Sunngiffimmi sammisassaqartitsinermut ataatsimiititaliamik qinersineq pillugu Namminersornerullutik Oqartussat nalunaarutaat nr. 8, 5. april 1993-imeersoq.

Kulturimut atuartitsinermullu tunngasut siulersorneqarnerat pillugu inatsisartut peqqussutaanni nr. 8-mi, 7. maj 1988-imeersumi, inatsisartut peqqussutaatigut nr. 3-kkut, 31. oktober 1991-imeersukkut allannguuteqartumi, § 22, imm. 4 naapertorlugu aalajangersarneqarput:

 

§ 1. Kommunit tamarmik illoqarfiini nunaqarfiinilu sunngiffimmi sammisassaqartitsinermut ataatsimiititaliamik qinersineqassaaq kulturimut atuartitsinermullu ataatsimiititaliap sulinerani ikiuuttussamik.
Imm. 2. Nunaqarfinni mikinerusuni sunngiffimmi sammisassaqartitsinermut ataatsimiititaliamik pilersitsisoqannginnissaanik kommunalbestyrelsi aalaj angiisinnaavoq. Taamaattoqartillugu sunngiffimmi sammisassaqartitsinermut ataatsimiititaliap suliassai bygderådimit isumagineqartassapput.
Imm. 3. Illoqarfiup nunaqarfiulluunniit angissusia naapertorlugu sunngiffimmi sammisassaqartitsinermut ataatsimiititaliat nunagisani ataasiakkaani ilaasortaqartassapput pingasunik imaluunnit tallimanik kommunalbestyrelsip erseqqinnerusumik aalajangiinera naapertorlugu.
Imm. 4. Immikkut patsisissaqartillugu sunngiffimmi sammisassaqartitsinermut ataatsimiititaliap arfineqmarlunnik ilaasortaqarnissaa naalakkersuisut akuerisinnaavaat.

§ 2. Kommunalbestyrelsi sunngiffimmi sammisassaqartitsinermut ataatsimiititalianut tamanut ilaasortassaminik ataatsimik toqqaassaaq. Sunngiffimmi sammisassaqartitsinermut ataatsimiititaliani ilaasortassat allat imm. 2 naapertorlugu nunagisami suliniaqatigiiffinnit peqatigiiffinnillu qinerneqassapput. Sunngiffimmi sammisassaqartitsinermut ataatsimiititaliamut ilaasortat illoqarfimmi nunaqarfimmiluunniit pineqartuni najugaqartuussapput.
Imm. 2. Suliniaqatigiiffiit peqatigiiffiillu makku qinersisinnaatitaapput:
1) Meeqqat inuusuttullu suleqatigiiffii sunngiffimmi sammisassaqartitsineq pillugu inatsisartut peqqussutaanni kapitali 4 aamma 5 naapertorlugit tapiiffigineqarsinnaasut.
2) Suliniaqatigiiffiit peqatigiiffiillu kulturimut tunngassuteqartunik qaammarsaanissamik imaluunniit paasisaqarnerulersitsiniarnissamik siunertaqarlutik sulisut aammalu sunngiffimmi sammisassaqartitsineq pillugu inatsisartut peqqussutaanni kapitali 7 naapertorlugu tapiiffigineqarsinnaasut.
Imm. 3. Sunngiffimmi sammisassaqartitsinermut ataatsimiititaliamut ilaasortaasinnaanngilaq kinaluunniit suliffivimmisut akissarsiaqaatigalugu sunngiffimmi sammisassaqartitsineq pillugu inatsisartut peqqussutaannik tunngaveqartumik suliaqartoq.

§ 3. Kommunalbestyrelsip bygderådilluunniit suliniaqatigiiffiit peqatigiiffiillu fritidsnævninik qinersinissami qinerseqataasinnaasut nalunaarsuusiussavaat.
Imm. 2. Qinersisinnaasut allassimaf f iat qimerluugassanngorlugu tamanit tikinneqarsinnaasumut inissinneqassaaq ataatsimiinnissaq § 5-imi taaneqartoq ullunik 14-inik sioqqullugu. Qinersisinnaasut allassimaffiannut allanneqarnissamik allannguutissanilluunniit qinnutaasinnaasut kommunalbestyrelsimut bygderådimulluunniit saqqummiunneqassapput kingusinnerpaamik nal. 16 allattuiffiup qimerluugassanngorlugu saqqummiunneraniit ullut 7-anni.
Imm. 3. Qinersinermi siulersuisut § 4 naapertorlugu, sapinngisamik piaartumik kingusinnerpaamillu ataatsimiinnissaq § 5-imi taaneqartoq ullunik pingasunik sioqqullugu aalajangiissapput qinnutaasimasinnaasut piffissaq eqqorlugu saqqummiunneqarsimasut akuerineqassanersut, taavalu tamatumunnga peqatigitillugu suliniaqatigiiffiit peqatigiiffiilluunniit aalajangiinermi pineqartut allakkatigut nalunaarfigalugit.
Imm. 4. Qinersinermi siulersuisut aalajangiinerat naammagittaalliuutigineqarsinnaavoq § 13-imi maleruagassat naapertorlugit.

