Peqqinnissagarfiup sullissinerinut akiliuteqartarneq pillugu Namminersornerullutik Oqartussat nalunaarutaat nr. 7, 30. marts 1993-imeersoq.

Peqqinnissaqarfiup sullissineri il.il. pillugit Inatsisartut peqqussutaanni nr. 8-mi, 20. oktober 1992-imeersumi § 23 naapertorlugu makku aalajangersarneqarput:

 

Kapitali 1.
Inuit pineqartut.

§ 1. Nalunaarummi pineqarpoq kinaluunniit inuk, nunami maani najugaqartoq, aammalu 18-ileereersimasoq, taamaattoq §§-it 3, 6 aamma 7 qassinilluunniit ukioqartunut atuullutik.
Imm. 2. §§-inut 2-mut, 3-mut, 7-imut aainma 11-imut utoqqalinersiaqartut siusinaarlutillu soraarnerussutisiaqartut ilaatinneqanngillat.

 

Kapitali 2.
Iluaqusersuutit.

Kamippaat innarluutilinnut sanaat.

§ 2. Kamippannut innarluutilinnut sananeqartunut nammineq akiliutissaq kamippaat nalinginnaasut akiinut naapertuutissaaq.
Imm. 2. Nammineq akiliut Peqqinnissamut Avatangiisinullu Pisortaqarfiup akit pillugit kaajallaasitaani aalajangersarneqartassaaq 1. juli 1993-imilu 450,00 kr.inik annertussuseqarluni.
Imm. 3. Kamippaat nalinginnaasut innarluutilimmut naleqqussarlugit iluarsaanneqarnerat akeqanngilaq.

 

Ornavaatit

§ 3. Ornavaatinik tunniussinermi qularnaveeqqummik akiliisitsisoqartassaaq. Atuisoq qularnaveeqqusiisimanermut uppernarsaammik tunineqartassaaq. Qularnaveeqqusiissut utertinneqartassaaq ornavaatit utertillugit tunniunneqarpata.
Imm. 2. Qularnaveeqqusiissut Peqqinnissamut Avatangiisinullu Pisortaqarfiup akit pillugit kaajallaasitaani iluarsiivigineqartassaaq 1. juli 1993-imilu ornavaammut ataatsimut kr. 100, 00-uulluni.

 

Tusartaatit.

§ 4. Tusartaatit nalinginnaasut nakorsamit atugassanngortinneqartut akeqanngillat.
Imm. 2. Tusartaatit nalinginnaasut iluarsaanneqarnerat taarserneqarneralluunniit akeqanngilaq, atoruminaallinera nalinginnaasumik atorneranit pisimappat. Tusartaat paarsinerlunnikkut katanneqarluniluunniit iluarsaattariaqalerpat taarsertariaqalerpalluunniit akia tamakkerlugu atuisup akilissavaa.
Imm. 3. Tusartaatit nalinginnaasuunngitsut akii tamakkerlugit atuisup akilissavai.
Imm. 4. Tusartaatit nalinginnaasut akii Peqqinnissamut Avatangiisinullu Pisortaqarfiup akit pillugit kaajallaasitaani iluarsiivigineqartassapput 1. juli 1993-imilu akit ima angissuseqarput;

Oticon siutinut akkiguttakkat E 35	ataaseq kr. 1750,00
Oticon siutinut akkiguttakkat E 38 P	ataaseq kr. 2180,00
Oticon siutinut akkiguttakkat E 39 PL	ataaseq kr. 2180,00
Oticon kaasarfimmioq P 11 P	ataaseq kr. 2410,00
Oticon siutinut akkiguttakkat 410	ataaseq kr. 1960,00
Oticon siutinut akkiguttakkat 420	ataaseq kr. 2015,00

 

Isarussat kontaktlinsellu.

