Nioqqutissanik eqqussuineq annissuinerlu pillugit Inatsisartut inatsisaat nr. 18, 30. oktober 1992-imeersoq.

 

Kapitali 1
Nioqqutissanik il.il. eqqussuinermik annissuinermillu nalunaarsuineq

§ 1. Nioqqutissat Kalaallit Nunaannut eqqunneqartut tassangaaniillu anninneqartut Akileraartarnermi Pisortaqarfimmut nalunaarutigineqartassapput, aalajangersakkanik immikkut ittunik allanik ilaqartinneqanngippata.
Imm. 2. Nioqqutissat suunerisa nalunaarutiginerini nioqqutissat suunerinut sunillu sanaajunerinut paasissutissat, nunanik allanik niueqateqarnermi kisitsisit atorlugit nalunaarusiortussaanermi pisariaqartinneqartut aanuna immikkut ittumik aalajangersakkat eqqussinermut, annissinermut aqqusaarsinermullu tunngasut, assigiinngitsunik pissuteqartumik, soorlu akitsuutit tungaasigut, aningaasat naliinut, isumannaallisaanermut, peqqinnissamut, uumasut nappaataannut, naasut nappaataannut tunngasumik imaluunniit allanik pissuteqartumik nioqqutissat ilaannut aalajangersarneqarsimasut nakkutiginissaannut atugassat nalunaarsorneqassapput.

§ 2. Naalakkersuisut malittarisassanik aalajangersaassapput, kina nioqqutissanik Akileraartarnermi Pisortaqarfimmut nalunaaruteqartussaanersoq aammalu paasissutissiissutit nalunaarutillu qanoq annertussuseqartumik uppernarsarneqassanersut malittarisassiuullugit.
Imm. 2. Nioqqutissat suunerisa nalunaarutigineqarnerini il.il. allattuivissiat, immikkoortulersorneri titarnilersornerilu Akileraartarnermi Pisortaqarfirranit aalajangersarneqartussat atorneqassapput.

§ 3. Naalakkersuisut aalajangersinnaavaat nioqqutissanik pisartuullutillu nassitsisartut Kalaallit Nunaanni nunaqavissut, inuussutissarsiornermut tunngasunik siunertaqartumik nioqqutissanik eqqussisarnermik annissisarnermillu ingerlataqartut Akileraartarnermi Pisortaqarfimmut imminnut ilanngutitillutillu peertittassasut.

§ 4. Akileraartarnermi Pisortaqarfiup paasissutissiissutit tigusani nioqqutissat amerlassusaannut, suunerinut, naleqassusiinut, sunit pisuunerinut, nioqqutissat Kalaallit Nunaanni sumut ingerlasussatut eqqunneqarnerinut kiisalu anninneqarlutik sumut ingerlasussaanerinut tunngasut Kalaallit Nunaanni Naatsorsueqqissaartarfimmut aammalu Danmarks Statistik-imut ingerlateqqittassavai.

§ 5. Nioqqutissat nalunaarsorneqarnissaannut piffissaliussamik qaangiineq suliarinninnermut akiliununik 500 koruuniusumik kinguneqartussaavoq.
Imm. 2. Nioqqutissanik tigusisussamut nassiussat Akileraartarnermi Pisortaqarfimmit tigummigallarneqarsinnaapput, taassuma eqqussinermi nalunaarsuiffissamik imaluunniit akitsuutinut nalunaarsuiffissamik imaluunniit nioqqutissat nassiussatut nalunaarsorneqarsimasut anniseqqinneqarnerinut nassiussinissamut piffissarititaasut arlaleriarluni unioqqutittarsimappagit.

 

Kapitali 2
Akitsuuteqarfiusoq

§ 6. Akitsuuteqarfiusoq tassaavoq Kalaallit Nunaata nunataa, imartaa kiisalu taaneqartut silaannartaa.
Imm. 2. Akitsuuteqarfiusumut ilaanngillat Kalaallit Nunaata illersorneqarnissaa pillugu isumaqatigiissut 27. april 1951-imeersoq naapertorlugu illersornissamut sakkutooqarfiusut.

