Aningaasarsianit akileraarutit pillugit Inatsisartut inatsisaata allannguutissaatut Inatsisartut inatsisaat nr. 21, 30. oktober 1992-imeersoq.

 

§ 1

Aningaasarsianit akileraarutit pillugit Inatsisartut inatsisaanni nr. 5, 19. maj 1979-imeersumi, kingullerpaamillu Inatsisartut inatsisaatigut nr. 5, 23. oktober 1991-imeersukkut allanngortinneqartumi makku allannguutigitinneqarput:

1. § 13-imi imm. 4-tut nutaatut ilanngunneqarpoq:
"Imm. 4. Akileraartussaatitaanerup aallartinnerani imaluunniit toqumik pissuteqanngitsumik kipinerani erniatigut isertitat imaluunniit erniatigut aningaasartuutit il.il. piffissamut akileraartussaasup akileraartussaaffigisaanut tunngassuteqartut aningaasarsiat akileraaruteqaataasussat naatsorsorneqarnerini ilanngunneqassapput ilanngaatigineqassallutilluunniit. Erniatigut isertitat imaluunniit erniatigut aningaasartuutit il.il. piffissamut attuumassuteqarfimminnut agguarneqassapput. Agguaanissami taamaallaat pineqarput erniat piffissamut akileraartussaatitaanerup aallartinneranut kipineranulluunniit attuumassuteqartut."

Imm. 4 taamaalilluni imm. 5-inngorpoq.

2. § 14-ip kingornatigut ilanngunneqarpoq:
"§ 14 A. Aningaasanut tunngasunut isumaqatigiissutitigut iluanaarutit aningaasarsiat akileraaruteqaataasussat naatsorsorneqarnerini ilanngunneqassapput, taamaattorli takukkit imm. 2 airana 3. Ukiumi aningaasarsiorfiusumi annaasat ukiumi tassani iluanaarutinit ilanngaatigineqartassapput, aammalu § 21, imm. 1-imi, 3-mi 4-milu aalajangersakkat naapertorlugit ilanngaatissat peereerlugit annaasat ukiuni kingusinnerusuni ilanngaatissat peereerlugit iluanaarutinit ilanngaatissanngorlugit nuunneqars innaapput.
Imm. 2. Imm. 1 atorneqassanngilaq:
1) aktienik il.il. pissarsinissamut pisinnaatitaaffinnut,
2) pigisat aalaakkaasut pillugit isumaqatigiissutinut,
3) realkredit-imit, realkredit-imulluunniit assingusumit attartornissami atukkalluunniit tamakkerlugit taarsiinissami akiusut nalinginik allanngutsaaliinermut atatillugu piffissami isumaqatigiissutaareersumi imaluunniit siunissami piffissamut aalajangersimasumut isumaqatigiissut malillugu obligationinik tunisinermut pisinermullu,
4) obligationit, qularnaveeqqusiinermut uppernarsaatit, akiitsunut uppernarsaatit aningaasanillu pisassanut allanut atatillugu uppernarsaatit allanik taarsersinnaanerinut pisinnaatitaaffinnut.
Imm. 3. Inuussutissarsiornermut inuussutissarsiornermiluunniit ingerlatsivimmut atatillugu isumaqatigiissutaasimasunut Inatsisartut inatsisaanni maleruagassat nalinginnaasut atuupput.
Imm. 4. Iluanaarutit annaasalluunniit imm. 1-imi taaneqartut naatsorsorneqartassapput tuniniaanermi periaaseq naapertorlugu tuninerani akiusup pisiarineqarneranilu akiusup assigiinngissutaattut.
Imm. 5. Immikkut pissutissaqartoqartillugu isumaqatigiissutit imm. 1-imi pineqartut Inatsisartut inatsisaanni maleruagassat nalinginnaasut naapertorlugit akileraaruserneqarnissaat Naalakkersuisunit, taakkunanngaluunniit taamaaliornissamut piginnaatinneqartumit akuersissutigineqarsinnaavoq."

3. § 18, imm. 1-imi allassimasoq "Akilersuisup aningaasarsiaanit akileraaruteqaataasussanit ilanngaatigineqarsinnaapput" allanngortinneqarpoq imaalillugu: "Akilersuisup aningaasarsiaanit akileraaruteqaataasussanit ilanngaatigineqarsinnaapput akilersuutit, piffissami akileraartussaaffimmi akiligassanngorlutillu akilerneqarsimasut ataani taaneqartut"

4. § 21-p kingornatigut ilanngunneqarpoq:
"§ 21 A. Inuit, kommanditselskabini kommanditistitut, umiarsuaatileqatigiiffinni assigisaanniluunniit umiarsuaateqaqataasutut Kalaallit Nunaata avataani ingerlatsivimmik ingerlataqartuni peqataanerminni amigartoorutaat allatigut aningaasarsianit ilanngaatigineqarsinnaanngillat. Tamanna aamma atuuppoq interessentskabini qulit sinnerlugit peqataaffigineqartuni piginneqataasunut, akileraartussaatitaasorlu ingerlatsinermi annertuumik peqataanngippat.
Imm. 2. Amigartoorutilli inun. 1-imi pineqartut, § 21, imm. 1-imi, 3-mi, 6-imilu maleruagassat naapertorlugit, ukiumut aningaasarsiorfiusumut kingusinnerusumut ingerlatsivimmi tassanerpiaq aningaasarsianit sinneqartoorutaasunit ilanngaatissanngorlugit nuunneqarsinnaapput.
Imm. 3. Immikkut pissutissaqartoqartillugu amigartoorutit imm. 1-imi pineqartut tamakkiisumik ilaannakortumilluunniit ilanngaateqarsinnaanermik Naalakkersuisut, taakkunanngaluunniit taamaaliornissamut piginnaatinneqarsimasoq akuersissuteqarsinnaapput."

5. § 34-p kingornatigut ilanngunneqarpoq:
^"§ 34 A. Inuk § 1 naapertorlugu akileraartussaatitaasoq umiarsuarmi Dansk Internationalt Skibsregisterimi nalunaarsorneqarsimasumi sulisimanermigut akissarsiaqarsimappat, akileraarutissat tamarmiusut akissarsiat taakkua akileraarutitaannut naapertuuttumik annertussusilinnik appartinneqassapput."

6. § 81, imm. 6, oqaaseqatigiit aappaanni allassimasoq "15 procentii" allanngortinneqarpoq imaalillugu: "30 procentii"

 

§ 2

Inatsisartut inatsisaat ingerlaannaq atuutilerpoq.
Imm. 2. § 1, nr. 1, 2, 3 aamma 4 atortuulerput 14. oktober 1992-imiit.
Imm. 3. § 1, nr. 5 aamma 6 atortuulissapput 1. januar 1993-imiit.

Namminersornerullutik Oqartussat, ulloq 30. oktober 1992.

Lars Emil Johansen

/

Emil Abelsen