§ 5. Isaruartaarneq kontaktlinsetaarnerlu Peqqinnissamut Avatangiisinullu Pisortaqarfiup susassarinngilai.
Imm. 2. Taamaattoq imm. 1-imi aalajangersakkamut ilaatinneqanngillat
1) Nakorsap peqqussutaanik isaruartaarneq kontaktlinsetaarnerlu, aamma
2) Isarussat kontaktlinsellu nakorsamit peqqussutigineqanngitsut, sakkortussusii -7 ataassimappassuk imaluunniit +7 qaangersimappassuk.
Imm. 3. Imm. 2 malillugu makkuninnga pissarsinermi
1) Imm. 2 nr. 1 aairana 2 naapertorlugit isaruartaarnermi linsenut aningaasartuutit Peqqinnissamut Avatangiisinullu Pisortaqarfiup akilissavai kiisalu isarussat sinaannut tapiissuteqartassalluni Peqqinnissamut Avatangiisinullu Pisortaqarfiup akit pillugit kaajallaasitaa naapertorlugu. 1. juli 1993-imi isarussat sinaannut tapiissut annerpaamik 700,00 kr.-iuvoq.
2) Imm. 2 nr. 2 naapertorlugu kontaktlinsenut nakorsamit peqqussutaasunut aningaasartuutit Peqqinnissamut Avatangiisinullu Pisortaqarfiup akilissavai.
3) Imm. 2 nr. 2 naapertorlugu kontaktlinsenut nakorsamit peqqussutaanngitsunut ataasiartumik tapiissuteqartoqartassaaq Peqqinnissamut Avatangiisinullu Pisortaqarfiup akit pillugit kaajallaasitaa naapertorlugu.
Imm. 4. Imm. 3-mi aalajangersakkat ataatsikkut atorneqassanngillat.
Imm. 5. Imm. 3 nr. 3 naapertorlugu tapiissutit 1. juli 1993-imit linsenut qeratanernut siullerpaamik pissarsiarineqarnerini akiinut atuupput aammalu linsenut qitunnernut linsetarpiaasa akiinut ukiup affaani siullermi atuullutik.

§ 6. Isit tappiutaasa sakkortussutsikkut annertuumik allanngornerini § 5-imi maleruagassat isaruartaarnermut aamma kontaktlinsetaarnermut tunngasut taamatulli atuutissapput.

 

Kapitali 3.
Nakorsaatit il.il.

Nakorsaatit.

§ 7. Nakorsaatit nakorsamit kigutilerisumilluunniit Peqqinnissamut Avatangiisinullu Pisortaqarfimmit peqqinnissami sulisorisassatut atorfeqartinneqartumit innersuunneqarsimagaangata peqqinnissaqarfimmit akeqanngitsumik tunniunneqartassapput aamma
1) Napparsimasoq napparsimavimmi uninngappat, imaluunniit
2) Nakorsaat allagartaliinikkut tunniunneqartussaatitaappat, imaluunniit
3) Nakorsaat inuup inuuneranut pisariaqartuuppat imaluunniit nappaatinik qaangerneqarsinnaanngitsunik katsorsaanermut atorneqarpat.
Imm. 2. Nakorsaat sunaluunniit alla, § 9 naapertorlugu nakorsaataasiviit illerfiusat pinnagit, niuertarfinni pisiarineqartassaaq.
Imm. 3. Nakorsat kigutillu nakorsaat Peqqinnissamut Avatangiisinullu Pisortaqarfimmi peqqinnissami sulisorisassatut atorfeqartitaanngitsut, sumiiffigisami nakorsaanerup inassuteqarneratigut, nakorsaatinik allagartaliinikkut imm. 1 naapertorlugu tunniussisinnaatitaassuumik nalunaarfigineqarsinnaapput.

§ 8. Nakorsaatinik pisiffiusinnaasut tamarmik Peqqinnissamut Avatangiisinullu Pisortaqarf irnmit akuerisaasimassapput.

 

Nakorsaataasiviit illerfiusat.