 

Kapitali 3
Akuersissutit

§ 7. Viinnit imigassallu kimittuut ethanolimik akullit, eqqussuinermi akitsuutit pillugit Inatsisartut inatsisaanni nr. 19, 30. oktober 1992-imeersumi § 1, imm. 1, nr. 3-mi pineqartut taamaallaat Akileraartarnermi Pisortaqarfiup akuersissuteqarneratigut akitsuuteqarfiusumut eqqunneqarsinnaapput, tassa eqqussineq inatsimmi tassani § 17 naapertorlugu imaluunniit eqqussuinermi akitsuutit pillugit Inatsisartut inatsisaanni nr. 19, 30. oktober 1992-imeersumi § 2 aamma § 3 naapertorlugit pinngippat.
Imm. 2. Pisortat suliffeqarfiutaasa niuertarfiutaat, hoteliutaat, neriniartarfiutaat umiarsuaataallu kisiisa pinnagit taamaallaat suliffeqarfiit, imigassanik aalakoornartortalinnik nioqquteqarneq sassaalliisarnerlu pillugit Inatsisartut inatsisaat nr. 23, 30. oktober 1992-imeersoq naapertorlugu imigassanik aalakoornartortalinnik nioqquteqarsinnaasut akuersissummik tunineqars innaapput.

§ 8. Immiaaqqat ethanolimik akullit, eqqussuinermi akitsuutit pillugit Inatsisartut inatsisaanni nr. 19, 30. oktober 1992-imeersumi pineqartut Naalakkersuisut akuersissuteqarnerisigut aatsaat akitsuuteqarfiusumut eqqunneqarsinnaapput, tassa eqqussineq, inatsimmi uani § 17 naapertorlugu imaluunniit eqqussuinermi akitsuutit pillugit Inatsisartut inatsisaanni nr. 19, 30. oktober 1992-imeersumi § 1 aamma § 3 naapertorlugit pinngippat.

§ 9. Tupat, eqqussuinermi akitsuutit pillugit Inatsisartut inatsisaanni nr. 19, 30. oktober 1992-imeersumi § 1, imm. 1, nr. 7-imiit 10-mut taaneqartut Akileraartarnermi Pisortaqarfiup akuersissuteqarneratigut aatsaat akitsuuteqarfiusumut eqqunneqarsinnaapput, eqqussineq, inatsimmi uani § 17 naapertorlugu imaluunniit eqqussuinermi akitsuutit pillugit Inatsisartut inatsisaanni nr. 19, 30. oktober 1992-imeersumi § 2 aamma § 3 naapertorlugit pinngippat.
Imm. 2. Imm. 1 naapertorlugu sikaritsinik eqqussinissamut akuersissuteqarnermi piumasarineqassaaq taakkua Kalaallit Nunaannut akitsuuserneqarsimanerinut uppernarsaatitut pappiaraminernik amitsukujuunik nipititsivigineqarnissaat, soorlu eqqussuinermi akitsuutit pillugit Inatsisartut inatsisaanni nr. 19, 30. oktober 1992-imeersumi § 1, imm. 1, nr. 8-mi taaneqartoq.
Imm. 3. Imm. 1-imi akuersissut taaneqartoq taamaallaat inuussutissarsiutigalugu tuniniaqqitassanut atatillugu tunniunneqartassaaq.

§ 10. Sakkutooqarfinnut, nioqqutissat, eqqussuinermi akitsuutit pillugit Inatsisartut inatsisaanni nr. 19, 30. oktober 1992-imeersumi § 1, imm. 1, nr. 3-mi aamma 7-imiit 10-mut taaneqartut Amerikami naalagaaffeqatigiit sakkutuuinit imaluunniit Akileraartarnermi Pisortaqarfiup akuersissuteqarneratigut taamaallaat eqqunneqarsinnaapput.

§ 11. Akileraartarnermi Pisortaqarfiup mittarfinni kioskit nalunaarfigisinnaavai nioqqutissanik akitsuuteqanngitsunik eqqussuisinnaallutillu nioqquteqarsinnaanerinik, nioqqutissat timmisartuni taquassatut imaluunniit timmisartumi ilaasunut timmisartumilu sulisunut akitsuuteqarfiusumit aallartunut nioqqutigeqqitassatut naatsorsuussaappata.
Imm. 2. Nioqqutissat suut kioskinut imm. 1-imi taaneqartunut ingerlatinneqartassanersut kiisalu Akileraartarnermi Pisortaqarfiup kioskinik nakkutilliinera Naalakkersuisut maleruagassiuussinnaavaat.
Imm. 3. Ilaasunut ataasiakkaanut nioqqutissat akitsuuteqanngitsut qanoq annertutigisut kioskinit nioqqutigineqarsinnaanerinut killiliussassat Naalakkersuisunit aalajangersarneqarsinnaapput. Aammattaaq Naalakkersuisut aalajangersinnaavaat ilaasunut nunap ilaanut ingerlasunut imaluunniit nunani allani najugaqartunut nioqqutissanik akitsuuteqanngitsunik nioqquteqartoqannginnissaa.

