Avanersuup Kommuniani nunaqarfimmi Siorapalummi imigassanik aalakoornartulinnik kimittuunik kimikitsunillu nioqquteqartarnerup sassaallertarnerullu unitsinneqarallarnerat pillugu Namminersornerullutik Oqartussat nalunaarutaat nr. 22, 12. august 1993-imeersoq.

Imigassanik aalakoornartulinnik nioqquteqarneq sassaallertarnerlu pillugit Inatsisartut inatsisaanni nr. 23-mi 30. oktober 1992-imeersumi § 28, imm. 1, nr. 2 aamma § 29, imm. 3 tunngavigalugu makku aalajangersarneqarput:

 

§ 1. Avanersuup Kommuniani nunaqarfimmi Siorapalummi imigassanik aalakoornartulinnik kimittuunik kimikitsunillu nioqquteqarneq sassaallertarnerlu tamarmi 31. august 1993 ilanngullugu inerteqqutaavoq.

§ 2. § 1-imik unioqqutitsinerit pillaammik akiliisitsissutigineqarsinnaapput.

§ 3. Nalunaarut manna atortuulersinneqarpoq 12. august 1993 aallarnerfigalugu.
Imm. 2. Nunaqarfik Siorapaluk eqqarsaatigalugu Avanersuup Kommuniani imigassanik aalakoornartulinnik killilersuineq pillugu Namminersornerullutik Oqartussat nalunaarutaat nr. 6 29. maj 1992-imeersoq atorunnaarsinneqarpoq 31. august 1993 ilanngullugu atuuttussamik. Piffissap matoqqatitsiviusup nalaani imigassarsiutissanik killilersuinermi pointinik katersisoqarsinnaanngilaq.

Namminersornerullutik Oqartussat, ulloq 12. august 1993

Henriette Rasmussen

/

Nukákuluk Kreutzmann