Avanersuup Kommuniani nunaqarfimmi Siorapalummi imigassanik aalakoornartulinnik kimikinnerusunillu nioqquteqarnerup sassaallertarnerullu unitsinneqarnerallarneri pillugit Namminersornerullutik Oqartussat nalunaarutaat nr. 14, 1. juli 1993-imeersoq.
Imigassanik aalakoornartulinnik nioqquteqarneq sassaallertarnerlu pillugit Inatsisartut inatsisaanni nr. 23, 30. oktober 1992-imeersumi § 28, imm. 1, nr. 2 malillugu aalajangersarneqarpoq:
§ 1. Avanersuup Kommuniani nunaqarfimmi Siorapalummi imigassanik aalakoornartulinnik kimikinnerusunillu nioqquteqarneq sassaallernerlu tamarmi inerteqqutaavoq 31. juli 1993 ilanngullugu.
§ 2. § 1-imik unioqqutitsinerit akiliisitsissutigineqarsinnaapput Inatsisartut inatsisaanni § 29, imm. 3 naapertorlugu.
§ 3. Nalunaarut manna atortuulersinneqarpoq 1. juli 1993 aallarnerfigalugu.
Imm. 2. Nunaqarfik Siorapaluk eqqarsaatigalugu Avanersuup Kommuniani imigassanik aalakoornartulinnik killilersuineq pillugu Namminersornerullutik Oqartussat nalunaarutaat nr. 6, 29. maj 1992-imeersoq atorunnaarsinneqassaaq 31. juli 1993 ilanngullugu. Piffissami matusiffiusumi imigassarsiutissanik killilersuinermi pointinik katersisoqarsinnaanngilaq.
Namminersornerullutik Oqartussat, ulloq 1. juli 1993.
Lars Emil Johansen/
Nukákuluk Kreutzmann