§ 12. akuersissutit § 7-imi § 8-milu taaneqartut, inatsisit allat naapertorlugit nioqquteqarnerup unitsinneqarneranut imaluunniit killilersuinermik aaqqissuussinermut atatillugu atorunnaarsinneqarsinnaallutilluunniit utertinneqars innaapput.
Imm. 2. Kapitali una naapertorlugu akuersissutit allanut tunniunneqarsinnaanngillat.
Imm. 3. akuersissutit imm. 2-mi taaneqartut sallunaveeqqusiunneqarsinnaanngillat allatulluunniit qularnaveeqqusiunneqarsinnaanatik, sorluttaaq arsaarinnissutigineqarsinnaannatilluunniit allatut akiligassaqarfinnit pinmasaqaatigineqarsinnaanngitsut.

 

Kapitali 4
Oqimaassutsit, angissutsit nalingilu

§ 13. Inatsisartut inatsisaanni uani kiisalu eqqussuinermi akitsuutit pillugit Inatsisartut inatsisaanni nr. 19, 30. oktober 1992-imeersumi oqimaassutsinik, angissutsinik nalinginillu il.il. aalajangiinermi maleruagassat nalinginnaasut nunat tamat ilanngaaserinermik oqartussaasuisa malitaat atorneqartassapput.

 

Kapitali 5
Akitsuutinik akiliisitsinnginneq appartitsinerlu

§ 14. Nioqqutissanik, nioqqutissanik eqqussuinermi akitsuutit pillugit Inatsisartut inatsisaanni nr. 19, 30. oktober 1992-imeersumi taaneqartunik Kalaallit Nunaanni inuussutissarsiutigalugu nioqqutissiortoqarnerani Naalakkersuisut nioqqutissat eqqunneqartut akitsuutaattut akitsuusiisinnaapput.

§ 15. Nioqqutissanik Kalaallit Nunaanni inuussutissarsiutigalugu nioqqutissiornermi § 14 aammalu nioqqutissanik eqqussuinermi akitsuutit pillugit Inatsisartut inatsisaat nr. 19, 30. oktober 1992-imeersoq naapertorlugit akitsuutinik akilerneqarsimasunik Naalakkersuisut utertits is innaapput.

§ 16. Nioqqutissanik, inuussutissarsiutigalugu Danmarkimut, Savalimmiunut nunanulluunniit allanut tuniniagassanik nioqqutissiornermi § 14 aammalu nioqqutissanik eqqussuinermi akitsuutit pillugit Inatsisartut inatsisaat nr. 19, 30. oktober 1992-imeersoq naapertorlugit akitsuutinik akilerneqarsimasunik utertitsisinnaanernut Naalakkersuisut maleruagassiorsinnaapput.

§ 17. Kalaallit Nunaannut tikinnermi nioqqutissanik akitsuuteqanngitsunik eqqussisinnaanermut Naalakkersuisut aalajangersaasinnaapput.

§ 18. Umiarsuit timmisartullu, Kalaallit Nunaanni akitsuuteqarfiusumiit danskit, savalimmiormiut imaluunniit nunat allat umiarsualiviannukarlutik timmisartoqarfiannukarlutilluunniit aallartussat, nioqqutissanik akitsuuteqanngitsunik taquassarsisinneqarsinnaanerat pillugu maleruagassanik Naalakkersuisut aalajangersaas innaapput.
Imm. 2. Timmisartut akitsuuteqarfiusumukarnerminni imm. 1 naapertorlugu nioqqutissanik akitsuusernagit pisiarineqarsimasunik nassarsinnaanerannut Naalakkersuisut maleruagas s iors innaapput.

§ 19. Naalakkersuisut, pissutsit immikkut ittut atuutsillugit akitsuutinik tamakkiisumik ilaannakortumilluunniit akiliinngitsoortitsisinnaapput.
Imm. 2. Nioqqutissat akitsuuteqarfiusup ilaanut aalajangersimasunut eqqunneqartut tamakkiisumik ilaannakortumilluunniit akitsuuserneqannginnissaannik Naalakkersuisut aalajangersaasinnaapput.
Imm. 3. Akitsuuteqarfiup ilaanik imm. 2-rai taaneqartunik nakkutilliineq il.il. pillugit Naalakkersuisut aalajangersaasinnaapput.

§ 20. Qamutit motoorillit akitsuutaasa appartinneqarnissaannik akiligassaajunnaarsinneqarnissaannilluunniit Naalakkersuisut aalajangersaasinnaapput, tamanna pissutsit pisariaqartippassuk.

§ 21. Nioqqutissat eqqunneqareernerminni akitsuuteqannginnissamut maleruagassanut imaluunniit tunngavigineqartunut atuuttunut akerliusumik atorneqarpata, kapitali manna naapertorlugu tamakkiisumik ilaannakortumilluunniit akitsuuteqartitsinnginneq atorunnaarsinneqarsinnaavoq.

