Avanersuup Kommuniani nunaqarfimmi Siorapalummi imigassanik aalakoornartulinnik kimikinnerusunillu nioqquteqarnerup sassaallertarnerullu unitsinneqarnerallarneri pillugit Namminersornerullutik Oqartussat nalunaarutaat nr. 25, 2. september 1993-imeersoq.

Imigassanik aalakoornartulinnik nioqquteqarneq sassaallertarnerlu pillugit Inatsisartut inatsisaanni nr. 23, 30. oktober 1992-imeersumi § 28-mi, imm. 1, nr. 2 aamma § 29-mi imm. 3 malillugu aalajangersarneqarpoq:

 

§ 1. Avanersuup Kommuniani nunaqarfimmi Siorapalummi imigassanik aalakoornartulinnik kimikinnerusunillu nioqquteqarneq sassaallernerlu tamarmi inerteqqutaavoq 30. september 1993 ilanngullugu.

§ 2. § 1-imik unioqqutitsinerit akiliisitsissutigineqarsinnaapput.

§ 3. Nalunaarut manna atortuulersinneqarpoq 2. september 1993 aallarnerfigalugu.
Imm. 2. Nunaqarfik Siorapaluk eqqarsaatigalugu Avanersuup Kommuniani imigassanik aalakoornartulinnik killilersuineq pillugu Namminersornerullutik Oqartussat nalunaarutaat nr. 6, 29. maj 1992-imeersoq atorunnaarsinneqassaaq 30. september 1993 ilanngullugu. Piffissami matusiffiusumi imigassarsiutissanik killilersuinermi pointinik katersisoqarsinnaanngilaq.

Namminersornerullutik Oqartussat, ulloq 2. september 1993.

Henriette Rasmussen

/

Nukákuluk Kreutzmann