen

/

Nukákuluk Kreutzmann