 

Kapitali 6
Akitsuummik akiliineq

§ 22. Nioqqutissanik eqqussuinermi akitsuutit pillugit Inatsisartut inatsisaat nr. 19, 30. oktober 1992-imeersoq naapertorlugu akitsuutit nioqqutissat akitsuuteqarfiusumut eqqunneqarneranni akiligassanngussapput.
Imm. 2. Piffissaagallartillugu akitsuutinik akiliinissamut piffissarititaq kingusinnerpaaq pillugu Naalakkersuisut aalaj angersaasinnaapput.

§ 23. Nioqqutissanik angallassisoq taassumaluunniit sinniisua nioqqutissat akitsuutaasa akilerneqarnissaannut akisussaavoq, nioqqutissat pissusissamisoortumik Akileraartarnermi Pisortaqarfiramut nalunaarsorneqarnissaasa tungaanut.
Imm. 2. Nioqqutissanik tigusisoq nioqqutissat, imminerminut nalunaarsorneqarsimasut akitsuutaasa akilerneqarnissaannut aammalu sullissinermi akiliutaasinnaasunut akisussaavoq.
Imm. 3. Nioqqutissanik aaqqissuussillunilu ingerlatitsisartoq nioqqutissat nassiussatut nalunaarsortitami akitsuutaasa akilerneqarnissaannut akisussaavoq, nioqqutissanik tigusisussaq eqqortumik nalunaarsimanngikkuniuk, nalunaarsinnaanngikkuniuk imaluunniit tigusisussaanngitsoq nalunaarsimaguniuk, imaluunniit nioqqutissanik tigusisussaq akitsuuteqarfiup avataani najugaqarsimappat.
Imm. 4. Imm. 2 aamma 3-mi akisussaassutsit atorunnaassapput, tamatumunnga maleruagassat atuuttut naapertorlugit nioqqutissat anniseqqinneqarsimappata.

§ 24. Uppernarsaat pissusissamisoortoq akitsuutit naatsorsorneqarneranni tunngaviusussaq tiguneqarsimanngippat, Akileraartarnermi Pisortaqarfik akitsuuramik missingersuinikkut angissusiliisinnaavoq.

§ 25. Nioqqutissanik tigusisoq siusinnerusukkut nassiussarsiami akitsuutaannik akiligassanik akiitsoqarpat, nioqqutissanik tigusisussap nassiussarsiai Akileraartarnermi Pisortaqarfiup tigummigallarsinnaavai.
Imm. 2. Nioqqutissanik tigusisoq arlaleriarluni siusinnerusukkut akitsuutinik akiligassanngorsimasunik piffissaagallartillugu akiliisarsimanngippat, takuuk § 22, inun. 2, nioqqutissanik tigusisussap nassiussarsiai Akileraartarnermi Pisortaqarfiup tigummigallarsinnaavai akitsuutit akilerneqarserlugit.

§ 26. Nioqqutissat akitsuutaat piffissaagallartillugu akilerneqanngippata, takuuk § 22, iram. 2, nioqqutissat Akileraartarnermi Pisortaqarfiup tigummigallarsinnaavai imaluunniit nioqqutissanik tigusisup akiligaanik anniseqqeqqusinnaallugit.
Imm. 2. Nioqqutissat tigummineqarallartut akitsuutaat akitsuummik akiliuteqarnissap atuutilerneraniit qaammatit marluk qaangiutsinnagit akilerneqanngippata, nioqqutissat tamanut ammasumik akitsorterussinikkut tuniniarneqassapput. Nioqqutissalli Akileraartarnermi Pisortaqarfiup isumaa naapertorlugu atorsinnaanngitsut naleqanngitsulluunniit piffissarititap qaangiunneratigut akitsuutinik nakkutilliisut najuuttoralugit suujunnaarsinneqassapput. Akitsorterussinermiit ukioq ataaseq qaangiutsinnagu nioqqutissanik tigusisussaq akitsorterussinikkut tunisat nalinginik piumasaqaateqanngippat, akitsorterussinermi isertitat aningaasartuutit peereerlugit landskassemut nakkartinneqassapput. Nioqqutissanik tigusisussaagaluamut aningaasanik tunniussisoqassatillugu, akitsuutit suliakkersuinermullu akiliutissat kiisalu tigumminnikkallarnermi tuniniaanermilu aningaasartuutit ilanngaatigineqartas sapput.

