Usinik angallassisinnaanermi akitsuutit pillugit Namminersornerullutik Oqartussat nalunaarutaat nr. 32, 30. september 1993-imeersoq.
Kalaallit Nunaannut, Kalaallit Nunaannit Kalaallillu Nunaanni usinik imaatigut angallassineq pillugu Inatsisartut peqqussutaanni nr. 16, 30. oktober 1992-imeersumi § 6, imm. 2 aamma § 8, imm. 2 naapertorlugit makku aalajangersarneqarput:
§ 1. Usinik imaatigut angallassisinnaanermut akuersissummik peqartut nassiussanut angallanneqartunut angallassinermut akiliutigitinneqartunit akiliisassapput.
Imm. 2. Aningaasat, assartukkap isumagineranut, tamatumani ilaallutik usingiarneq usilersornerlu, ullut uninngatitsiffiusinnaasut aalajangersimasut assigisaallu, toqqaannartumik toqqaannanngitsumillu akiliutigitinneqartut ilaannit akiliisoqartassaaq. Containerinik, quersuarnik, inissiiffissamik attartornermut tapinullu allanut akiliutigitinneqartunit akiliuteqartoqassanngilaq.§ 2. Assartukkat isumagineranut akiliutigitinneqartup angissusilerneqarnera illuatungeriit pituttorsimanngitsut akornanni atugassarititaasunit allaasumik angissusilerneqassappat Akileraartarnermi Pisortaqarfiup akitsuutit naatsorsornissaannut tunngaviusussaq, illuatungeriit pituttorsimanngitsut akornanni atugassarititaasut nammineq aalajangerneqarsinnaasut naapertorlugit angissusilerneqassagaluaruni tunngavigineqarsinnaasussap angeqataanut angissusilersinnaavaa.
§ 3. Akiliisussaatitaaneq toqqaannartumik toqqaannanngitsumilluunniit akiliutigitinneqartunut makkununnga atuutinngilaq:
1) Kalaallit Nunaanni illoqarfiup nunaqarfiullu akornanni usinik assartuineq,
2) aalisakkanik aalisakkanillu nioqqutissianik Kalaallit Nunaanni nunami aalisakkanik tunisassiorfinni suliarineqartussanik assartuineq,
3) aalisakkat aalisakkanillu nioqqutissiat umiarsuup tunitsiviup nunaqarfinnut isorliunerusunullu tunisaanik, tassannqalu assartorneqartunik assartuineq,
4) Kalaallit Nunaanniit usinik nassiussanik Danmarkimi, Savalimmiuni nunaniluunniit allani umiarsualivimmiit nunamut pinqajuusumut assartueqqinneq,
5) usinik nassiussanik Kalaallit Nunaannut ingerlatitanik nunamit pingajuusumiit Danmarkimi, Savalimmiuni nunamiluunniit allami umiarsualivimmut assartuineq, aamma
6) ingerlatsiviup imaluunniit inuup sanaartugassaanut atortussanik assigisaannillu Kalaallit Nunaanni illoqarfimmut ingerlatsiviup imaluunniit inuup angerlarsimaffianut, tassanngaaniilluunniit imaluunniit illoqarfimmut qanittuaniittumut, tassanngaaniilluunniit assartugassanik assartuineq, assartuineq umiarsuakkut nalinginnaasumik akiliuteqartitsilluni usinik assartuutaanngitsukkut ingerlanneqarpat.§ 4. Akitsuutit akiligassanngussapput usit umiarsuarmut assartuinermi akitsuutinik akiliisussaatitaasumut nassiussatut tunniunneqarnerini.
Imm. 2. Usinik imaatigut assartuisinnaanermut akuersissummik peqartup akitsuutit qaammatikkaartumik naatsorsortassavai, qaairanatillu akiligassanngorfiisa tulliata 30-ani kingusinnerpaamik Akileraartarnermi Pisortaqarfimmut akilerlugit.
Imm. 3. Nalunaarut imm. 2-mi taaneqartoq, akitsuutit akilerneqarfissaat kingusinnerpaaq ilutigalugu, Akileraartarnermi Pisortaqarfimmut nassiunneqassaaq.
Imm. 4. Naatsorsuutit qanoq suliarineqartarnissaat pillugit Akileraartarnermi Pisortaqarfik erseqqinnerusunik aalajangersagaliussaaq.§ 5. Ingerlatsivik imaluunniit inuk piffissaagallartillugu akitsuutinik akiliinngitsoq imaluunniit nalunaarummik tunniussaqanngitsoq Akileraartarnermi Pisortaqarfimmit peqquneqarsinnaavoq qaammammit ataatsimit sivikinnerusumik piffissaqarluni nalunaaruteqartarnissaanut.
Imm. 2. Aammattaaq ingerlatsivik imaluunniit inuk piffissaagallartillugu akitsuutinik akiliinngitsoq Akileraartarnermi Pisortaqarfimmit peqquneqarsinnaavoq akiliinissamut piffissarititaasumit § 4, imm. 2-mi taaneqartumit sivikinnerusumik piffissaqarluni akiliisarnissaminut, aammalu piumaffigineqarluni akiliinissamut qularnaveeqqusiinissamik.§ 6. Usinik imaatigut assartuisinnaanermut akuersissut atorunnaarsinneqarsinnaavoq akitsuutit arlaleriartumik piffissaagallartillugu akilerneqartarsimanngippata.
§ 7. Nalunaarut piffissaagallartillugu nassiunneqanngippat imaluunniit ingerlatsiviup inuulluunniit akitsuutinut akiligassaasa annertussusaat ingerlatsiviup imaluunniit inuup naatsorsuutai tunngavigalugit naatsorsorneqarsinnaanngippata, Akileraartarnermi Pisortaqarfiup akitsuutinut akiligassat missingersuusiornikkut angissusilersinnaavai.
§ 8. Nalunaarut una naapertorlugu Akileraartarnermi Pisortaqarfiup aalajangiineri qaammatit pingasut qaangiutsinnagit Naalakkersuisunut ingerlateqqinneqarsinnaapput.
Imm. 2. Naalakkersuisut aalajangiineri qaammatit pingasut qaangiutsinnagit eqqartuussisunut suliassiissutigineqarsinnaapput.§ 9. Nalunaarut una naapertorlugu Akileraartarnermi Pisortaqarfiup nakkutilliinissaanut aalajangiinissaanullu atugassanik Akileraartarnermi Pisortaqarfiup qinnuteqarneratigut pisortat oqartussaasut paasissutissanik sunilluunniit nalunaaruteqartassapput.
§ 10. Usinik imaatigut assartuisinnaanermut akuersissummik peqartup akitsuutit akilerneqarnissaat akisussaaffigaa.
§ 11. § 4, inun. 2-mi 3-milu aanuna § 5-imi aalajangersakkanik unioqqutitsineq akiliisitsinermik pillarneqaatissiissutaasinnaavoq.
§ 12. Nalunaarut ullormi 1. oktober 1993-imi atuutilissaaq.
Imm. 2. Tamatumunnga ilutigitillugu usinik angallassisinnaanermi akitsuutit pillugit nalunaarut nr. 31, 17. december 1992-imeersoq atorunnaarsinneqarpoq.
Namminersornerullutik Oqartussat, ulloq 30. september 1993.
Emil Abelsen/
Kaare Hagemann