Ilanng. II, qup. 1

 

QILALUKKAT QAQORTAT QERNERTALLU ALLEQQUINIK KATERSEVEQ

Kalaallit Nunaata Canada peqatigalugu qilalukkat qaqortat Kalaallit Nunaata Kitaa sinerlugu angalaartartut aasaaneranilu Canadap avannaanniittartut misissuiffiginiarpaat.

Ilaatigut misissorneqassapput qilalukkat qaqortat qernertallu qassiuneri, qanoq utoqqaatigilertarneri aammalu pisarineqartartut arnaviaanerusarnersut angutiviaanerusarnersulluunniit.

Aammaa misissorneqassaaq qilalukkat mingutsitsinermit sunnersimaneqarnersut.

Taamaattumik Naalakkersuisut nalunaarusiorsimavoq, Kalaallit Nunaanni qilalukkat qaqortat qernertallu pisarineqartartut tamarmik alleniisa ilaata tunniunneqartarnissaanik imalimmik.

KIGUTIT (qaqortaneersut) alleqquniittut qilalukkat qanoq utoqqaatiginerisa paasiniarneqaraerinut atorneqartarput. Ukiut tamaasa kigummi qalippernerit qernertut qaqortullu ersarissut pinngortarput.

Alleruata MATTATTAA qilalukkap arnaviaanera angutiviaaneraluunniit paasiniarlugit aamma qilalukkat Kalaallit Nunaata eqqaaniittut Canadami qilalukkat eqqarlerineraat takuniarlugit atorneqartarpoq.

Alleruata ORSORTAA atorneqarsinnaavoq qilalukkap mingutsitsinermik qanoq annertutigisumik timaaniittoqarnersoq paasiniarlugu.

Alleroq pilattussagaanni pilattuut nalinginnaasoq atorneqarsinnaavoq. Qilalugaq pisarineqaannaraangat alleruisa pilattorneqarnissaat pisariaqanngilaq. Qilalukkap qaqortap allerua pilattorneqartassaaq kigutit tallimaasa tunuatunginnguatigut. Qilalukkap qernertap allerua pilattorneqassaaq qilalukkap qaqortap alleruata pilattukkap angeqataata missaanik:

 

 

 

Alleroq, (qilalukkamut qaqortamut atatillugu tallimanik kigutitalik), mattattalik orsutalillu RGT-
mut imaluunniit KNI-mut tunniunneqartassaaq:

 

 

Ilanng. II, qup. 3

ALLEQQUT POORTORNEQARTARNERAT

Qilalukkap allerua pilattorneqareerpat alleroq toqqorneqartassaaq puunut imaluuniit qattanut plastikkiusunut qaqortunut nunaqarfmni amerlanerpaani RGP-mit imaluunniit KNI-mit pigineqartunut. Qattat puulluunniit qimmit inugaannut inissinneqartassapput.

ALLEQQUT PAARINEQARTARNERAT

Ajornanngippat alleqqut qerititsivinniisinneqartassapput. Qattani plastikkiusuniisinneqarpata silamiisinneqarsinnaapput qimminit anguneqarsinnaanngitsumut inissillugit.

QATTAT PUULLU ALLEQQUNIK IMALLIT NASSIUNNEQARTARNERAT

Qattat ulikkaaraangata (imaluuniit umiarsuaq kingulleq aallartinnagu) umiarsuakkoortillugit nassiunneqartassapput uunga:

Kalaallit Nunaata Aalisakkanik Misissuisoqarfia Box 570 3900 Nuuk

Nassiunneqartassallutillu "tigusisumit akiligassanngorlugit".

Aalisarnermi Piniarnermi Nunalerinermilu Pisortaqarfimmit aamma Kalaallit Nunaanni Aalisakkanik Misissuisoqarfimmit suliarineqarpoq.