§ 9. Nakorsaataasiviit illerfiusat napparsimavinnit tunniunneqartassapput ilaartorneqartassallutillu akiliinikkut. Akit Peqqinnissamut Avatangiisinullu Pisortaqarfiup nakorsaatit akiinut tunngasumik kaajallaasitaatigut iluarsiivigineqartassapput.

 

Kapitinnerit.

§ 10. Nunanut allanut aallartussanngornermi kapitinnerit atuisumit akilerneqartassapput. Akit Peqqinnissamut Avatangiisinullu Pisortaqarfiup akit pillugit kaajallaasitaani aalajangersarneqartassapput 1. juli 1993-imilu ima angissuseqarlutik:

Kolera, kapitinneq siulleq	kr. 300,00
Kolera, kapitinnerit tullii	kr. 140,00
Tyfus, kapitinneq siulleq	kr. 300,00
Tyfus, kapitinnerit tullii	kr. 140,00
Japansk encephalitis, kapit.siull.	kr. 420,00
Japansk encephalitis, kapit.tullii	kr. 260,00
Meningokok A+C, kapitinneq ataaseq	kr. 400,00
Garnmaglobulin, 3 ml	kr. 340,00
Gammaglobulin, 5 ml	kr. 400,00
Gammaglobulin, 8 ml	kr. 460,00
Gul feber, kapitinneq ataaseq	kr. 400,00
Noqartoorneq (stivkrampe), kapit. siulleq	kr. 280,00
Noqartoorneq (stivkrampe), kapit.tullii	kr. 140,00
Malariarnaveersaatit tunniunneqartut	kr. 280,00
Hepatitis-B	kr. 300,00
Nunanut allanukalernermi kapitinnerit allat pisinnaapput Peqqinnissamut Avatangiisinullu Pisortaqarfimmit immikkut akileeqqusissutip akilerneratigut.

Imm. 2. Malariarnaveersaatinut akiliut aamma akilerneqartassaaq aamma allagartaliiginnartoqaraluarpat.
Imm. 3. Koleramut, tyfusimut aamma japansk encephalitisimut ataatsikkut kapitinnermi atuisup akit ataatsimoortut japansk encephaklitisimut siullermik kapitinnermut aammalu koleramut tyfusimullu aappassaanik kapitinnernut akiliutissat angeqgataat akilertassavai.

 

Kapitali 4.
Uppernarsaatit nakorsiarnernilu nakorsat allattugaasa nuutinneri.

§ 11. Uppernarsaatinik nakorsiarnermilu nakorsat allattugaasa nuutinnerinik piniartup pissarsiani akilertassavai. Pegginnissamut Avatangiisinullu Pisortaqarfiup akit pillugit kaajallaasitaani akit aalajangersarneqartassapput 1. juli 1993-imilu ima angissuseqarput;

Sivikitsumik napparsimanermut uppernarsaat kr. 50,00

Sivikitsumik napparsimareernermi peqqissinermut uppernarsaat kr. 50,00

Nakorsiarnermi nakorsap allattugaasa assilinerannut kr. 100,00

 

Kapitali 5.
Akit iluarsiissuteqartinneqartarneri.

§ 12. Akit nalunaarummi matumani taaneqartut kaajallaasitatigut iluarsiivigineqartassapput ukiumut ataasiarlutik 1. januarimit atulersumik, siullermik 1. januar 1995-imi atulersumik. Iluarsiineq pisassaaq pisisartunut akit naleqqersuutaata procentinngorlugu ingerlarnga naapertorlugu. Tamatumani aallaaviussaaq 1992-imi juli-mi akit naleqqersuutaat.

 

Kapitali 6.
Atulersitsineq.

§ 13. Nalunaarut atuutilissaaq 1. juli 1993.
Imm. 2. Peqataanik Nakorsaanerup kaajallaasitaa nr. 13, 18. januar 1988-imeersoq aamma Peqqinnissaqarfiup kaajallaasitaa nr. 45, 27. november 1990-imeersoq atorunnaarput.

Namminersornerullutik Oqartussat, ulloq 30. marts 1993

Ove Rosing Olsen

/

Torben Cordtz