§ 4. Kommunalbestyrelsip nutaamik qinigaasup inissititerf iusumik ataatsimiinnermini illoqarf immi nunaqarf innilu qinersinissani siulersuisussat, kommunalbestyrelsimut ilaasortamik ataatsimik siulittaasussamik, sunngiffimmi sammisassaqartitsinermut ataatsimiititaliat atorunnaartut siulittaasuannik aammalu sunngiffimmi sammisassaqartitsinermut inspektørimik/pisortamik inuttaqartussat: toqqassavai.
Imm. 2. Kommunalbestyrelsip imaluunniit bygderådip aalajangissavaat tamanullu saqqummiullugu qinerseqataasinnaasut allassimaffiata tamanut takusassiaralugu saqqummiunneqarnissaanut piffissaq, § 3, imm. 2 naapertorlugu allassimaffimmut ilanngunneqarnissamik imaluunniit allannguutissanik qinnutigisat saqqummiunneqarnissaannut pif fissaq kingullerpaaq qaquguunersoq, taamatullu ataatsimiinnissap § 5-imi taaneqartup qaqugukkut pinissaa.

§ 5. Kommunalbestyrelsi - nunaqarfimmi bygderådi - suliniaqatigiiffiit peqatigiiffiillu qinerseqataasinnaatitaasut tamarmik aallartitassaannik ataatsimik allagartaliillutik ataatsimiigiaqqusissapput kingusinnerpaamik inissititerfiusumik ataatsimiinnerup kingorna qaammatit marluk qaangiutsinnagit. Ataatsimiinnissamut aggeqqusissut oqaluuserisassat allattorsimaf f iat ilanngullugu ataatsimiinnissaq ullunik 14-inik sioqqullugu nassiunneqassaaq. Oqaluuserisassanut ilanngunneqassapput sunngif f immi sammisassaqartitsinermut ataatsimiititaliat suliassaannik nassuiaatit, qinersinermut maleruagassiat, tamatumunnga ilanngullugit naammagittaalliorsinnaatitaanermut, qinigassanngortitsinermut, taasinermut, taasinernik kisitsinermut taasinernillu naatsorsuinermut attuuttut nassuiaatigineqarnerat. Suliniaqatigiiffiit peqatigiiffiillu qinerseqataasinnaasut sinniisumissut aallartitaat kisimik peqataasinnaapput.

§ 6. Qinigassanngortitsinerni suliniaqatigiiffiit peqatigiiffiillu sinniisumissut aallartitaat allattuiffimmut § 3, imm. 1-imi taaneqartumi ilanngunneqarsimasut kisimik qinerneqarsinnaapput.
Imm. 2. Qinigassanngortitaqassaaq ilaasortassatut qinigaasussat amerlassusiisa minnerpaamik marloriaataanik amerlassusilinnik, qinigassanngortitassat affaat meeqqat inuusuttullu suliniaqatigiiffiinit sunngiffimmi sammisassaqartitsineq pillugu inatsisartut peqqussutaanni kapitali 4 aamma 5 naapertorlugit tapiiffigineqarsinnaasuneersuusussaammata, qinigassanngortittullu sinneri suliniaqatigiiffinnit peqatigiiffinniillu sunngiffimmi sammisassaqartitsineq pillugu inatsisartut peqqussutaanni kapitali 7 naapertorlugu tapiiffigineqarsinnaasuneersussaallutik.

§ 7. Suliniaqatigiiffinnit imaluunniit peqatigiiffinnit qinerseqataasinnaatitaasunit aallartitat tamarmik ataatsimik taasisinnaapput.
Imm. 2. Taasineq oqaasiinnakkut pisinnaavoq, qinersisinnaatitaasutulli ataatsimeeqataasup ataasiinnaalluunniit piumasarippagu taasineq allalluni pissaaq.
Imm. 3. Qinersinermi siulersuisut allalluni taasivissat naammattut qinersinermilu atortussat allat pigineqareernissaannut aammalu taasinerup isumannaatsumik naammassineqarnissaanut pisussaapput.
Imm. 4. Allakkatigut imaluunniit pisinnaatitsissusiliinikkut taasisoqarsinnaanngilaq.