 

Kapitali 7
Nakkutilliineq

§ 27. Inatsisartut inatsisaanni matumani aalajangersakkat, nioqqutissanik eqqussuinermi akitsuutit pillugit Inatsisartut inatsisaanni nr. 19, 30. oktober 1992-imeersumi aalajangersakkat kiisalu nioqqutissanik eqqussuineq annissuinerlu pillugit inatsisini allani aalajangersakkat malitsinneqarnisaasa nakkutigineqarnissaat Akileraartarnermi Pisortaqarfimmit isumagineqassaaq.
Imm. 2. Akileraartarnermi Pisortaqarfiup Kalaallillu Nunaanni Politimestereqarfiup akornanni isumaqatigiissut naapertorlugu politiit Akileraartarnermi Pisortaqarfimmut ikiuuttassapput.

§ 28. Nakkutilliivigineqartussaasut tassaapput:
1) umiarsuit, timmisartut angallassissutillu allat akitsuuteqarfiusumiittut,
2) inuit piginneqatigiiffiillu il.il. akitsuuteqarfiusumiittut, |
3) nioqqutissat nassiussat akitsuuteqarfiusumukartut akitsuuteqarfimminngaaneersulluunniit, kiisalu
4) ingerlatsiviit § 3-mi taaneqartut.

§ 29. Angallatit naalagaat pisussaapput paasissutissat nakkutilliinerup isumagineqarnissaanut pisariaqartut angallairanut, inuttanut, ilaasunut aammalu usinut il.il. tunngasut paasisitsissutigalugillu uppernarsassallugit kiisalu lastimut, ininut toqqorsivinnullu isertitarisat tamaasa takutillugillu ammarlugillu qulaassallugit.
Imm. 2. Akileraartarnermi Pisortaqarfik pisinnaatitaavoq angallatini sumiluunniit misissuinernik nakkutilliinerup isumagineqarnissaanut pisariaqartunik suliaqarnissamut.
Imm. 3. Umiarsuit ingerlasut Akileraartarnermi Pisortaqarfiup piumasaqarneratigut misissuisoqarnissaa pillugu unissapput.
Imm. 4. Akileraartarnermi Pisortaqarfiup umiarsuaq timmisartorluunniit akitsuuteqarfiusumiittoq imaluunniit tassunngartoq tassanngaaneersorluunniit peqqusinnaavaa Akileraartarnermi Pisortaqarfiup innersuussutigisaanut umiarsualivisseqqullugu iraaluunniit nunneqqullugu.

§ 30. Inuit Kalaallit Nunaannukartut tassanngaaniilluunniit aallartut, takuuk § 28, imaluunniit Kalaallit Nunaanni illersornissamut sakkutooqarfimmiit, takuuk § 6, imm. 2 imaluunniit § 19, imm. 2-mi pineqartumiit tikittut peqquneqanngikkaluarlutik misissortittassapput, Akileraartarnermilu Pisortaqarfiup piumasaqarneratigut misissortittassallutittaaq.
Imm. 2. Inuit umiarsuarniissimasut timmisartuniissimasulluunniit imaluunniit sinerissani, umiarsualivinni, timmisartoqarfinni mittarfinniluunniit angalaartut Akileraartarnermi Pisortaqarfiup piumasaqarneratigut misissortittassapput.
Imm. 3. Inuit imm. 1-imi 2-milu pineqartut nioqqutissat nassatatik tamaviisa nalunaarutigisussaavaat, nakkutilliinerup ingerlanneqarnissaanut paasissutissat pisariaqartut nalunaarutigisussaavaat, nassataminni angallatiminni il.il. ilitsiviusinnaasut tamaasa takutittartussaavaat, piumasarineqarpallu nassatatik il.il. ammartertartussaallugit.
Imm. 4. Akileraartarnermi Pisortaqarfik pisinnaatitaavoq inunnik misissuinissamut. Misissuineq sapinngisamik qajassuartumik pissaaq aammalu nakkutilliinissap pisariaqartitaanit ingasanneroqqusaanani. Misissuineq atisanut qallernut killeqanngitsoq aatsaat pisinnaatitaavoq naapertuuttumik pissuteqarluni ilimanarpat pineqartoq inatsisinik unioqqutitsilluni nioqqutissanik il.il. timimi iluanut toqqortuisimasoq. Misissorneqartussap piumasarisinnaavaa misissuinerup ilisimannittuusumit nammineq toqqakkaminit najuuffigineqarnissaa. Misissuineq taamaallaat angutit anguteqataannit arnallu arnaqataannit suliarineqarsinnaallunilu najorneqarsinnaavoq.

