Aningaaserivinni ileqqaakkat akileraarutitigut oqilisaaffigineqarnissaat pillugu Inatsisartut inatsisaata allannguutissaatut Inatsisartut inatsisaat nr. 15, 30. oktober 1992-imeersoq.

 

§ 1

Aningaaserivinni ileqqaakkat akileraarutitigut oqilisaaffigineqarnissaat pillugu Inatsisartut inatsisaanni nr. 2, 6. maj 1989-imeersumi makku allanngortinneqarput:

1. § 1-imi imm. 3-tut ilanngunneqarpoq:
"Imm. 3. Ileqqaakkat ilinniagaqarnissamut atorneqarpata, matumani ilinniarnerup Kalaallit Nunaanni avataaniluunniit ingerlanneqarnera apeqqutaatinnagu, ajunngitsorsiatut ernialiunneqartut tunniunneqassapputtaaq akileraaruteqaataasus saanngitsutut."

2. § 2-p kingornanut ilanngunneqarpoq:
"§ 2a. Siunertanut § 1, imm. 2, nr. 1-imiit 3-mut taaneqartunut ileqqaakkanut landskasse erniatigut tapiissuteqartassaaq.
Imm. 2. Siunertanut imm. 1-imi taaneqartunut ileqqaakkat tunniunneqalerpata, piffissami sumiluunniit ileqqaakkat ukiumut 4 procentiinik ernialerneqartassapput. Erniatigulli tapiissutit akiliinerup siulliup kingornatigut kingusinnerpaamik ukiut 5-t qaangiunnerisigut tunniunneqarunnaassapput, tunniunneqarsinnaassallutillu aatsaat konto sivikinnerpaamik ukiumi ataatsimi pioreers imappat.
Imm. 3. Erniatigut tapiissutit aningaasarsiat akileraaruteqaataasussat naatsorsornerini ilanngunneqassanngillat."

3. § 4, imm. 1-imi allassimasoq "§ 1, imm. 2, nr. 1-imiit 6-imut" allanngortinneqarpoq ima: "§ 1, imm. 2, nr. 1-imiit 6-imut amma imm. 3"

4. § 10-mi allassimasoq "§ 1, imm. 2" allanngortinneqarpoq ima: "§ 1, imm. 2 aamma 3"

 

§ 2

Inatsisartut inatsisaat 1. januar 1993-imi atuutilissaaq.

Namminersornerullutik Oqartussat, ulloq 30. oktober 1992.

Lars Emil Johansen

/

Emil Abelsen