Imigassanik aalakoornartulinnik nioqquteqarneq sassaallertarnerlu pillugit Inatsisartut inatsisaat nr. 9, 9 april 1992-imeersoq.

 

§ 1

Imigassanik aalakoornartulinnik nioqquteqarneq sassaallertarnerlu pillugit Inatsisartut inatsisaannut nr. 13-imut 26. oktober 1989-imeersumut makku allannguutigitinneqassapput:

1. § 4 ima oqaasertaqartinneqassaaq:
"Inatsimmi matumani imigassat aalakoornartullit pineqartut tassaapput imigassat oqimaassusiata 4,10 %-ianik aalakoornartullit taassuminngalu kimittunerusunikaalakoornartullit."

2. § 14 ima oqaasertaqartinneqassaaq:
"Sutorniartarfinni sassaalliiviusunilu allani imigassanik aalakoornartulinnik annitassanik nioqquteqartoqassanngilaq, nerisassanik aggiussisitsilluni annitassanilluunniit pisineq pineqanngippat."

3. § 15-ip kingorna ilanngunneqassaaq:
"Imm. 2. Peqatigiiffiit, klubbit assigisaallu aalajangersimasumik iniuteqarpata minnerpaamillu sapaatip akunneranut ataaseq sinnerlugu ammasarpata, feriarnermut atatillugu matoqqasarsinnaanerit eqqarsaatiginagit, kapitalini 1-imi 2-milu imigassanik nioqquteqarsinnaanermut, init akuersissutigineqartarnerannut il.il. aalajangersakkat atuutissapput."

4. § 16 imm. 1 atorunnaarpoq.

5. § 20 imm. 1 ima oqaasertaqartinneqassaaq:
"Sutorniartarfiit sassaallertarfiillu allat nalunaaqutaq 03.00-imiit 06.00-imut matoqqasassapput."

5 . § 20 imm. 2 ima oqaasertalerneqassaaq:
"Imm. 2. Matoqqanerup nalaani minutsit 30-t taamaallaat pinnagit politiinit akuerineqarsimatinnani sutorniartarfimmiittoqassanngilaq, tamanna ullormut tunisanik naatsorsuinerup, eqqiaanerup nakkutilliinerulluunniit pisariaqartinngippagu."

6. § 23 imm. 1-imi 1) ima oqaasertaqartinneqassaaq:
"1) aalajangersimasumik piffissarititaasup avataani imigassanik aalakoornartulinnik nioqquteqartoqaranilu sassaallertoqassanngilaq, matumani aamma nerisassanik aggiussisitsilluni annitassanilluunnit nioqquteqarnermi."

7. § 23 imm. 3-p kingorna ilanngunneqassaaq:
"Imm. 4. Naalakkersuisut najukkani kommunit aggornerisa avataanniittunut imigassanik nioqquteqarsinnaanermut akuersissuteqartarnerit arsaarinnissuteqartarnerillu pillugit aalajangersaasinnaapput. Aamma Naalakkersuisut imm. 1-imi oqaatigineqartutut najukkanut kommunit aggornerisa avataanniittunut aalajangersaasinnaaput."

8. § 24-mi imm. 3-mi oqaaseqatigiit aappaattut ilanngunneqassaaq:
"Aammattaaq killilersuinermi pointit arsaarinnissutigineqartarnissaat pillugu aalajangersagaliortoqarsinnaavoq."

 

§ 2

Inatsisartut inatsisaat manna atortuulersinneqarpoq 1. juni 1992 aallarnerfigalugu.

Namminersornerullutik Oqartussat, ulloq 9. april 1992

Lars Emil Johansen

/

Henriette Rasmussen