§ 31. Akileraartarnermi Pisortaqarfik pisinnaatitaavoq nakkutilliinerup isumagineqarnissaanut pisariaqartutut annertutigisuraik nassiussanik raisissuisarnissamut aammalu taakkua suunerannik misissuinissap pisariaqartitsineratut annertutigisumik nassiussanik misissuisarnissamut.

§ 32. Akileraartarnermi Pisortaqarfik akornusersorneqarani sinerissani, umiarsualivinni, timmisartoqarfinni mittarfinnilu sumiikkaluartuniluunniit angalaarsinnaavoq kiisalu qanoq ilinikkulluunniit quersuarni il.il., umiarsualivinni timmisartoqarfinnilu nioqqutissanik qinaasisinnaalluni.
Imm. 2. Angalaarfigineqarsinnaasoq ungaluneqarsimappat asserneqarsimappalluunniit Akileraartarnermi Pisortaqarfiup qanoq ilinikkulluunniit akornusersorneqarani isersinnaanissaa qulakkeerniarlugu sulissutiginnittoqartassaaq.

§ 33. Akileraartarnermi Pisortaqarfik pisinnaatitaavoq suliffeqarfinnik § 3-mi pineqartunik misissuinissamut aammalu taakkua nioqqutissaataannik, niuernerminni allataaviinik, naatsorsuutaannut tunngasunik kiisalu allagarsiarisarsimasaannik allagarisarsimasaannillu il.il, misissuinissamut.
Imm. 2. Piginnittut sulisorisaallu Akileraartarnermi Pisortaqarfik misissuinermik ingerlatsinerani pisariaqarnera naapertorlugu ilitsersuisussaapput ikiuuttussaallutillu.
Imm. 3. Niuernermi allattaaviit, naatsorsuutinut tunngasut kiisalu allagarsiaasarsimasut allagarisarsimasallu il.il. imm. 1-imi pineqartut Akileraartarnermi Pisortaqarfiup piumasaqarneratigut Akileraartarnermi Pisortaqarfimmut tunniunneqassapput nassiunneqarlutilluunniit.
Imm. 4. Naatsorsuutit il.il. inummi pingajuusumiippata, taanna taakkuninnga tunniussaqartussaatitaanngikkaluaruniluuniit, taakkua Akileraartarnermi Pisortaqarfimmut tunniutissavai, Akileraartarnermilu Pisortaqarfiup isumagisassaraa atorneqareerpata inummut pingajuusumut pineqartumut utertissallugit.

§ 34. Pisortat oqartussaasut kiisalu eqqartuussissuserisut, aningaaseriviit, kukkunersiuisut, sillimmasiisarfiit, angallassisut, nassiussanik aaqqissuillutillu ingerlatitsisartut il.il. peqquneqarnermikkut paasissutissat suulluunniit Akileraartarnermi Pisortaqarfimmut, Inatsisartut inatsisaat manna aammalu eqqussuinermi akitsuutit pillugit Inatsisartut inatsisaat nr. 19, 30. oktober 1992-imeersoq naapertorlugit Akileraartarnermi Pisortaqarfiup nakkutilliinissaanut aalajangiinissaanullu atorneqartussat nalunaarutigisassavaat.

§ 35. Nakkutilliinerup qanoq ingerlanissaanik malittarisassat erseqqinnerusut Naalakkersuisut aalajangertassavaat.
Imm. 2. Nioqqutissanik pilersuisut nioqqutissanillu tigusisussat nalunaaruteqartarnissaannik aanunalu nioqqutissat akitsuusigassat qanoq nalunaaqutserneqartarnissaannik Naalakkersuisut erseqqinnerusunik aalajangersaas innaapput.

 

Kapitali 8
Naammagittaalliorfissat

§ 36. Inatsisartut inatsisaat manna imaluunniit eqqussuinermi akitsuutit pillugit Inatsisartut inatsisaat nr. 19, 30. oktober 1992-imeersoq naapertorlugit Akileraartarnermi Pisortaqarfiup aalajangiineri, aalajangiinerup nalunaarutigineqarnerata tiguneraniit qaammatit pingasut qaangiutsinnagit Naalakkersuisunut naammagittaalliuutigineqarsinnaapput.
Imm. 2. § 24-li naapertorlugu Akileraartarnermi Pisortaqarfiup aalajangiineri Naalakkersuisunut ingerlateqqinneqarsinnaanngillat.
Imm. 3. Naalakkersuisut Akileraartarnermilu Pisortaqarfiup aalajangiineri, aalajangiinerup nalunaarutigineqarnerata tiguneraniit qaammatit pingasut qaangiutsinnagit eqqartuussisunut ingerlateqqinneqarsinnaapput.

