Atuagaateqarfimmiittuuteqarnermut akissarsiat pillugit Namminersornerullutik Oqartussat nalunaarutaat nr. 10, 22. april 1993-imeersoq.

Bibliotekeqarneq pillugu inatsisartut peqqussutaanni nr. 4-mi 15. oktober 1979-imeersumi inatsisartut peqqussutaatigut nr. 13-inikkut 30. oktober 1992-imeersukkut allanngortinneqartumi § 12 anaapertorlugu aalajangersarneqarput:

 

Kapitali 1.
Akissarsisinneqartartut

§ 1. Namminersornerullutik Oqartussat kalaallinut atuakkiortunut, nutserisartunut, assiliartalersuisartunut assiliisunullu atuakkanik kalaallisuunik atuakkanil lu immiunneqartunik suliaqarsimasunut suliaallu Nunatta Atuagaateqarfianiitinneqartunut qinnuteqartoqarnera naapertorlugu atuagaateqarfimmiittuuteqarnermut ukiut tamaasa akissarsisitsisassapput.
Imm. 2. Toqusup uillarnera nuleerneraluunniit atuagaateqarfimmiittuuteqarnermut akissarsianik pisartaga qartitaajuaannassaaq.

Kapitali 2.
Suliat akissarsiaqaataasartussat

§ 2. Suliamik ataatsimik nalunaarummi uani pineqarpoq atuakkiaq naqitertinneqarsimasoq ataaseq.
Imm. 2. Atuakkanut immiunneqartunut tunngatillugu suliap ataatsip assigaa taamatut naqitertitaq ataaseq.
Imm. 3. Suliaq akissarsiaqaataasinnaasoq nalunaarsorneqassaaq Nunatta Atuagaateqarfiani.
Imm. 4. Akissarsisinneqartassagaanni suliaq ukiumi akissarsisinneqarumalluni qinnuteqarfiusumi januaarip aallaqqaataani Nunatta Atuagaateqarfianiitinneqalersima sutut nalunaarsugaasimasariaqarpoq.
Imm. 5. Katersugaatit inuiaassutsimut tunngasut Groenlandica nalunaarummi uani pineqanngillat.

§ 3. Akissarsiaqartitsisoqartassaaq sulianut 32-nik imaluunniit taakku sinnerlugit quppernilinnut.
Imm. 2. Akissarsiaqartitsisoqassanngilaq sulianut pingasut sinnerlugit suleqataaffigineqartunut.
Imm. 3. Akissarsiaqartitsisoqartassaaq atuakkianut ilisimasassanut tunngasunik oqaluttualianillu imalinnut.
Imm. 4. Suliani nutsikkani aallaqqaataanilli assili artaliussanut assitanullu akissarsiaqartitsisoqassanngilaq.

 

Kapitali 3.
Akissarsiassat agguaanneqarnerat

§ 4. Aningaasat akissarsiassaasut tamarmiusut, tak. § 6, imm. 1, qinnuteqartoqarnera najoqqutaralugu sulianut akissarsiaqaataasussanut tamanut assigiimmik agguaanneqartassapput.
Imm. 2. Qinnuteqarnissamut killiliussaq ukiumut ataasiarluni tamanut nalunaarutigineqartassaaq, 1993-imi lu akissarsisinneqarnissamik qinnuteqarnissamut aggustusip aallaqqaataa killiliunneqarpoq. Tamatuma kingorna ukiumi qinnuteqarfimmi akissarsisinneqarnissamik qinnuteqarnissamut juunip aallaqqaataa killigitinneqartassaaq.
Imm. 3. Akissarsisinneqarnissamut qinnuteqaatit immersugassanut Nunatta Atuagaateqarfiata suliarisimasaanut allanneqartassapput.

§ 5. Suliamut kisermaassamut ataatsimut akissar siassaq ataaseq akissarsiaritinneqassaaq.
Imm. 2. Suliamut nutsikkamut ataatsimut suliamillu allanngorlugu allaqqitamut ataatsimut akissarsiassap affaa akissarsiaritinneqassaaq.
Imm. 3. Akissarsiassaritinneqartut suleqataasut angeqqatigiimmik agguartassavaat.
Imm. 4. Assiliartaliussat assitallu akissarsissu taassagunik suliap 40%-ia sinnerlugu annertussuseqassapput, akissarsiassarlu angeqqatigiinnik ilanngussisunut taakkununnga agguarneqassaaq.

§ 6. Ukiumut aningaasaliissutigineqartunit, tak. bibliotekeqarneq pillugu inatsisartut peqqussutaanni § 12
a, 90%-ii § 4-mi 5-imilu aalajangersakkat malillugit agguaanneqassapput, aaqqissuussinerlu taanna Nunatta Atuagaateqarfianit siulersorneqassaaq.
Imm. 2. Sinneri 10%-it Kultureqarnermut Pisortaqarfiup aamma Kalaallit Atuakkiortut isumaqatigiissutaat malillugu agguaanneqassapput kalaallisut atuakkiat amerlanerulernissaat kalaallillu (atuakkanik) pilersitsisuusut tapersersornissaat siunertaralugu.

 

Kapitali 4.
Naammagittaalliorfissaq

§ 7. Akissarsiaqarnissamik qinnuteqaammut itigartit sineq qinnuteqaammut itigartitsissutip qinnuteqartumit tiguneqarneranit sap. akunneri sisamat qaangiutsinnagit Atuagaateqarfimmiittuuteqarnermut akissarsiat pillugit Naammagittaalliortarfimmut allaganngorlugu naammagit taalliuutigineqarsinnaavoq.
Imm. 2. Atuagaateqarfimmiittuuteqarnermut akissar siat pillugit Naammagittaalliuuteqartarfik pingasunik ilaasortaqarpoq Kalaallit Atuakkiortuinit, Nunatta Atuagaateqarfianit, Kultureqarnermut Naalakkersuisumit ukiunut sisamanut qinigaasartunik. Ilaasortat tamarmik sinniisussaannik toqqaasoqartassaaq.
Imm. 3. Atuagaateqarfimmiittuteqarnermut akissarsiat pillugit Naammagittaalliuuteqartarfik inaarutaasumik pisortatigoortumik aalajangiisuusarpoq.

§ 8. Naammagittaalliuuteqartarfik taanna apeqqutini atuagaateqarfimmiittuuteqarnermut akissarsianut tunnga suni Nunatta Atuagaateqarfianut siunnersuisuuvoq.

 

Kapitali 5.
Atulerfissaa

§ 9. Nalunaarut una atortuulissaaq 1. maj 1993-imi.

Namminersornerullutik Oqartussat, ulloq 22. april 1993.

Marianne Jensen

/

Hugin S.Christensen