Kalaallit Nunaata Kitaani tuttunik eqqissisimatitsineq pillugu Namminersornerullutik Oqartussat nalunaarutaat nr. 16, 22. juli 1993-imeersoq.

Inuutissarsiutigalugu piniarnermut aallaaniarnermullu inatsisartut inatsisaanni nr. 12, 22. november 1984-imeersumi § 4 aamma § 9, kiisalu Kalaallit Nunaanni pinngortitamik allanngutsaaliuineq pillugu inatsisartut inatsisaanni nr. 11, 12. november 1980-imeersumi § 2, imm. 1, § 18 aamma § 19 naapertorlugit aalajangersarneqarpoq:

 

§ 1. Nalunaarummi matumani pineqarpoq, inatsisartut inatsisaanni nr. 5, 8. juni 1985-imeersumi § 1 naapertorlugu, Kalaallit Nunaata Kitaa tamarmi, pineqaratilli nunap immikkoortui nujuitsunik tuttuuteqarfittut immikkoortinneqarsimasut.

§ 2. Tuttunik (Rangifer tarandus) piniarneq tamarmi inerteqqutaavoq.

§ 3. § 2-mik unioqqutitsineq akiliisinneqarnermik kinguneqarsinnaavoq, taamatullu aamma pisat taakkuluunniit nalingi arsaarinnissutaasinnaallutik.

§ 4. Nalunaarut manna atortuulerpoq 1. august 1993.
Imm. 2. Tamatumunnga peqatigitillugu Kalaallit Nunaata Kitaa eqqarsaatigalugu atorunnaarsinneqarpoq Namminersornerullutik Oqartussat nalunaarutaat nr. 29, 7. juni 1990-imeersoq Kalaallit Nunaanni tuttunik eqqissisimatitsinermut tunngasoq, allannguuteqartinneqarsimasorlu nalunaarutikkut nr. 19, 21. juli 1992-imeersukkut.
Imm. 3. Tuttunik eqqissisimatitsiviit Namminersornerullutik Oqartussat nalunaarutaat nr. 29, 7. juni 1990-imeersumi, allannguuteqartinneqarsimasukkullu nalunaarutikkut nr. 19, 21. juli 1992-imeersukkut, § 4 naapertorlugu pilersinneqarsimasut atuutinnaassapput.

Namminersornerullutik Oqartussat, ulloq 22. juli 1993

Hans Iversen

/

Henrik Leth