 

Kapitali 9
Nunat tamalaat isumaqatigiissutaat

§ 37. Naalakkersuisut piumasaqaqatigiinnikkut Danmarkimik, Savalimmiunik imaluunniit naalagaaffinnik takornartanik isumaqatigiissusiorsinnaapput suleqatigiinnikkut anngiortumik eqqussisarnerup akiorneqarnissaanik aammalu taamaattunik isumaqatigiissusiornissanut suliniutissanik pisariaqartunik aalajangiisinnaallutik.

 

Kapitali 10
Aalajangersakkat allat

§ 38. Naalakkersuisut Akileraartarnermi Pisortaqarfik piginnaatissinnaavaat pisortat oqartussaasut allalluunniit peqqusinnaagai, Inatsisartut inatsisaanni matumani aammalu Inatsisartut inatsisaanni nr. 19, 30. oktober 1992-imeersumi Akileraartarnermi Pisortaqarfimmut pisussaaffiliunneqarsimasunik piginnaatitaaffiliunneqarsimasunillu, Akileraartarnermi Pisortaqarfik suleqatigalugu ilitsersuisoralugulu isumaginninnissamut.

§ 39. Nioqqutissanik, Nioqqutissanik eqqussuinermi akitsuutit pillugit Inatsisartut inatsisaanni nr. 19, 30. oktober 1992-imeersumi taaneqartunik eqqussinissamut akitsuutinillu akiliisitsinissamut maleruagassat Naalakkersuisunit aalajangersarneqarsinnaapput.

§ 40. Nioqqutissat piffinnut erseqqinnerusumik taaneqartunut eqqunneqartut akitsuuteqarnermut naatsorsueqqissaarnermullu tunngatillugu akitsuuteqarfiusumut eqqunneqarsimasutut isigineqarnissaat pillugit Naalakkersuisut maleruagassiorsinnaapput.

§ 41. Akileraartarnermi Pisortaqarfik pisinnaatinneqarpoq nioqqutissat sumit pinerinik, Kalaallit Nunaannut eqqunneqarnerini tassanngaaniillu anninneqarnerini uppernarsaatinik pisariaqartitanik tunniussinissamut.
Imm. 2. Akileraartarnermi Pisortaqarfik pisussaavoq danskit, savalimmiormiut imaluunniit nunat allat ilanngaaserisoqarfiisa, EF-ip direktoratiata taaraaaqataasaluunniit imaluunniit Kalaallit Nunaanni avammut tunisassiortut qinnuteqarnerisigut nioqqutissanut Kalaallit Nunaanniit anninneqartunut tassungaluunniit eqqunneqartunut tunngatillugit immikkut imaluunniit naqqiutinik paasissutissiissutit, uppernarsaatit, atsiuinerit assigisaasalu pissarsiariniarnissaannut imaluunniit pissarsiariniarnerini ikiuunnissamut.

§ 42. Inatsisartut inatsisaat manna aammalu nioqqutissanik eqqussuinermi akitsuutit pillugit Inatsisartut inatsisaat nr. 19, 30. oktober 1992-imeersoq naapertorlugit suliassanut tunngatillugu kiisalu aalajangersakkat Inatsisartut inatsisaanni taakkunani aalajangersarneqarsimasut naapertorlugit suliassanut tunngatillugu piffissat Akileraartarnermi Pisortaqarfimmut saaffiginniffiusinnaasut Naalakkersuisunit aalajangersarneqarsinnaapput.
Imm. 2. Inatsisartut inatsisaat manna aairanalu nioqqutissanik eqqussuinermi akitsuutit pillugit Inatsisartut inatsisaat nr. 19, 30. oktober 1992-imeersoq naapertorlugit sulianik isumaginninnermut akiliisitsissutit Naalakkersuisunit aalajangersarneqarsinnaapput.

§ 43. Kalaallit Nunaanni pinerluttuliornermut inatsit malillugu Akileraartarnermi Pisortaqarfimmi sulisut susassaqanngitsut tungaannut nipangiussilluinnartussaapput paasissutissat aningaasaqarnermut, inuussutissarsiornermut imaluunniit inuit nanuninerisaminnik inooqatigiinnerannut tunngasut Inatsisartut inatsisaat manna aammalu nioqqutissanik eqqussuinermi akitsuutit pillugit Inatsisartut inatsisaat nr. 19, 30. oktober 1992-imeersoq naapertorlugit suliaminnik ingerlatsinerminni tusarsimasamik tungaasigut. Tamanna aamma atuuppoq Akileraartarnermi Pisortaqarfiup ikiortissamisut atorfinitsissimasaanut aammami kimulluunniit pisortanut isumaqatigiissuteqarneq naapertorlugu suliarisami kinguneranik tamakkua pillugit tusagaqarsimasumut. Isumaqatigiissuteqarfigisaq tassaappat pisortat oqartussaasut allat imaluunniit sullivik, nipangiussisussaatitaasut tassaapput kikkulluunniit sullivirami sulinerminni pissutsit tamakkua pillugit tusagaqarsimasut tamarmik.

