Akiliilluni aallaaniarneq aalisarnerlu pillugit Namminersornerullutik Oqartussat nalunaarutaat nr. 26, 9. september 1993-imeersoq.

Inuussutissarsiutiginagu piniarneq, aallaaniarneq aalisarnerlu pillugit Inatsisartut inatsisaanni nr. 11-mi 29. april 1992-imeersumi § 5 taamatullu pinngortitamik eqqissisimatitsineq pillugu Inatsisartut inatsisaanni nr. 11-mi 12. november 1980-imeersumi § 2-mi imm. 1, § 18 aamma § 19 naapertorlugit aalajangersarneqarpoq:

 

Nalunaarutip atuuffii

§ 1. Nunat aalisarfiillu Kalaallit Nunaata oqartussaaffii tamarmik nalunaarummi pineqarput.
Imm. 2. Nalunaarummi pineqarput aallaniameq aamma piniarneq aammalu aalisarneq inunnit inuussutissarsiutiginagu piniarneq, aallaaniarneq aalisarnerlu pillugit inatsimmi § 4-mi pineqartunit ingerlanneqartut.
Imm. 3. Taamatuttaaq nalunaarummi pineqarpoq miluumasunik timmissanillu tamanik aallaaniarneq inunnit inuussutissarsiutigalugu piniarneq aallaaniarnerlu pillugit Inatsisartut inatsisaanni § 3-mi aammalu inuussutissarsiutiginagu piniarneq, aallaaniarneq aalisarnerlu pillugit Inatsisartut inatsisaanni §§ 2-mi 3-milu pineqartunit ingerlanneqartoq.

 

Aallaaniarsinnaanermut aalisarsinnaanermullu uppernarsaat

§ 2. § 1-imi imm. 2 malillugu aallaaniarneq aalisarnerlu taamaallaat inunnit aallaniarnissamut uppernarsaatilinnit aalisarnissamulluunniit uppernarsaatilinnit ingerlanneqarsinnaapput.
Imm. 2. Naalakkersuisut imaluunniit Naalakkersuisut taamaaliornissamut piginnaassusiligaat aalisarsinnaanermut uppernarsaammik tunniussisassapput. Inunnut 18-it inorlugit ukiulinnut atuupput,
1) kapisilinniarnermut eqalunniarnermullu uppernarsaatitaarsinnaassasut; inuk inersimasumik ilaqarpat, inuusuttoq inersimasup aalisarsinnaanermut uppernarsaataanut ilaatinneqarpat aamma
2) aalisakkanik allanik aalisarneq killilersugaanngitsoq, kisiannili qassinik ukioqarnermut uppernarsaat nassarneqassalluni.
Imm. 3. Aallaaniarsinnaanermut uppernarsaat naalakkersuisunit akiliisitsilluni aallaaniarnermik aaqqissuussisartoq taamaaliornissamut akuersissummik pigisaqartoq aqqutigalugu tunniunneqassaaq, § 7 takuuk. Inuit 18-inik ukioqalereersimasut kisimik aallaaniarsinnaanermut allagartartaarsinnaapput.

§ 3. Inuit § 1-imi imm. 3-mi pineqartut aallaaniarsinnaanermut uppernarsaatitaarnermikkut piumasaqaatit akiliilluni aallaaniarsinnaanermut atuuttut malillugit inuussutissarsiutiginagu aallaniarsinnaatitaalissapput.

§ 4. Aallaaniarsinnaanermut uppernarsaat aamma aalisarsinnaanermut uppernarsaat inummut namminermut tunngapput, tunniuteqqusaanatik, atukkiuteqqusaanatik assigisaannilluunniit, taamaattorli § 2-mi imm. 2 takuuk.
Imm. 2. Aallaaniarsinnaanermut uppernarsaat taamatullu aalisarsinnaanermut uppernarsaat aallaaniarnermi aalisarnermilu nassarneqartassapput politiillu imaluunniit inuit allat taamatut nakkutilliinissamut piginnaatitaaffillit piumasaqarnerisigut takutinneqartassallutik.

§ 5. Aallaaniarsinnaanermut aalisarsinnaanermulluunniit uppernarsaatinik tunniussisoqartillugu akiliuteqartoqartassaaq. Uppernarsaammik tunniussisumut akiliisoqassaaq.
Imm. 2. Akiliutip annertussusia Naalakkersuisunit aalajangerneqassaaq.
Imm. 3. Akiliutit Naalakkersuisunut imaluunniit siunertamut Naalakkersuisut aalajangigaannut nakkartinneqassapput.

§ 6. Aallaaniarneq, aalisarneq imaluunniit eqqissisimatitsineq pillugit maleruagassanik atuuttunik unioqqutitsineq aammalu sakkut pillugit inatsimmi maleruagassanik unioqqutitsineq aallaaniarsinnaanermut aalisarsinnaanermulluunniit uppernarsaammik arsaarinninnermik kinguneqarsinnaavoq.

