Feriernersiuteqarneq feriernerlu pillugit inatsisartut inatsisaata allanngortinneqarneranik Inatsisartut inatsisaat nr. 12, 30. oktober 1992-imeersoq

 

§ 1

Feriernersiuteqarneq feriernerlu pillugit Inatsisartut inatsisaanni nr. 22-mi 25. oktober 1990-imeersumi makku allannguutigitinneqassapput:

1. § 4 imatut oqaasertalerneqassaaq:
"§ 4. Ukioq sulinngiffeqaatissanik katersiffik tassaavoq qaammatisiutit malillugit ukioq ilivitsoq. Ukioq sulinngiffeqarfissaq tassaavoq ukiup sulinngiffeqaatissanik katersiffiup tulliani februarip aallaqqaataaniit januarip 31-ianut."

2. § 7, imm. 1 imatut oqaasertalerneqassaaq:
"§ 7, imm. l. Sulinngiffeqarneq pissaaq ukiumi ukiup sulinngiffeqaatissanik katersiffiusup tulliani februarip aallaqqaataaniit januarip 31-ianut."

3. § 8, imm. 2 imatut oqaasertalerneqassaaq:
"§ 8, imm. 2. Ataatsimoortumik isumaqatigiissut aqqutigalugu allamik isumaqatigiissuteqartoqarsimanngippat, imaluunniit inatsit isumaqatigiissulluunniit malillugu soraarnissamut soraarsitsinissamulluunniit piffissarititaasoq qaammatinit pingasunit sivisuneruppat, sulisitsisup sulisoq akuersiseqqaarsimatinnagu, tak. imm. 1, sulinngiffeqarnissap ilaani ulluni tulleriiginnarni 18-ini sulinngiffeqarsinnaatitaaneq sulisitsisup nalunaarneraniit soraarnissap tungaanut inissinneqarsinnaanngilaq. Sulisitsisup soraarsitsiniarnermini sulinngiffeqarfissat sinneri sulisup piffissami soraarnissami tungaanut sulinngiffeqarfimmisut. atussagai tamatigut piumasarisinnaavai."

4. § 19, imm. 1 imatut oqaasertalerneqassaaq:
"§ 19, imm. 1. Sulinngiffeqarnersiutissat katersat ukiup sulinngiffeqarfissanik katersiffiup naareernerani sulinngiffeqarfissaq sioqqullugu kingullermik akissarsisitsinermut ilanngullugit tunniunneqartassapput."

 

§ 2

Inatsisartut inatsisaat 1. januar 1993 aallarnerfigalugu atortuulersinneqarpoq.

Namminersornerullutik Oqartussat, ulloq 30. oktober 1992

Lars Emil Johansen

/

Emil Abelsen