Inuutissarsiutigalugu piniarnermut aallaaniarnermullu Inatsisartut inatsisaata allanngortinneqarneranut Inatsisartut inatsisaat nr. 10, 29. april 1992-imeersoq.

 

§ 1.

Inuutissarsiutigalugu piniarnermut aallaaniarnermullu Inatsisartut inatsisaanni nr. 12, 22. november 1984-imeersumi makkua allanngortinneqassapput:

§ 3 imatut oqaasertalerneqassaaq:
"§ 3. Kalaallit Nunaata nunataani aalisarnikkullu imartaani inuutissarsiutigalugu piniarneq aallaaniarnerlu taamaallaat ingerlanneqarsinnaavoq inunnit
1) inuiaqatigiinnut kalaallinut aalajangersimasumik attuumassuteqartunit,
2) Kalaallit Nunaanni najugaqartutut inuit aqqisa allattorsimaffianni nalunaarsorsimasunit, Kalaallit Nunaannilu inuit aqqisa allattorsimaffianni ukiuni kingullerni marlunni nalunaarsorsimasimasunit,
3) Kalaallit Nunaannut tamakkiisumik akileraartartussaasunit, Kalaallit Nunaannullu ukiuni kingullerni marlunni tamakkiisumik akileraartartuusimasunit, aammalu
4) inuutissarsiutigalugu piniarnermik aallaaniarnermillu ingerlatsisinnaanermut immikkut akuersissummik pigisaqartunit.
Imm. 2. Imm. l.-imi normu 2)-mi 3)-milu piumasarisanik Naalakkersuisut sanioqqutitsisinnaapput, tamanna naapertuuttutut isigineqaraangat qinnuteqartup Kalaallit Nunaannut attuumassuteqarnera, qinnuteqartorluunniit ilinniarluni
allamilluunniit assigisaanik pissuteqarluni Kalaallit Nunaata avataani najugaqarallarsimappat.
Imm. 3. Piniarsinnaanermut aallaaniarsinnaanermullu akuersissutit tunniunneqarsinnaaneri, pissarsiarineqarsinnaaneri annaaneqarsinnaanerilu pillugit maleruagassanik erseqqinnerusunik Naalakkersuisut aalajangersaassapput.
Imm. 4. Naalakkersuisut imm. 1-imi, normu 4) naapertorlugu akuersissum-
mik tunniussineq akililiutitaqartissinnaavaat."

 

§ 2.

Inatsisartut inatsisaat 1. juli 1992 atuutilerpoq.

Namminersornerullutik Oqartussat, ulloq 29. april 1992

Lars Emil Johansen

/

Kaare Hagemann