Inuutissarsiutigalugu aalisarneq pillugu inatsisartut inatsisaata allanngortinneqarneranik Inatsisartut inatsisaat nr. 24, 30. oktober 1992-imeersoq.

 

§ 1

Inuutissarsiutigalugu aalisarneq pillugu inatsisartut inatsisaanni nr. 17, 22. oktober 1990-imeersumi makku allannguutigitinneqassapput:

1. § 29, imm. 1, uniffiit aappaanni oqaatsip "aalisartoqarpat" kingornanut ilanngunneqassaaq :
"atortut aalisarnermi atorneqartut,".

2. § 29-imut ilanngunneqassaaq:
"Imm. 3. Inatsit malillugu maleruagassiani aalajangersarneqarsinnaavoq maleruagassiani aalajangersakkanik unioqqutitsinerit arsaarinninnermik kinguneqarsinnaasut."

3. § 31, imm. 1, oqaatsip "akiliisitaanermik" kingornanut ilanngunneqassaaq;
"arsaarinnissuteqarnermilluunniit".

 

§ 2

Inatsisartut inatsisaat 1. december 1992 atortuulissaaq.

Namminersornerullutik Oqartussat, ulloq 30. oktober 1992

Lars Emil Johansen

/

Hans Iversen