§ 44. Inatsisartut inatsisaat manna naapertorlugu Naalakkersuisunut pisinnaatitaaffiliunneqarsimasunik isumaginninnissamut Akileraartarnermi Pisortaqarfik Naalakkersuisunit pisinnaatinneqarsinnaavoq.

 

Kapitali 11
Pineqaatissiinerit

§ 45. § 1-imi, § 2, iiran. 2-mi, § 29, imm. 1-imi, 3-mi 4-milu, § 30, imm. 1-imiit 3-mut, § 32-mi, § 33-mi aamma § 34-mi aalajangersakkanik malinnikkumanngitsoq akiliis inneqars innaavoq.

§ 46. Nioqqutissanik, Inatsisartut inatsisaanni matumani § 7-imi, § 8-mi, § 9-mi aanuna § 10-mi pineqartunik akuersissummik peqarani piaaraluneerluni mianersuaalliorujussuarluniluunniit eqqussisoq akiliisinneqarsinnaavoq.
Imm. 2. Kapitali 5 naapertorlugu aalajangiinissanut atugassanik eqqungitsunik paasinerlunneqarsinnaasunilluunniit paasissutissiisoq taamatulli akiliisinneqarsinnaavoq.
Imm. 3. Nioqqutissat, Inatsisartut inatsisaanni matumani § 7-imi, § 8-mi aamma § 9-mi pineqartut akuersissummik peqarani eqqunneqarpata, taakkua, taakkualuunniit peqanngippata aningaasanngorlugu nalingat, arsaarinnissutigineqas sapput.
Imm. 4. Kialuunniit, Inatsisartut inatsisaat manna naapertorlugu maleruagassiani aalajangersakkanik piaaraluneerluni mianersuaalliorujussuarluniluunniit unioqqutitsisup akiliisinneqarnissaa pillugu aalajangersagaliortoqarsinnaavoq.

§ 47. Naalakkersuisut, naalakkersuisulluunniit tamatumunnga piginnaatitaat, Inatsisartut inatsisaanni matumani aalajangersakkanik unioqqutitsisoq nalunaarfigisinnaavaat suliassaq eqqartuussinertaqanngitsumik naammassineqarsinnaasoq, unioqqutitsisoq unioqqutitsinerminik nassuerpat, akiligassiissutigineqartullu piffissap aalajangersimasup, qinnuteqarnikkut sivitsorneqarsinnaasup, iluani akilerumassappagit.
Imm. 2. Nalunaarutiginninnermut, imm. 1-imi taaneqartumut atatillugu eqqartuussisarnermi inatsimmi kapitali 5-imi aalajangersakkani unnerluutiginninnermut allassimasut atuutissapputtaaq.
Imm. 3. Akiliisitsissut piffissaagallartillugu akilerneqarpat imaluunniit aalajangiunneqarnermi kingorna akiliisitsiniarnikkut akilersinneqarpat qanoq iliuuseqartoqaqqissanngilaq.

 

Kapitali 12
Aalajangersakkat atulersitsisuusut ikaarsaarutaasullu

§ 48. Inatsisartut inatsisaat ullormi 1. januar 1993-imi atuutilissaaq.
Imm. 2. Inatsisartut inatsisaata atuutilerneratigut nioqqutissanik eqqussuineq, eqqussuinermilu akitsuutit pillugit Inatsisartut inatsisaat nr. 1, 6. maj 1989-imeersoq aamma nioqqutissat Kalaallit Nunaannut eqqunneqartartut tassanngaaniillu anninneqartartut nalunaarsorneqarnerat nakkutigineqarnerallu pillugit Inatsisartut inatsisaat nr. 16, 29. oktober 1985-imeersoq atorunnaarsinneqassapput.
Imm. 3. Maleruagassat, Inatsisartut inatsisaanni imm. 2-mi taaneqartuni aalajangersarneqarsimasut atuutiinnassaput, Inatsisartut inatsisaat manna imaluunniit nioqqutissanik eqqussuinermi akitsuutit pillugit Inatsisartut Inatsisaat nr. 19, 30. oktober 1992-imeersoq naapertorlugit maleruagassanik aalajangersaanikkut taarserneqarserlugit atorunnaarsinneqarserlugilluunniit.

Namminersornerullutik Oqartussat, ulloq 30. oktober 1992.

Lars Emil Johansen

/

Emil Abelsen