 

Akiliuteqartitsilluni aallaaniartitsineq

§ 7. Akiliuteqartitsilluni aallaaniartitsinerit ataatsimut aaqqissuussamik angalanertut aaqqissuunneqartassapput, taamaalilluni sullissinerit akilersinneqartut tamarmik aallaaniarnermut attuumassuteqartut aammalu aallaaniarnermut atatillugu angalanerit najugaqarnerillu aaqqissuussinermut ilanngunneqarsimassallutik.
Imm. 2. Akiliuteqartitsilluni aallaaniartitsisarnerit taamaallaat inunnit ingerlatseqatigiiffinnilluunniit Naalakkersuisunit akuerineqarsimasunit tamatumalu kingornatigut taamaaliornissamut akuersissuteqarfigineqarsimasunit aaqqissunneqarsinnaapput.
Imm. 3. Akiliuteqartitsilluni aallaaniartitsinermik aaqqissuussisartutut akuerineqassagaanni makku uppernarsartariaqarput:
1) Aallaaniarluni angalanernik aaqqissuussinermik mi-silittagaqarneq.
2) Ilisimasortatut piginnaassusilinnik atuineq.
Imm. 4. Ilisimasortatut piginnaassusillit inuit tassaassapput,
1) uumasunik piniakkanik naleqquttumik ilisimasallit,
2) tammajuitsussanik suliaqarsinnaasut,
3) allamiut oqaasiinik atorneqartunik ilisimasaqartut,
4) nunamik aallaaniarfimmik ilisimannittut,
5) aallaaniarnermut tunngasunik immikkut ilisimasallit aamma
6) akiliuteqartitsilluni aallaaniartitsinerni isumannaallisaanermut tunngasutigut illersorneqarsinnaasumik angalatitsisinnaasut.

§ 8. Akiliisitsilluni aallaaniartitsinermik aaqqissuussisup aallaaniarnerup ingerlanneqarnera isumagissavaa. Taammaattorli pissutsit immikkut itsillugit aaqqissuussisartup aaqqissuussisartunut allanut Naalakkersuisunit akuerineqarsimasunut sullissisarnini tuniniarsinnaavai.
Imm. 2. Allaaniarluni angalatitsinernik aaqqissuussisartoq aallaaniarluni angalareernerit tamaasa nalunaarusiamik Naalakkersuisunut nassiussaqartassaaq, uumasut pisarineqartut amerlassusiat, suiaassusiat utoqqaassusiallu aammalu piffissaq sumiiffillu pisaqarfiusoq allattorlugit.

§ 9. Akiliisitsilluni aallaaniartitsinermik aaqqissuussinissamut akuersissut utertinneqarsinnaavoq imatut pisoqarsimassappat
1) ilisimasortat piginnaanillit atorneqanngippata;
2) aallaaniarnermut eqqissisimatitsinermullu aalajangersakkanik atuuttunik aamma sakkut pillugit inatsimmi maleruagassanik aalajangersakkanik unioqqutitsisoqarpat;
3) akuersissuteqarnissamut uumasut pissusii annertuumik allanngorsimappata aamma
4) pisariaqartut pingaarutillit allat aaqqissuussisartup ilisimariigassai naammassineqarsimanngippata.

§ 10. Aalajangersimasunik pisoqartillugu Naalakkersuisut akiliisitsilluni aallaaniartitsisarnermut piumasaqaatinik allanik aalajangersaasinnaapput.

 

Tuttunik nujuitsoqarfiit

§ 11. Tuttunik nujuitsoqarfinni akiliisitsilluni aallaaniartitsinermut akuersissuteqartarnermut piumasaqaatit qinnuteqartoqarneratigut Naalakkersuisut aalajangersassavaat. Kalaallit Nunaanni tuttunik eqqissisimatitsineq pillugu ministeriaqarfiup malittarisassaliaanut 11. juni 1927-imeersumut tapiliussat pillugit ministeriaqarfiup malittarisassaliaani 24. september 1952-imeersumi § 1, 1. oktober 1953-imi aammalu ministeriaqarfiup malittarisassaliaani 12. marts 1968-imeersumi allanngortinneqartoq, apeqqutaatinnagu tamakku atuutissapput.

 

Immikkut akuersissuteqarsinnaatitaaneq

§ 12. Nalunaarummi uani maleruagassanik Naalakkersuisut immikkut saneqqussisinnaatitsissapput tassa ilisimatuutut mississuinerit imaluunniit pissutsit immikkut ittut tamanna pisariaqalersippassuk.

 

Pineqaatissiissutit

§ 13. § 2-mi imm. 1-imik aamma imm. 3-mi nr. 2-mik, § 4-imik aamma § 8-mik unioqqutitsinerit aammalu piumasaqaatinik § 7 aamma § 10 malillugit aalajangersarneqartunik unioqqutitsinerit akiliisitsinermik arsaarinninnermillu kinguneqarsinnaapput .
Imm. 2. Tamakku pillugit suliassat inuussutissarsiutiginagu piniarneq, aallaaniarneq aalisarnerlu pillugit inatsimmi maleruagassat malillugit suliarineqartassapput.

 

Atuutilerfia

§ 14. Nalunaarut 1. januar 1994-imiit atuutilissaaq.
Imm. 2. Tamatumunnga peqatigitillugu aallaaniarsinnaanermut aalisarsinnaanermullu allagartat pillugit Namminersornerullutik Oqartussat nalunaarutaat nr. 22 18. maj 1989-imeersoq atorunnaarsinneqarpoq.

Namminersornerullutik Oqartussat, ulloq 9. september 1993.

Hans Iversen

/

Jens Paulsen