§ 8. Taasineq naammassiniariarpat taasinernik kisitsineq naatsorsuinerlu qinersinermi siulersuisunit isumagineqassaaq taasisinnaasut isersimasut isiginnaartoralugit.
Imm. 2. Ilaasortassatut pisariaqartumik amerlassusillit taaneqarsimanerisa amerlassusiisa tulleriinneri najoqqutaralugit qinigaasutut nalunaarutigineqassapput.
Imm. 3. Qinigassanngortittut qinigaasutut nalunaarutigineqanngitsut sinniisussatut isigineqassapput taaneqarsimanerisa amerlassusiisa tulleriinneri najoqqutaralugit.
Imm. 4. Qinigassanngortittut marluk amerlaqatigiinnik taaneqarsimappata pisariaqarnera naapertorlugu tulleriinnissaat makitsinikkut aalajangerneqassaaq.
Imm. 5. Ilaasortassat sinniisussallu pisariaqartumik amerlassusissaat naammatsillugit taasisoqarsimanngippat, ilaasortassat sinniisussallu sinneri makitsinikkut qinigassanngortittunit toqqarneqassapput.
Imm. 6. Qinersinerup inernera kommunalbestyrelsimut nalunaarutigineqassaaq taassumalu qinersinerup inernera tamanut tusagassanngorlugu nalunaarutigissavaa.

§ 9. Qinersinermi aningaasartuutit kommunimit akilerneqassapput.

§ 10. Sunngiffimmi sammisassaqartitsinermut ataatsimiititaliamik qinersineq kommunalbestyrelsip qinigaaffianut atuutissaaq, sunngiffimmilu sammisassaqartitsinermut ataatsimiititaliaq atuutissaaq qaammatip nutaamik qinersiviusup naanissaa tikillugu.

§ 11. Qinersinerup naammassinerata kingorna piaartumik sunngiffimmi sammisassaqartitsinermut ataatsimiititaliat katersuutissapput siulittaasussaminnik qinersillutik aammalu suleriaasissaminnik aalajangersaallutik. Siulittaasussamik qinersinissap tungaanut ilaasortaq ukiumigut angajulleq ataatsimiinnermi siulersuissaaq. Ataatsimiititaliaq aatsaat aalajangiisinnaassuseqarpoq ilaasortami ikinnerpaamik affaat najuukkaangata.

§ 12. Sunngiffimmi sammisassaqartitsinermut ataatsimiititaliamut ilaasortaq kissaateqarpat peqqinnerminut tunngassuteqartumik, suliaminut imaluunniit allamik pisarialimmik peqquteqarluni, ilaasortaajunnaarniarluni qinnutigisaq akuerineqassanersoq kommunalbestyrelsip aalajangissavaa.
Imm. 2. Ilaasortaq tunuarpat § 8, imm. 3 naapertorlugu sinniisussaq ilaasortanngussaaq. Sinniisussat tamarmik ilaasortanngorpata allanik sinniisussanik qinersineqassaaq.

§ 13. Qinersinermi periusissanut tunngasunik apeqqutinik nalornisooruteqartoqarpat tamanna kommunalbestyrelsimut aalajangiiffigisassanngorlugu tunniunneqassaaq, taassumalu suliassaq aalajangiiffigissavaa kommunimi rådinut qinersinermi maleruagassat atuuttut naapertorlugit.
Imm. 2. Qinersinermut taasinermulluunniit naammagittaalliuutit taasinerup kingorna ullut arfineq-marluk qaangiutsinnagit konununalbestyrelsimut ingerlatinneqassapput, kommunalbestyrelsillu ataatsimiinnermini siullermi - illoqarfimmi nunaqarfimmiluunniit qinersinermi siulersuisut oqaaseqartereerlugit suliassaq aalajangiiffigissavaa maleruagssat imm. 1-mi taaneqartut naapertorlugit. Kommunalbestyrelsip aalajangiinera kommunalbestyrelsip ataatsimiinnerata kingorna ullut 30-t qaangiutsinnagit Naalakkersuisunut suliareqqitassanngortinneqarsinnaavoq, tassanilu inaarutaasumik aalajangiiffigineqarlun

§ 14. Nalunaarut una 15. april 1993-imi atuutilissaaq.
Imm.2. Tamatumunnga peqatigitillugu Kulturimik atuartitsinermillu aqutsisut kaajallaasitaat 6/80 11. marts 1980-imeersoq atorunnaarsinneqarpoq.

Namminersornerullutik Oqartussat, 5.april 1993.

Marianne Jensen

/

Aqigssiaq Møller